Nye o Pondola Oku Lilongisa Kakristão Vana va Loñoloha?

Vakongelo mu sangiwa vamanji va kasi oku vumba Yehova vokuenda kuanyamo alua. Tu pondola oku lilongisa konjila ndomo ovo va amamako oku kolela Yehova. Tu pondola oku pula kokuavo catiamẽla kulandu wocisoko ca Yehova kuenda ndomo Yehova a va kuatisa oku yula ovitangi va liyaka lavio. Citava okuti tu laleka vamanji vaco oco va tu lomboluileko ovolandu avo vokuenda Kuefendelo Lietu Liepata.

Nda okuti ove Wukristão umue o kasi oku vumba Yehova tunde osimbu, sapuilako amalẽhe eci ca siata oku ku kuatisa oku pandikisa. Yakoba kuenda Yosefe va lombolola ulandu wavo kocitumbulukila cavo. (Efet. 48:21, 22; 50:24, 25) Yehova wa handeleka asongui vapata oku longisa omãla vavo catiamẽla kovilinga viaye. (Esin. 4:9, 10; Osa. 78:4-7) Koloneke vilo, olonjali kuenda vakuavo vekongelo va pondola oku sapuilako amalẽhe catiamẽla kovina viwa Yehova a tẽlisa vocakati cocisoko caye.

TALA OVIDEO LOSAPI HATI, OKU LIKUATA OMUNGA NDAÑO LOKU TATEKIWA KUENDA TAMBULULA APULILO AKUAĨMO:

• Ofiliyale yo ko Australia ya kuatisa ndati vamanjetu va kasi kolofeka vimue okuti upange wetu wa tatekiwa?

• Vamanji va kasi kolofeka viaco va kasi oku amamako ndati lekolelo liavo?

• Momo lie akundi valua kofeka yo Romenia va silepo ocisoko ca Yehova kuenda va tiuka ndati?

• Ovolandu aco a pamisa ndati ekolelo liove?