Ono Yovipama Viohongele Ekalo Lietu Tuakristão Kuenda Oku Kunda

OSEMANA 4-10 YA SUSU

OVOKUASI A SANGIWA VONDAKA YA SUKU | OVISILA 18–19

“Lekisa Ekalo Lia Lipua”

Utala Wondavululi, 19.06 kem. 28 ocin. 1

Ndomo tu Liteyuila Kolonjanjo Via Satana

Yehova wa tukula ovina viumbondo vakualofeka va enda oku linga kuenje wa sapuila va Isareli hati: “Ka ci tavavo ene oku linga ndeci va Kanana omu ñasi oku u tuali, va lingainga” kuenda wamisako hati: “Oco ofeka ya vĩhĩsua okuti nda yi yambuila ongole yayo.” Ku Suku o kola ya va Isareli, ekalo liomuenyo lia va Kanana lia vĩhile calua okuti ofeka yosi ya kuatiwilevo levĩho liaco.—Ovis. 18:3, 25.

Utala Wondavululi, 17.02 kem. 17 ocin. 13

Yehova o Songuila Afendeli Vaye

¹³ Olosoma vio kolofeka vikuavo via songuiwa lolondunge vi sule viomanu. Asongui vo ko Kanana kuenda omanu vavo, va enda oku linga ovina vĩvi ndeci: Oku lipekela lovinyama, oku likuela kulume lulume ale kukãi lukãi, oku lipekela lomunu umue ukuepata, oku lumba omãla kuenda oku fendela oviteka. (Ovis. 18:6, 21-25) Asongui vo ko Bavulono kuenda vo ko Egito ka va kuatele ovihandeleko vimuamue viatiamẽla koku liyelisa ndeci afendeli va Suku. (Ate. 19:13) Pole, afendeli va Suku va enda oku limbuka ndomo asongui vavo vakuekolelo va enda oku va vetiya oku amamako oku yelisa efendelo liavo, oku liyelisa ketimba kuenda oku yuvula evĩho liosi liukahonga. Ocili okuti, Yehova wa kala oku va songuila.

Utala Wondavululi, 1/7/2014 kem. 7 ocin. 2

Ceci Suku a ka Linga Lovina Vĩvi

Nye ci ka pita lomanu vana ka va yongola oku pongolola ekalo liomuenyo wavo haivo vamamako lovituwa viavo vĩvi? Sokolola kohuminyo eyi: “Vakuesunga va tunga vofeka, Vakuacili va tumalamo. Vakuakandu puãi va tundisua vofeka, kuenda vakuosuanji va veyuiwamo.” (Olosapo 2:21, 22) Ka ku ka kala vali ovilinga vĩvi viomanu. Noke omanu vakuepokolo va ka yovuiwa kupika wekambo lioku lipua va piñala.—Va Roma 6:17, 18; 8:21.

Ovina vi Sangiwa Vembimbiliya

Utala Wondavululi, 1/7/2006 kem. 14 ocin. 11

‘Ndi Sole Calua Ovihandeleko Viove’

¹¹ Onepa yavali Yocihandele ca Mose, ya lekisa ndomo Yehova a kapeleko ekalo liomanu vaye. Eye wa handelekele va Isareli okuti, eci vongula ovapia avo, va siamo ovikulia vimue vioku kuatisa olosuke. Ocihandeleko ca lekisile okuti, ka citava okungula ovikulia viosi vepia ndeci: Ayuva kuenda oliveira. Ovikulia via siala vepia, ka citava okuti viupiwamo. Eliangiliyo liaco, lia kuatisa olohukũi, ovingendeleyi, olosiwe kuenda ovimbumba. Ocili okuti, upange woku pupulula vepia ka wa lelukile. Pole, ocihandeleko caco ca kuatisa omanu oku yuvula oku pinga pinga okulia ku vakuavo.—Ovisila 19:9, 10; Esinumuĩlo 24:19-22; Osamo 37:25.

OSEMANA 11-17 YA SUSU

OVOKUASI A SANGIWA VONDAKA YA SUKU | OVISILA 20-21

“Yehova o Tepa Afendeli Vaye”

Utala Wondavululi, 1/11/2004 kem. 11 ocin. 12

Momo Lie Okuetele Elavoko Lioku Kala Voluali Luokaliye?

¹² Kuli ocina cikuavo tu sukila oku ivaluka. Suku wa sapuilile va Isareli hati: “Tẽlisi ocikundi eci ñasi loku vu kundiki etaili. Ci tẽlisi okuti wu pama kuenje wiñili vofeka wu yokila oku kuata kuenje vu yi kuata.” (Esinumuĩlo 11:8) Elivulu Liovisila 20:22, 24, lia lombololavo olondaka vimuamue. Olio li popia hati: “Patekeli ovisila viange lovihõlo viange viosi ho vi lingaingi, sanga ofeka oko ndu tuali oku tungamo, yu sanji. Pole, nda popia lene siti; Wu piñala ofeka yavo, kuenda ndi yeca kokuene ho yi fuki, ofeka yi tumõha asenjele lowiki.” Va Isareli va sukilile oku kuata ukamba la Suku oco va piñale Ofeka Yohuminyo. Pole, omo okuti ka va pokuile kovihandeleko viaye, Yehova wa ecelela okuti ofeka yavo yi tambuiwa la va Bavulono.

