EPULILO 6
Nye Embimbiliya lia popele catiamẽla ku Mesiya?
OCITUMASUKU
“Ove A Beteleme Efarata, . . . vokuove mu ka nundila umue o ka viala ko Isareli.”
OKU TẼLISIWA
“Noke yoku citiwa kua Yesu ko Beteleme yo ko Yudea koloneke via Soma Herode, tala! vakuakukũlĩhĩsa olombungululu vo Kutundilo veya ko Yerusalãi.”
OCITUMASUKU
“Ovo va litepela pokati ovowalo ange kuenda va imbila ocela uwalo wange.”
OKU TẼLISIWA
“Asualali noke yoku valela Yesu kuti, va kuata uwalo waye va u litepela volonepa vikuãla . . . Pole, ocikutu caco ka ca kuatele uyiko, ca tongiwa ño cimuamue tunde konano toke kombuelo. Ovo va livangula pokati vati: ‘Ka tu ka u toli, tu u limbili ocela oco tu nõle u o kala lawo.’”
OCITUMASUKU
“Eye o lava akepa aye osi; Lalimue li teyiwa.”
OKU TẼLISIWA
“Eci veya ku Yesu va limbuka okuti wa fa ale kuenje ka vo teyele ovolu.”
OCITUMASUKU
“Eye wa pondiwa omo liakandu etu.”
OKU TẼLISIWA
“Umue pokati kasualali wo toma ponele lonjelia kuenje vonjanja yaco, osonde kuenda ovava via fetika oku pita.”
OCITUMASUKU
“Ovo va feta ofeto yange okuti 30 kolosiekele viopalata.”
OKU TẼLISIWA
“Noke umue pokati Kekũi la Vavali una wa tukuiwa Yuda Isikariote, wa enda kovitunda via velapo, loku popia hati: ‘Nye vu nyĩha oco ndi pakule Yesu?’ Va likunda oku wĩha 30 kolopalata.”