Okufa Kua Yesu ku Lomboloka Nye Kokuove?

Yesu wa fa oco tu kuate omuenyo.​—Yoano 3:16

Noke yoloneke vitatu tunde eci Yesu a fa, akãi vamue va ka nyulile keleva a kendiwile, pole, ka vo sangelemo. Yehova wa pindula Yesu kolofa.

Noke, Yesu wa molẽha kovapostolo vaye.

Yehova wa pindula Yesu kolofa, kuenje wa tambula etimba liespiritu okuti, ka fi vali. Olondonge via mola eci Yesu a kala oku enda kilu.

Suku wa pindula Yesu, kuenje wo lingisa Osoma Yuviali Waye.​—Daniele 7:13, 14

Yesu wa eca omuenyo waye ndocisembi coku yovola omanu. (Mateo 20:28) Omo liocisembi caco, Suku o tu ĩha epuluvi lioku kuata omuenyo ko pui.

Yehova wa nõla Yesu oco a linge Osoma yi viala oluali. Eye o ka viala leci ci soka 144.000 komanu vakuekolelo va pinduiwa palo posi, oco va ka kale kilu. Yesu kumue leci ci soka 144.000 komanu, va panga onepa kuviali wesunga wo kilu, okuti Usoma wa Suku.​—Esituluilo 14:1-3.

Usoma wa Suku u ka pongolola ongongo oco yi linge oluali luokaliye. Uyaki, ungangala, uhukũi, kuenda onjala, ka vi ka kalako vali. Omanu va ka kuata esanju lialua.​—Osamo 145:16.