Olosamo
Masikili.* Ohutililo ya Daviti eci a kala veleva.+
142 Londaka yange ndi vilikiya Yehova oku pinga ekuatiso;+
Londaka yange ndi livondela ohenda ya Yehova.
2 Kovaso aye, ndi situlula esakalalo liange;
Kovaso aye ndi lombolola eci catiamẽla kohali yange,+
3 Eci ongusu yange yi pua vokati kange.
Ove o lava onjila yange.+
Volonjila muna ngendela,
Va ñapelamo onjanjo yimue oco va ñuate.
Ka kuli ocitumãlo ndi pondola oku tilila;+
Lomue wa sakalala lame.
5 A Yehova, ndi vilikiya kokuove oku pinga ekuatiso.
6 Yevelela oku liyula kuange kuekuatiso,
Momo ñuete ovitangi vialua.
Mopele ku vana va ndi lambalala,+
Momo ovo va pama calua okuti, ame ci sule.
7 Njupe vokayike,
Oco ndi sivaye onduko yove.
Vakuesunga va likongele kokuange
Momo ove o ndi tata lohenda.