-
Epulilo 13: Nye Embimbiliya li popia catiamẽla kupange?Embimbiliya li Kola—Epongoluilo Lioluali Luokaliye
-
-
EPULILO 13
Nye Embimbiliya li popia catiamẽla kupange?
“Anga hẽ wa muile ale omunu umue wa loñoloha kupange waye? Eye o ka talama kovaso yolosoma; Eye ka ka talama kovaso yomanu vaño.”
“U o nyana ka ka nyane vali; puãi a talavaye loku linga upange uwa lovaka aye muẽle okuti, o kuata cimue coku eca komunu wa suka.”
“Omunu wosi o sukila oku lia loku nyua kuenda oku sanga esanju omo liupange waye wosi walua. Eci, ombanjaile ya Suku.”
-
-
Epulilo 14: O pondola oku talavaya ndati lovina o kuete?Embimbiliya li Kola—Epongoluilo Lioluali Luokaliye
-
-
EPULILO 14
O pondola oku talavaya ndati lovina o kuete?
“Omunu una o sole ayele, o ka kala ohukũi; Omunu una o sole ovinyu kuenda ulela, ka ka kala ohuasi.”
“Ukuakulevala o linga upika wa una o levalisa.”
“Helie pokati kene okuti, o yongola oku tunga osapalalo yimue ka tumãla tete oku kũlĩhĩsa epese liaco, nda o kuete eci ci tẽla coku yi malusula? Handi vali, nda eye o sovola ociseveto, pole, ka tẽla oku yi malusula, ava va ci mola va pondola oku u yola epembe, loku popia vati: ‘Ulume u wa fetika oku tunga, pole, ka tẽlele oku yi malusula.’”
“Pana okuti vekuta, wa sapuila olondonge viaye hati: ‘Ongololi ovimuanyũila via supapo okuti lacimue ci pesiwa.’”
-
-
Epulilo 15: O pondola oku sanga ndati esanju?Embimbiliya li Kola—Epongoluilo Lioluali Luokaliye
-
-
EPULILO 15
O pondola oku sanga ndati esanju?
“Ca velapo elonga liombelela yamẽla apa okuti pali ocisola, ongombe ya lẽla apa okuti pali esuvu, ci sule.”
“Ame ndi Yehova, ndi Suku yove, Una o ku longisa eci ci ku kuatisa, Una o ku songuila vonjila o sukila oku endela.”
“Va sumũlũha vana va kuete enyona liukũlĩhĩso wa Suku, momo Usoma wovailu wavo.”
“Sola u o lisungue love ndeci o lisole ove muẽle.”
“Ovina vu yongola okuti omanu vo vi lingili, haivio vu lingavo kokuavo.”
“Va sumũlũha vana va yeva ondaka ya Suku kuenje va yi kapako!”
“Ndaño omunu o kuete calua, omuenyo waye ka u tundi kovina a kuete.”
“Omo liaco, nda tu kuete okulia luwalo, tu sanjuka lovina viaco.”
“Esanju li tunda koku eca olio lia velapo, li tunda koku tambula li sule.”
-
-
Epulilo 16: O pondola oku liyaka ndati lesakalalo?Embimbiliya li Kola—Epongoluilo Lioluali Luokaliye
-
-
EPULILO 16
O pondola oku liyaka ndati lesakalalo?
“Imba ocilemo cove ku Yehova kuenda eye o ka ku kuatisa. Eye lalimue eteke a ka ecelela okuti, ukuesunga o kupuka.”
“Asokiyo omunu ukuambili, a nena muẽle onima yiwa, pole, vosi vakuanjanga va ka kala olohukũi.”
“Ku ka kuate usumba momo ndi kasi love. Ku ka sakalale momo ndi Suku yove. Ndi ka ku kolisa, ocili, ndi ka ku kuatisa, Ndi ka ku kuata muẽle leka liange liondio liesunga.”
“Helie pokati kene okuti omo lioku sakalala o tẽla oku vokiya ekukutu limosi komuenyo waye?”
“Omo liaco, ko ka sakalali leteke liya, momo eteke liya li ka kuata asakalalo alio. Eteke leteke li kuete ovitangi vialio.”
“Kuenje vu kũlĩha ovina via velapo vali.”
“Ko ka sakalali locina cimue, pole, kovina viosi lolohutililo kuenda apingilo kumue loku eca olopandu, apingilo ene a kũlĩhĩwe la Suku; kuenje ombembua ya Suku yina ya piãla olondunge viosi, yi ka lava ovitima viene kuenda ovisimĩlo viene pocakati ca Kristu Yesu.”
-
-
Epulilo 17: Embimbiliya li pondola oku kuatisa ndati epata liove?Embimbiliya li Kola—Epongoluilo Lioluali Luokaliye
-
-
EPULILO 17
Embimbiliya li pondola oku kuatisa ndati epata liove?
ALUME OLOHUELI/VA ISIA
“Cimuamue haico okuti, alume va sukila oku sola akãi vavo ndeci va sole etimba liavo muẽle. Ulume o sole ukãi waye o li sole eye muẽle, momo lomue omunu wa suvukile etimba liaye muẽle, pole, o li tekula loku li tata . . . Omunu lomunu pokati kene, a sole ukãi waye ndeci a li sole eye muẽle.”
“Ene a va isia, ko ka wenguli onyeño yomãla vene, pole, va tati poku va lungula loku va pindisa ndomo ci likuata leci Yehova a popia.”
AKÃI
“Ukãi o sukila oku lekisa esumbilo liocili kulume waye.”
“Ene akãi, pokoli kalume vene, ndeci vu Ñala.”
OMÃLA
“Ene amãla, pokoli kolonjali viene vomunga kumue la Ñala, momo eci ca sunguluka kovaso a Suku. ‘Sumbila isiove la ina yove,’ eci oco ocihandeleko catete ci kuete ohuminyo: ‘Oco okuti, o kuata omuenyo uwa kuenda o kala otembo yalua kilu lieve.’”
“Ene amãla, pokoli kolonjali viene kovina viosi, momo eci ci sanjuisa Ñala.”
-