Olosamo

Osamo.

98 Imbili Yehova ocisungo cimue cokaliye,+

Momo eye wa siata oku linga ovina vi komõhisa.+

Eka liaye liondio okuti, okuokuo kuaye ku kola, kua nena epopelo.*+

2 Yehova wa situlula epopelo liaye;+

Eye wa situluila esunga liaye kovaso yolofeka.+

3 Eye wa ivaluka ocisola caye ka ci pongoloka kuenda ocili caye konjo ya Isareli.+

Ilu lieve liosi lia mola epopelo lia Suku yetu.*+

4 Kaluki lonjolela kuenda sivayi Yehova, a ilu lieve liosi.

Kuati esanju kuenda kaluki lonjolela loku imba ovisungo viesivayo.*+

5 Imbili Yehova ovisungo viesivayo* lohalupa,

Lohalupa kuenda ocileñi covisungo.

6 Lalumbeta kuenda ocileñi combinga,+

Kaluki lonjolela kovaso a Soma, Yehova.

7 Okalunga ka ndindime lovina viosi vieyukamo;

Ilu lieve kuenda vana va tungamo.

8 Olondui vi pandule lovaka avo;

Olomunda vi kalukile kumosi lonjolela,+

9 Kovaso a Yehova, momo eye o kasi oku iya* oco a sombise ilu lieve.

Eye o ka sombisa lesunga ilu lieve+

Kuenda o ka sombisa omanu lesunga.+