Ocisungo 114
Elivulu Lia Suku—Ukuasi
1. Kuli elivulu liamẽla a lova,
Li nena elavoko komanu.
Olondaka vialio
vi komõhisa;
‘Wa fa’o pinduka meke o vanja.’
Elivulu liaco Embimbiliya.
Olio lia sonehiwa lomanu
Va vetiyiwa,
la Yehova Suku,
Va kuatisua lespiritu liaye.
2. Va soneha isimĩlo via Suku,
Ndomo oluali lua lulikiwa.
Leci’omunu watete’a yapuisiwa
Ndomo a tundisiwa Vocumbo.
Li popiavo ndomo ungelo ũvi
A Lingila usuanji Yehova.
Eci ca nena ohali lesumuo,
Puãi Yehova ndopo o yula.
3. Yilo otembo yesanju lia piãla,
Uviali wa Yehova wa Kristu.
Lilo eteke Yehova a sokiya
Oku yovola omanu vaye.
Elivulu liaco lia fina calua;
Ofesta ya pongiyiwa ale.
Li nena ombembua komanu valua;
Embimbiliya te lia tangiwa.
(Talavo 2 Tim. 3:16; 2 Pet. 1:21.)