Efendelo Lietu li Sanjuisa Ndati Suku?

Ndeci tua mola vocipama ca pita, Suku ka sanjukila atavo osi. Pole, tu pondola oku fendela Ululiki wetu lonjila yo sungulukila. Yipi “onjila yoku fendela [ale, etavo]” liu sanjuisa? (Tiago 1:27, etosi.) Tu tali eci Embimbiliya li longisa.

1. Efendelo lietu li sukila oku kunamẽla pi?

Efendelo lietu li sukila oku kunamẽla Vembimbiliya. Yesu wa sapuila Suku hati: “Ondaka yove oyo ocili.” (Yoano 17:17) Atavo amue ka a kapeleko ocili ci sangiwa Vondaka ya Suku Embimbiliya. Ovo va yi piñainya loviholo kuenda alongiso omanu. Pole, Yehova ka sanjukila vana va ‘sepula ovihandeleko’ viaye. (Tanga Marko 7:9.) Handi vali, tu sanjuisa utima waye eci tu pokola kueci Embimbiliya li longisa.

2. Tu sukila oku fendela ndati Yehova?

Tu sukila oku fendela lika Yehova omo okuti, eye Ululiki wetu. (Esituluilo 4:11) Eci ci lomboloka okuti, ka tu fendela ociteka lacimue ale olosandu omo okuti, ocisola cetu lefendelo lietu, vi sesamẽla oku eciwa lika ku Yehova. —Tanga Isaya 42:8.

Efendelo lietu li sukila oku ‘kola loku taviwa’ la Yehova. (Va Roma 12:1) Eci ci lomboloka okuti, tu sukila oku pokola kovihandeleko viaye. Ndeci, omanu vana va sole Yehova, va pokola kolonumbi viaye viatiamẽla kolohuela. Ovo va yuvula ovina ndeci oku sipa, oku fenya ale oku nyua olodroga kuenda evi vi koluisa.a

3. Momo lie tu sukilila oku fendela Yehova kumue la vakuetu?

Olohongele vietu vi tu ĩha epuluvi lioku ‘sivaya Yehova . . . vekongelo.’ (Olosamo 111:1, 2) Onjila yimue yoku ci linga, poku imbila Suku ovisungo viesivayo. (Tanga Olosamo 104:33.) Yehova o tu vetiya oku enda kolohongele omo okuti, o tu sole kuenda wa kũlĩha okuti, eci oco ci ka tu kuatisa oku kuata esanju otembo ka yi pui. Eci tu enda kolohongele, tu vetiya vakuetu kuenje ovo va tu vetiyavo.

LILONGISA ONDONGOSI

4. Ka tu fendela Suku loviteka

OVIDEO: Anga hẽ Suku o Tava Oku Fendeliwa Loviteka? (3:26)

• Kosimbu nye ca enda oku pita lafendeli vamue va Suku va seteka oku u fendela pocakati cociteka?

Omanu vamue va popia okuti, va fendela loviteka oco va seteke oku amela ku Suku. Anga hẽ onjila eyi ya sunguluka? Tanga Etundilo 20:4-6 kuenda Olosamo 106:35, 36, noke konomuisa apulilo a kuãimo:

• Ovina vipi, ale oviteka wa siata oku mola komanu oco va fendele Suku?

• Anga hẽ Yehova o sole okuti omanu vo fendela loviteka?

• Nye o sima catiamẽla koku fendela loviteka?

5. Oku fendela lika Yehova ci tu teyuila kalongiso esanda

OVIDEO: Ocili co Yovola (5:16)

Tanga Olosamo 91:14, noke konomuisa epulilo li kuãimo:

• Nye Yehova a likuminya kokuetu eci tu lekisa okuti eye lika tu sole loku u fendela?

6. Tu fendela Suku kolohongele viekongelo

Tu sivaya Yehova loku pamisa vakuetu eci tu imba loku eca atambululo kolohongele viekongelo. Tanga Olosamo 22:22, noke konomuisa apulilo a kuãimo:

• O sole hẽ oku yevelela atambululo kolohongele?

• O yongola hẽ oku lipongiya oco ece etambululo limue?

7. Yehova o sanjuka eci tu sapela la vakuetu ovina tua lilongisa

Tu pondola oku sapuilako vakuetu ocili Cembimbiliya volonjila via litepa. Tanga Olosamo 9:1 kuenda 34:1, noke konomuisa epulilo li kuãimo:

• Ovina vipi wa lilongisa Vembimbiliya o yongola oku sapuilako vakuene?

NYE WA LILONGISA?

Eci tu fendela lika Ululiki wetu tu u sanjuisa, tu u sivaya kolohongele viekongelo leci tu sapela la vakuetu ovina tua lilongisa.

Oku Pitulula

• Tu lilongisa ndati oku fendela Suku lonjila eye a tava?

• Momo lie tu sukilila oku fendela lika Yehova?

• Momo lie tu sukilila oku fendela Suku lomanu vana va yongola oku u sanjuisa?

OCO O KŨLĨHE OVINA VIKUAVO

Vulandu “Nda Siapo OKu Fendela Oviteka,” tanga ndomo ukãi umue a siapo oku fendela oviteka.

“Embimbiliya li Pondola Omuenyo Womanu” (Utala Wondavululi 1 wa Mbalavipembe 2011)

Lilongisa eci ci ku kuatisa oku eca atambululo kolohongele viekongelo.

“Sivaya Yehova Vekongelo” (Utala Wondavululi wa Susu 2019)

Tala ndomo olohongele via kuatisa umalẽhe umue ndaño okuti ka ca lelukile oco a ende kolohongele.

Yehova o Ndi Tata (3:07)

Omanu valua va tava okuti, ekulusu li situlula Akristão. Anga hẽ ca sunguluka oku fendela lalio?

“Momo Lie Olombangi Via Yehova ka vi Fendelela Lekulusu?” (Ocipama ci sangiwa lika vo Internet)