OCISELEKO CALIVULU VO INTERNET Colombangi Via Yehova
Olombangi Via Yehova
OCISELEKO CALIVULU VO INTERNET
Umbundu
Ũ
  • Ñ
  • ñ
  • õ
  • Õ
  • ũ
  • Ũ
  • ĩ
  • Ĩ
  • ã
  • Ã
  • ẽ
  • Ẽ
  • EMBIMBILIYA
  • ALIVULU
  • OLOHONGELE
  • lff ocipama ale onepa 12
  • Nye ci ka ku Kuatisa Oku Amamako Oku Lilongisa Embimbiliya?

Vonepa eyi ka mu sangiwa ovideo layimue.

Tu ecele, kua pita ocitangi cimue poku lekisa ovideo.

  • Nye ci ka ku Kuatisa Oku Amamako Oku Lilongisa Embimbiliya?
  • Sanjukili Omuenyo Otembo ka yi Pui!—Elilongiso Liembimbiliya
  • Otulosapi
  • Ocipama ci Likuata
  • LILONGISA ONDONGOSI
  • NYE WA LILONGISA?
  • OCO O KŨLĨHE OVINA VIKUAVO
  • Embimbiliya li Pondola Oku ku Kuatisa Ndati?
    Sanjukili Omuenyo Otembo ka yi Pui!—Elilongiso Liembimbiliya
  • Embimbiliya li Pondola Oku ku Kuatisa Ndati?
    Sanjukili Omuenyo Otembo ka yi Pui!—Ovipama Viovolandu Embimbiliya
  • Wa li Pongiya hẽ Oco o Papatisiwe?
    Sanjukili Omuenyo Otembo ka yi Pui!—Elilongiso Liembimbiliya
  • Ceci Embimbiliya li Popia Catiamẽla Kupange Kuenda Kolombongo
    Sanjukili Omuenyo Otembo ka yi Pui!—Elilongiso Liembimbiliya
Tala Ovina Vikuavo
Sanjukili Omuenyo Otembo ka yi Pui!—Elilongiso Liembimbiliya
lff ocipama ale onepa 12
Ocipama 12. Onjali yimue lomãla vaye vavali va kasi oku lilongisa Embimbiliya lekuatiso Liombangi yimue ya Yehova.

OCIPAMA 12

Nye ci ka ku Kuatisa Oku Amamako Oku Lilongisa Embimbiliya?

Ci Kuete Atosi
Ci Kuete Atosi
Ci Kuete Atosi

Oku tanga Embimbiliya ku sokisiwa lungende umue u sanjuisa. Pole, olonjanja vimue ka ca lelukile oku ci linga. Pamue, o kuata atatahãi nda okuti, o kamamako oku lilongisa Embimbiliya. Momo lie ci kuetele esilivilo oku likolisilako oku amamako oku ci linga? Nye ci ku kuatisa oku pandikisa ndaño lovitangi?

1. Momo lie ci kuetele esilivilo oku lilongisa Embimbiliya?

“Ondaka ya Suku yi kasi lomuenyo kuenda yi kuete unene.” (Va Heveru 4:12) Embimbiliya li kuete esilivilo omo okuti, li situlula ovisimĩlo via Suku leci a yevite catiamẽla kokuetu. Lekuatiso Liembimbiliya o ka lilongisa ovina viokaliye, o kuata olondunge viocili kuenda elavoko. Ocina ca velapo ceci okuti, Embimbiliya li ku kuatisa oku kala ekamba lia Yehova. Poku lilongisa Embimbiliya, wecelela okuti unene walio u pongolola ekalo liomuenyo wove.

