Olosamo
95 Enjui, tu kaluki lonjolela ku Yehova!
Tu kaluki lesanju kuenda oku sivaya Ewe lietu liepopelo.+
3 Momo Yehova, o Suku yimue yinene,
Osoma yimue yinene kolosuku viosi vikuavo.+
4 Alondo o kilu lieve a kasi peka liaye;
Olosungu violomunda via tiamẽla kokuaye.+
6 Enjui, tu fendeli loku petama;
Tu kekamẽli kovaso a Yehova Ululiki wetu.+
7 Momo eye Suku yetu,
Kuenda tumanu vaye.
Eye o tu tata ndolomeme vusenge.*+
Etaili nda wa yeveleli kondaka yaye,+
8 Ko ka tĩlisi utima wene ndeci ko Meriva,*+
Ndeteke lina ko Masa* vekalasoko,+
9 Eci vakukululu yene va ndi seteka;+
Ovo va ndi nyika ndaño okuti va mola ovopange ange.+
10 Vokuenda kueci ci soka 40 kanyamo, nda nyehũla ocitumbulukila caco kuenje nda popia siti:
“Ovo omanu vamue okuti otembo yosi va yapuka vovitima viavo;
Ka va kũlĩhĩle olonjila viange.”
11 Omo liaco, nda lisila vonyeño yange siti:
“Ka va ka iñila vepuyuko liange.”+