Perspicaz-2 kem. 314

Ocipiñalo

Ocipiñalo ocina cimue ci piñaliwa la umue wa nõliwa, ale una o kuete omoko yoku cipiñala eci muẽle a fa. Ondaka ocipiñalo kelimi lio helasi, yi lomboloka okuti klé·ros, okuti yi tiamisiwila ko “soloti” pole ya lombolokelovo okuti oku “tepa” noke “ocipiñalo.”—Mat. 27:35; Ovil. 1:17; 26:18.

Perspicaz-1 kem. 279 ocin. 2

Olonjila

Noke Lietande liapita voluali, Noha wa lumba ‘ovinyama viosi via yela,’ lolonjila viosi via yela. (Efet. 8:18-20) Kotembo yaco onjila yimue ya ‘yela’ ya enda oku eciwa ndocilumba cimue ca taviwa la Suku ndomo ci lekisiwa Vembimbiliya okuti, via endavo oku taviwa oco vi liwe kuenda la yimue onjila ya tendiwile okuti ya “vĩha” toke eci kuatumbikiwa ocihandeleko ca eciwile ku Mose. Ocitangi caco ceya oku votuiwa eci kuatumbikiwa ocisila cokaliye, ndomo Suku a ci situluila Petulu vocakati cocinjonde.—Ovil. 10:9-15.

Ovina vi Sangiwa Vembimbiliya

Perspicaz-1 kem. 572

Oku litanda

Momo va Isareli va kala omanu va kola ku Yehova, okuti ocipiñalo ci likasi. (Esin. 14:2) Handi vali, oku handeleka va Isareli oco ka va ka litande ca lekisile esumbilo kociluvo ca Suku, okuti etimba liomunu.

OSEMANA 18-24 YA SUSU

OVOKUASI A SANGIWA VONDAKA YA SUKU | OVISILA 22–23

“Oloneke Violofesta Kuenda Elomboloko Liavio Kokuetu”

Perspicaz-2 kem. 125

Ocipito Colombolo ka vi Kuete Etumbisa

Eteke liatete liocipito colombolo ka vi kuete etumbisa lia kala eteke limue lilikasi kuenda liesambata. Keteke liavali, 16 ya nisana, kua enda oku eciwa kocitunda ovama atete osevada okuti ovikula viatete via enda oku yela ko Palestina.

Elomboloko. Okulia ombolo ka yi kuete etumbisa kotembo yaco ca li kuatele lolonumbi Mose a tambuile ku Yehova ndomo ci sangiwa Etundilo 12:14-20, kuenda ndomo ci lekisiwavo Etundilo 12 ocinimbu 19 okuti: “Oloneke epanduvali ka mu ka sangiwe etumbisa volonjo viene.”

Perspicaz-3 kem. 224 ocin. 1

O Pendekoste

Kua enda oku ambatiwa ovilumba viokupia elisi, ocilumba coku tuvika akandu, ocilumba cocitundasonde combembua kuenda olomeme vivali.

Utala Wondavululi, 15/5/2014 kem. 29 ocin. 11

O Kasi hẽ Oku Amamako Oku Endela Vocisoko ca Yehova?

¹¹ Omo okuti ocisoko ca Yehova ca siata oku tu lingila ovina vi tu kuatisa, ci tu vetiya oku pokola kelungulo lia Paulu wa popia hati: “Tu sokololi ndomo tu tẽla oku livetiya pokati oku kala locisola lovilinga viwa. Ka tu ka liwekipo oku liongolola ndomo vamue va siata oku ci linga, pole, tu li vetiyi pokati lalungulo, ca piãla vali omo vu lete okuti eteke liaco li kasi ocipepi.” (Va Hev. 10:24, 25) Ovipito va Isareli va enda oku linga kosimbu oco va fendele Yehova, via pamisile ekolelo liavo. Ovo, va enda oku lingavo ovipito vikuavo via va nenela esanju, ca piãla enene ocipito Colosinge koloneke via Nehemiya. (Etu. 23:15, 16; Neh. 8:9-18) Koloneke vilo, tua siatavo oku kuatisiwa lolohongele vietu viekongelo, olohongele vimbo levi vilikasi, kuenda olohongele viofeka. Omo liaco, tu sukila oku likolisilako oku endaenda kolohongele viaco, momo vi pamisa ukamba wetu la Yehova, kuenda vi tu nenela esanju poku linga upange waye.—Tito 2:2.

Ovina vi Sangiwa Vembimbiliya

Utala Wondavululi, 19.02 kem. 3 ocin. 3

Amamako Oku Pua Etondelo!

