OCISELEKO CALIVULU VO INTERNET Colombangi Via Yehova
Olombangi Via Yehova
OCISELEKO CALIVULU VO INTERNET
Umbundu
Ũ
  • Ñ
  • ñ
  • õ
  • Õ
  • ũ
  • Ũ
  • ĩ
  • Ĩ
  • ã
  • Ã
  • ẽ
  • Ẽ
  • EMBIMBILIYA
  • ALIVULU
  • OLOHONGELE
  • Helie Yesu?
    Sanjukili Omuenyo Otembo ka yi Pui!—Elilongiso Liembimbiliya
    • 1. Helie Yesu?

      Yesu ungelo umue ukuonene, o kasi kilu. Yehova Suku osimbu ka lulikile ocina cimue, tete wa lulika Yesu. Eli olio esunga lieci a tukuiwila okuti, “uveli woviluvo viosi.” (Va Kolosai 1:15) Embimbiliya li popiavo okuti, Yesu ‘Omõla Wongunga’ wa Suku. Eci ci lomboloka okuti, Suku wa lulika Yesu likaliaye okuti, lomue wo kuatisako. (Yoano 3:16) Yesu wa talavaya kumue la Isiaye Yehova poku u kuatisa oku lulika ovina viosi vikuavo. (Tanga Olosapo 8:30.) Yesu la Yehova va likuetele Ocisola cimue ca pama. Yesu okuti “Ndaka,” eye omunga ya koleliwa ya Suku omo okuti, o pitiya asapulo kuenda olonumbi Viaye. —Yoano 1:14.

  • Olofa Via Yesu vi tu Popela Ndati?
    Sanjukili Omuenyo Otembo ka yi Pui!—Elilongiso Liembimbiliya
    • Ocipama 27. Etimba lia Yesu liupiwa kuti.

      OCIPAMA 27

      Olofa Via Yesu vi tu Popela Ndati?

      Tua siata oku lueya, oku tala ohali kuenda oku fa omo liolohueli viatete Adama la Eva va sinĩla Suku.a Pole, tu kuete elavoko. Yehova wa sokiya onjila yimue yoku tu yovola kekandu kuenda kolofa pocakati Comõlaye Yesu Kristu. Embimbiliya li longisa okuti, Yesu pocakati colofa viaye, wa sokiya ocisembi. Ocisembi ondando yi fetiwa oco ku yovuiwe omunu umue. Ondando Yesu a feta, omuenyo waye wa lipua. (Tanga Mateo 20:28.) Eci Yesu a eca olumue omuenyo ko pui waye palo posi, wa tu yuluila onjila oco tu kuate vali ovina viosi Adama la Eva va pumbile. Yesu wa lekisavo ndomo eye la Yehova va tu sole. Ocipama cilo, ci ka ku kuatisa oku lekisa olopandu kolofa via Yesu.

      1. Tu kuatisiwa ndati lolofa via Yesu koloneke vilo?

      Omo okuti tuakuakandu, tua siata oku linga ovina vialua vi sumuisa Yehova. Kuenje nda tu likekembela akandu etu loku pinga ku Yehova pocakati ca Yesu Kristu oco a tu ecele loku likolisilako okuti, ka tu lingi vali ekandu liaco, tu pondola oku kuata ukamba wa pama la Suku. (1 Yoano 2:1) Embimbiliya liti: “Kristu wa fila akandu onjanja yimosi lika okuti, ukuesunga wa fila vana havakuesungako, oco a vu songuili ku Suku.”—1 Petulu 3:18.

      2. Kovaso yoloneke, tu ka kuatisiwa ndati lolofa via Yesu?

      Yehova wa tuma Yesu oco a ece omuenyo waye wa lipua okuti, “wosi o kolela [Yesu] ka nyõliwa, pole, o kuata omuenyo ko pui.” (Yoano 3:16) Omo lieci Yesu a linga, Yehova ndopo o ka kundula ovina viosi vĩvi via kokiwa lesino lia Adama. Eci ci lomboloka okuti, nda tua kolela kocilumba ca Yesu, tu ka kuata epuluvi lioku sanjukila omuenyo otembo ka yi pui, vocumbo celau palo posi!—Isaya 65:21-23.

      LILONGISA ONDONGOSI

      Lilongisa ovina vikuavo vi lekisa esunga lieci Yesu a ecela omuenyo waye kuenda konomuisa ndomo o kuatisiwa.

      3. Olofa via Yesu vi tu yovola kekandu kuenda kolofa

      Tala OVIDEO, noke konomuisa epulilo li kuãimo.

      OVIDEO: Momo Lie Yesu a Fila?—Onepa 1 (2:01)

      • Epuluvi lipi Adama va pumba eci va sinĩla Suku?

      Tanga Va Roma 5:12, noke konomuisa epulilo li kuãimo:

      • Nye ca siata oku pita love omo liekandu lia Adama?

      Tanga Yoano 3:16, noke konomuisa epulilo li kuãimo:

      • Momo lie Yehova a tumila Omõlaye palo posi?

