1, 2. Lombolola ungende Maria a linga, kuenda ocina co kavisa.

MARIA wa sanda onjila yokutumãla ciwa. Eye wa linga ungende volowola vialua. Yosefe wa pitile kovaso oku songuila ocimbulu, toke ko Beteleme. Maria wa yeva okuti oñaña ya kala vimo liaye ya lisenga vali.

² Embimbiliya poku tukula ndomo Maria a kala kepuluvi liaco, li popia hati, “wa kulilua.” (Luka 2:5) Osimbu va pita vovapia, olongunja vimue via kala oku lima, pamue via lipula esunga lieci ukãi umue we mina a lingila ungende waco. Momo lie Maria a lingila ungende wa lua woku tunda ko Nasara?

⁷ Ndaño lovina viaco, Luka wa soneha hati, Yosefe wa endele oku ka “lisonehisa kumue la Maria.” Eye wa popiavo hati, Maria ‘wa eciwile oco a kueliwe la Yosefe, momo wa likuminyile oku u kuela.’ (Luka 2:4, 5) Olohuela viaco la Yosefe, via nena apongoloko alua kovina Maria a sukilile oku linga. Maria wa tendele Yosefe okuti eye usongui waye, kuenje wa tava lesanju ocikele a tambula ku Suku coku kala ombandeki loku kuatisa ulume waye kovina viosi va enda oku linga.a Omo liaco, oku tava lumbombe kocisimĩlo culume waye kua seteka ekolelo lia Maria, pole wa pokola.