Ocisungo 119
Enju Oco o Kavuluke!
1. Tu kasi voluali lumue luevĩho;
Ka lua kũlĩhĩle Suku.
Vosi tu pokoli ño kalungulo;
Kuenje tu ka sumũlũha.
Olohongele vi tu kavuluisa;
Vi pamisa ekolelo.
Vi kuatisa oku sanjuisa Suku,
Loku amamako longusu.
Ka tu sipo ’lonumbi via Yehova;
Tu linga upange waye.
Tu pindisiwavo kolohongele;
Kuenda tu kala vocili.
2. Suku wa kũlĩh’eci tu sukila;
Tavi kalungulo aye.
Poku liongolola kolohongele
Tu koleli Ondaka yaye.
Poku setukula vakuekolelo,
Tu kuatavo ekolelo.
Locisola tu kuatisa vamanji,
Tu kala ño kumue lavo.
Tu lavoka otembo yo kovaso,
Poku kala la vamanji.
Poku enda kolohongele tu kuata
Olondunge via Yehova.
(Talavo Osa. 37:18; 140:1; Olos. 18:1; Va Efe. 5:16; Tia. 3:17.)