-
Momo Lie Oku Citiwa Evali Ku Kuetele Esilivilo?Utala Wondavululi—2009 | Evambi Linene 1
-
-
Kũlĩhĩsa ndomo Yesu a lombolola esilivilo lioku citiwa evali poku sapela la Nikodemo. Eye wa popia laye hati: “Omunu ka tẽla oku mola usoma wa Suku, te wa citiwa evali.” (Yoano 3:3) Olondaka, “ka tẽla,” kuenda “te,” vi lekisa esilivilo lioku citiwa evali. Kũlĩhĩsa ocindekaise eci: Nda omunu umue o popia hati, “Ka tu tẽla oku mola ocinyi te ekumbi lia tunda,” eci ci lomboloka okuti ekumbi li kuete esilivilo koku eca ocinyi. Cimuamue haico, Yesu wa lekisa okuti oco omunu a ‘iñile Vusoma wa Suku’ o sukila oku citiwa evali.
-
-
Anga hẽ Omunu Eye o Nõla Oku Citiwa Evali?Utala Wondavululi—2009 | Evambi Linene 1
-
-
Nda wa tanga lutate olondaka via Yesu, oka limbuka okuti Yesu ka popele okuti omunu lomunu eye o li nõlela nda o citiwa evali ale sio. Momo lie tu popela ndoco? Kelimi lio Helasi ondaka oku “citiwa evali, ” yi lombolokavo “oku citiwa ku tunda kilu.”a Ndomo ca lomboluiwa volondaka evi, oku citiwa evali ale “oku citiwa kuo kilu,” ku tunda kilu, “ku Isia.” (Yoano 19:11; Tiago 1:17) Omo liaco, Suku eye o koka oku citiwa evali.—1 Yoano 3:9.
-