Upostolo Paulu wa sonehela Akristão vo kocita catete, Va Heveru hati: Pa sialela omanu va Suku epuyuko liesambata. Momo wosi iñila vepuyuko lia Suku o puyukavo kovopange aye ndeci Suku a puyuka kovopange aye. Oco, tu likapeli oku iñila vepuyuko liaco.−Va Heveru 4:9–11.

Loku sokolola elomboluilo lia Paulu ku Va Heveru, etu tu limbuka okuti eye wa tukola vali calua oku “sialela omanu va Suku epuyuko liesambata,” kuenda eye wa lungulavo Akristão vakuavo oku linga cosi oco va ‘iñile vepuyuko.’ Eci ci lekisa okuti eci Paulu a soneha olondaka evi “eteke liepuyuko” lia Suku lia fetikile ale otembo yimue konyima ci soka 4.000 kanyamo handi lia amamako. Eteke liaco lika pua lika eci ocipango ca Suku catiamẽla komanu kuenda kongongo ci tẽlisiwa vocosi kesulilo Liohulukãi Yanyamo Yusoma wa Yesu Kristu okuti eye “Cime cesambata.”−Mateo 12:8; Esituluilo 20:1–6; 21:1–4.