      A. Alitalatu: 1. Noke Adama ka pokuile ku Suku. 2. Ocikalavekua cambatiwa longendo yoku ka kenda. Alitalatu: A. Noke Adama ka pokuile ku Suku. B. Yesu Kristu. B. Alitalatu: 1. Yesu Kristu. 2. Omanu vakuanyamo a litepa, vakuakova a litepa, vakuavituwa kuenda vakuapata aiñi aiñi.
      1. Adama wa kala omunu umue wa lipuile okuti ka pokuile ku Suku, omo liaco, omanu va lingainga ekandu kuenda oku fa

      2. Yesu wa kala omunu umue wa lipuile okuti, wa pokola ku Suku omo liaco, omanu va kuete epuluvi lioku lipua loku kuata omuenyo ko pui

      4. Olofa via Yesu vi kuatisa omanu vosi

      Tala OVIDEO, noke konomuisa epulilo li kuãimo.

      OVIDEO: Momo Lie Yesu a Fila?—Onepa 2 (2:00)

      • Olofa viomunu umosi vi kuatisa ndati omanu vosi?

      Tanga 1 Timoteo 2:5, 6, noke konomuisa epulilo li kuãimo:

      • Adama wa lipuile, pole, omo a linga ekandu, omanu vosi va linga vakuakandu kuenda va fa. Yesu wa lipuilevo ndeci Adama. Pole, lonjila yipi Yesu a kala ‘ocisembi ca lisoka’ oco a tu yovole vosi yetu?

      5. Ocisembi ombanjaile yimue Yehova a eca, kokuove

      Akamba va Yehova va tenda ocisembi ndombanjaile ya eciwa komunu lomunu. Ndeci, tanga Va Galatia 2:20, noke konomuisa epulilo li kuãimo:

      • Upostolo Paulu wa lekisa ndati okuti wa tendele ocisembi ndombanjaile ya eciwa kokuaye?

      Eci Adama a linga ekandu, eye lovitumbulukila viaye viosi va pisiwila olofa. Pole, Yehova wa tuma Omõlaye oco a fe okuti, ove o kuata epuluvi lioku kala komuenyo otembo ka yi pui.

      Osimbu o tanga ovinimbu vi kuãimo, sokolola ndomo Yehova a liyeva eci Omõlaye a kala oku tala ohali. Tanga Yoano 19:1-7, 16-18, noke konomuisa epulilo li kuãimo:

      • O liyeva ndati poku sokolola ovina Yehova la Yesu va ku lingila?

      UMUE PAMUE O PULA: “Omunu umosi o fila ndati omanu vosi?”

      • Nda wa tambulula ndati?

      NYE WA LILONGISA?

      Olofa via Yesu vi ecelela okuti, Yehova ecela akandu etu loku tu ĩha epuluvi lioku kala komuenyo otembo ka yi pui.

      Oku Pitulula

      • Momo lie Yesu a fila?

      • Lonjila yipi omuenyo wa lipua wa Yesu wa lisokele locisembi?

      • Olofa via Yesu vi ku kuatisa ndati?

      Ocimãho

      OCO O KŨLĨHE OVINA VIKUAVO

      Lilongisa esunga lieci omuenyo wa lipua wa Yesu u tukuiwila hati ocisembi.

      “Ocilumba ca Yesu ci Pondola Oku ‘Yovola Ndati Omanu Valua’?” (Ocipama ci sangiwa lika vo Internet)

      Kũlĩhĩsa eci tu sukila oku linga oco tu yovuiwe.

      “Yesu o tu Popela—Ndati?” (Ocipama ci sangiwa lika vo Internet)

      Yehova ecelavo akandu anene?

      “Apulilo Embimbiliya a Tambuluiwa” (Utala Wondavululi 1 wa Kupemba 2013)

      Tala ndomo oku lilongisa catiamẽla kocilumba ca Kristu ca kuatisa ulume umue oku pongolola ekalo liomuenyo waye.

      “Nda Liwekapo Oku Kala Upika Wungangala” (Ocipama ci sangiwa lika vo Internet)

      a Ekandu hacina cimueko lika cĩvi ca lingiwa lomunu umue. Ekandu li lombolokavo ekalo tua piñala.

  • Lekisa Olopandu Kovina Yehova la Yesu va ku Lingila
    Sanjukili Omuenyo Otembo ka yi Pui!—Elilongiso Liembimbiliya
    • 1. Yipi onjila yimue yoku lekisa olopandu kovina Suku la Kristu va tu lingila?

      Embimbiliya lia likuminya okuti, “wosi o kolela [Yesu]” o kala komuenyo otembo ka yi pui. (Yoano 3:16) Nye ci lomboloka oku lekisa ekolelo? Ka ci lomboloka lika oku tava ku Yesu. Tu sukilavo oku lekisa ekolelo kolonjila tu nõla kuenda kovina tu linga. (Tiago 2:17) Eci tu lekisa ekolelo kovina tu linga, levi tu popia, tu pamisa ukamba wetu la Yesu kuenda la Isiaye Yehova.—Tanga Yoano 14:21.

Alivulu Wumbundu (1993-2025)
Tunda
Iñila
  • Umbundu
  • Tumisa o link
  • Ceci o yongola
  • Copyright © 2025 Watch Tower Bible and Tract Society of Pennsylvania
  • Alungulo Onumbi
  • Onumbi Yoku Liteyuila
  • Ndomo o Liteyuila
  • JW.ORG
  • Iñila
Tumisa o link