2. Momo lie ca sungulukila oku tenda ocili Cembimbiliya ndocina ci kuete esilivilo?

Ocili ci sangiwa Vembimbiliya, ci sokisiwa ndovokuasi a kuete esilivilo lialua. Eli olio esunga lieci Embimbiliya li tu vetiyila ndoco: “Landa ocili kuenda lalimue eteke ku ka ci landise.” (Olosapo 23:23) Nda tua kapako esilivilo liocili Cembimbiliya, tu ka likolisilako oku amamako oku lilongisa ndaño ceci tu liyaka lovitangi.—Tanga Olosapo 2:4, 5.

3. Yehova o ku kuatisa ndati oku amamako oku lilongisa?

Ukuonene wosi haeye Ululiki kuenda Ekamba liove Yehova, o yongola oku ku kuatisa oku lilongisa catiamẽla kokuaye. Eye o pondola oku “wĩhi onjongole longusu yoku linga ovina.” (Tanga Va Filipoi 2:13.) Kuenje nda o sukila vali onjongole yoku lilongisa, ale oku kapako eci wa lilongisa, eye o ku kuatisa. Nda o sukila vali ongusu oco o yule ovitangi, ale elambalalo, eye o pondolavo oku linga esokiyo liaco. Olonjanja viosi, likutilila ku Yehova oco a ku kuatise oku amamako oku lilongisa Embimbiliya.—1 Va Tesalonike 5:17.

LILONGISA ONDONGOSI

Kũlĩhĩsa ndomo wamamako oku lilongisa Embimbiliya ndaño esokiyo liove liotembo ka lia lelukile, ale lelambalalo. Kũlĩhĩsavo ndomo Yehova a ka ku kuatisa oco ku ka liwekepo.

4. Lekisa okuti wa velisapo elilongiso liove Liembimbiliya

Pamue tu kuata asakalalo alua kuenje tu sima okuti, ka tu kuete otembo yoku lilongisa Embimbiliya. Nye ci kuatisa? Tanga Va Filipoi 1:10, noke konomuisa apulilo a kuãimo:

  • Nye o sima okuti, oco “ovina via velapo vali” komuenyo?

  • O lekisa ndati okuti wa velisapo elilongiso liove Liembimbiliya?

A. Alitalatu: Ulandu umue u lekisa oku yukisiwa kuociyenjo cimue lovawe kuenda eseke. 1. Ondunda yeseke kuenda yovawe anene. 2. Ociyenjo cimue ci panda oku yuka lovawe anene. 3. Ovawe amue anene a kasi kilu lieseke kuenda akuavo a kupukila posi. B. Alitalatu: 1. Ondunda yimuamue yeseke kuenda yovawe anene. 2. Ociyenjo cimuamue ci panda oku yuka lovawe anene. 3. Eseke li iñila volonele viovawe anene loku yukisa ociyenjo toke komẽla. Onepa yimue yitito yeseke lia supapo, yi kasi posi.
  1. Nda wa seteka oku yukisa tete eseke vociyenjo noke o vokiyako ovawe, ocili okuti ka a suimo

  2. Nda wa kapa tete ovawe, o pondola oku kapamovo eseke lialua. Cimuamue haico okuti, nda wa pitisa kovaso “ovina via velapo vali,” o ka vi tẽlisa loku kuata otembo yalua yoku linga ovina vikuavo

Oku lilongisa Embimbiliya, cupa enyona lietu konepa yespiritu ale esukila tu kuete lioku kũlĩha loku fendela Suku. Tanga Mateo 5:3, noke konomuisa epulilo li kuãimo:

  • Tu kuatisiwa ndati nda tu pitisa kovaso elilongiso lietu Liembimbiliya?

5. Pandikisa poku liyaka lelambalalo

Pamue, vakuetu va seteka oku tu yapuisa oco ka tu ka lilongise vali Embimbiliya. Kũlĩhĩsa ulandu wa Francesco. Tala OVIDEO, noke konomuisa apulilo a kuãimo.

