2. Tu lekisa ndati okuti tu yuvula oku panga onepa kopulitika?

Ndeci Yesu, etu ka tu litengi vopulitika. Eci omanu va mola cimue pokati kovikomo Yesu a linga, va seteka oku u lingisa osoma yavo palo posi, pole, eye ka va ecelele. (Yoano 6:15) Momo lie? Momo noke eye wa popia hati: “Usoma wange ka wa tiamẽlele koluali lulo.” (Yoano 18:36) Omo okuti tulondonge via Yesu, tu yuvulavo oku litenga vopulitika volonjila vialua. Ndeci, ka tu endi kuyaki. (Tanga Mika 4:3.) Tua sumbila olondimbukiso viofeka ndeci,—apandela—pole, ka tu a fendela. (1 Yoano 5:21) Ka tua tiamẽlele kocitundo lacimue, ale kusongui wocitundo cimue. Lolonjila evi kuenda vikuavo, tu lekisa okuti tua kakatela lika kuviali wa Suku,—Usoma waye.

4. Yuvula oku litenga vopulitika kovisimĩlo kuenda kovilinga

Tanga 1 Yoano 5:21. Kuenje, tala OVIDEO noke konomuisa apulilo a kuãimo.

OVIDEO: Esunga Lieci Akristão Vocili va Sukilila Oku Lekisa Utõi—Oco Vamameko Oku Yuvula Oku Litenga Vopulitika (2:49)

• Ndomo ca lekisiwa vovideo, momo lie Ayenge a nõlelapo okuti ka pangi onepa kocitundo cimue ale kovihilahila viofeka ndeci oku fendela epandela?

• Ove o sima okuti eye wa lekisa olondunge poku nõla onjila yaco?

Ovitangi vipi vikuavo vi pondola oku tu seteka poku yuvula oku litenga vopulitika? Tala OVIDEO, noke konomuisa apulilo a kuãimo.

OVIDEO: Ovolandu Opiwa Vutala Wondavululi—Amamako Oku Yuvula Oku Litenga Vopulitika Yoluali Lulo ka Muli Omunga (5:16)

• Tu yuvula ndati oku litenga vopulitika catiamẽla kondaka yolomapalo violofeka?

• Tu amamako ndati oku yuvula oku litenga vopulitika, ndaño ceci tu kuatisiwa ale sio lolonjila vakuapulitika va nõlapo?

• Asapulo tu yeva vovingungu, ale komanu tua siata oku kala lavo, a tu kuatisa ndati ale oku kapa kohele onjila tua nõlapo yoku yuvula oku litenga vopulitika?