OVIDEO: Va Sumũlũisiwa Omo Liepandi (5:22)

Onepa yimue yovideo ‘Helie wa Laikele Oku Tiukila Komanu Ndetu?’ Francesco o siapo akamba vaye noke yoku va sapuila okuti, ka lingi vali ekamba liavo.
  • Vovideo, akamba kuenda epata lia Francesco, nye va linga eci eye a va sapuila catiamẽla kueci a kala oku lilongisa?

  • Asumũlũho api eye a tambula omo lioku pandikisa?

Tanga 2 Timoteo 2:24, 25, noke konomuisa apulilo a kuãimo:

  • Epata, lakamba vove, nye va sima omo lieci o kasi oku lilongisa?

  • Ndomo ca lekisiwa vovinimbu evi, nye o linga nda umue ka sanjukila elilongiso liove Liembimbiliya? Momo lie?

6. Kolela okuti Yehova o ku kuatisa

Osimbu ukamba wetu la Yehova u pama, onjongole yetu yoku u sanjuisa yi livokiya. Lopo, ci tĩla oku linga apongoloko komuenyo oco tu ambate omuenyo ndomo a yongola. Nda o liyevite ndoco, ku ka liwekepo. Yehova o ku kuatisa. Tala OVIDEO, noke konomuisa apulilo a kuãimo.

OVIDEO: Yehova o tu Kuatisa Oku Linga Apongoloko (3:56)

  • Vovideo, apongoloko api Jim a linga oco a sanjuise Yehova?

  • Nye ci ku komõhisa kulandu waye?

Tanga Va Heveru 11:6, noke konomuisa apulilo a kuãimo:

  • Nye Yehova a ka lingila ku vana vo “sanda lutima wosi”—ale ku vana va likolisilako oku u kũlĩha loku u sanjuisa?

  • O sima okuti Yehova o kala ndati eci a limbuka alikolisilo ove oku lilongisa Embimbiliya?

UMUE PAMUE O PULA: “Momo lie o lilongisila Embimbiliya?”

  • Nda wa tambulula ndati?

NYE WA LILONGISA?

Ndaño pamue ka ca lelukile, oku lilongisa Embimbiliya, ci ku kuatisa oku sanjukila omuenyo otembo ka yi pui. Amamako oku kolela Yehova kuenje eye o ka ku sumũlũisa.

Oku Pitulula

  • Momo lie ocili Cembimbiliya ci kuetele esilivilo kokuove?

  • O lekisa ndati okuti wa kapako “ovina via velapo vali”?

  • Momo lie o sukilila oku pinga ku Yehova oco a ku kuatise oku amamako oku lilongisa Embimbiliya?

Ocimãho

OCO O KŨLĨHE OVINA VIKUAVO

Kũlĩhĩsa ovina vikuãla via kuatisa valua oku talavaya ciwa lotembo yavo.

“Ndomo o Talavaya Ciwa Lotembo Yove” (Omasuli!, Kayovo 2014)

Ulume umue ka kuatele elomboloko lieci ukãi waye a likolisilileko oku vumba Suku. Tala ndomo Yehova a kuatisa ukãi waco

“Yehova o tu Ĩha Ongusu Yoku Liyaka Lovitangi Viosi” (5:05)

Tala ndomo ulume umue a kuatisiwa lepandi liukãi waye.

Nda Kapa Ocili Voseteko (6:30)

Pamue Olombangi Via Yehova vi lundiliwa okuti, vi tepa apata. Anga hẽ eci ocili?

“Olombangi Via Yehova vi Tepa, Ale vi Kapa Vomunga Apata?” (Ocipama ci sangiwa lika vo Internet)

    Alivulu Wumbundu (1993-2025)
    Tunda
    Iñila
    • Umbundu
    • Tumisa o link
    • Ceci o yongola
    • Copyright © 2025 Watch Tower Bible and Tract Society of Pennsylvania
    • Alungulo Onumbi
    • Onumbi Yoku Liteyuila
    • Ndomo o Liteyuila
    • JW.ORG
    • Iñila
    Tumisa o link