³ Omunu wa pua etondelo yuna okuti o sole Yehova lutima wosi kuenda ukuacili. Omunu waco o kakatela lika ku Yehova kovina viosi a linga. Kũlĩhĩsa vali elomboloko likuavo. Vembimbiliya ondaka “oku pua etondelo” yi lomboloka okuti: Cimue ca sokapo, ale ka ci kuete etime. Ndeci, va Isareli va enda oku lumba ovinyama ku Yehova kuenda ocihandeleko ca popele okuti ovinyama via sukilile oku pua etondelo. (Ovis. 22:21, 22) Ka ca tavaile okuti afendeli va Suku va eca ndocilumba ocinyama ci kuete okulu kumosi, etũi ale iso limosi; kuenda ka ca tavelevo okuti va eca ocinyama ci vela. Ku Yehova ca velelepo ocinyama ca sokapo okuti ka ci kuete etondelo. (Mal. 1:6-9) Tu pondola oku kuata elomboloko lieci Yehova a sanjukila cimue ca pua etondelo, haico ca sokapo. Eci tu landa cimue ndeci, epako, elivulu, ale ocimalẽho cimue, ka tu yongola cimue ca nyoleha. Pole, tu yongola cimue ca sokapo, haico ka ci kuete etondelo. Yehova o yongola okuti tu lekisavo ocisola cocili kokuaye. Ocisola caco ci sukila oku sokapo loku pua etondelo.

OSEMANA 25-31 YA SUSU

OVOKUASI A SANGIWA VONDAKA YA SUKU | OVISILA 24–25

“Unyamo Wonjolela Kuenda Eyovo Kovaso Yoloneke”

Perspicaz-2 kem. 697

Eyovo

Suku Yeyovo. Ocihandeleko ca popele okuti nda ulume ohukũi, eye wa sukilile oku lilandisa ndupika oco a sange cimue coku litekula kuenda coku tekula epata liaye. Pole, Ocihandeleko ca ecelele okuti ulume waco u Heveru o kuata elianjo kunyamo wepanduvali kupika waye. (Etu. 21:2) Omo liaco, ulume wosi u Heveru okuti upika wa enda oku tambula eyovo loku tambula osi yaye ndocipiñalo.—Ovis. 25:10-19.

Perspicaz-2 kem. 315 ocin. 2

Ocipiñalo

Omo okuti osi ya kala yepata okuti ocitumbulukila locitumbulukila, ka ca tavele okuti yi landisiwa. Vocipiñalo caco mua kongelele olonjo via kala volupale luna okuti ka mua tungile omanu kuenda lua tendiwile okuti usenge waño.

Perspicaz-2 kem. 610

Unyamo Wonjolela

Oku pokola kocihandeleko Cunyamo Wonjolela ca enda oku teyuila va Isareli kovina vĩvi via enda oku lingiwa kotembo yaco okuti haicovo ci sangiwa kolofeka vialua viokoloneke vilo okuti, ku sangiwa ovimunga vivali, cimue colohukui cikuavo colohuasi.

Ovina vi Sangiwa Vembimbiliya

Utala Wondavululi, 1/10/2009 kem. 18 ocin. 3

Ceci Vakuene va ku Sumuisa

Nda umue u Isareli wa punda ukuavo kuenda o tofola iso liaye, Ocihandeleko ca lekisile okuti omunu waco o yambuiwa. Pole, omunu una va lingila ũvi, pamue epata liaye, hayeko o fetuluinya elinga liaco. Ndomo ca lekisiwa Vocihandeleko, omunu waco wa sukilile oku tuala ocitangi caye kakulu vofeka vana va nõliwile ndolonganji vi tetulula vekanga. Ukũlĩhĩso omanu va kuatele wokuti va fetuluinyiwa ovina viosi vĩvi va lingila vakuavo, wa enda oku tutuiya olondingaĩvi oku linga eci cĩvi. Pole, kuli ocitangi cikuavo.

OSEMANA 1-7 YA KAYOVO

OVOKUASI A SANGIWA VONDAKA YA SUKU | OVISILA 26–27

“Ndomo o Tambula Asumũlũho a Yehova”

Utala Wondavululi, 15/4/2008 kem. 4 ocin. 8

Yuvula Ovina “ka vi Kuete Esilivilo”

⁸ “Ukuasi” u pondola ndati oku linga osuku? Sokolola ndeci okuti vusenge wa va Isareli muli ewe limue. Ewe liaco, citava okuti va tunga lalio onjo ale ocimbaka. Pole, nda va li tunga “ongunji yoku fendela” ale “ociteka cewe,” li kapela ocilondokua omanu va Yehova. (Ovis. 26:1) Cimuamue haico catiamẽla kolombongo okuti, vi sukiliwa, pole tu sukila oku talavaya lavio lolondunge. Tu vi sukila oco vi tu kuatise komuenyo, kuenda oku kuatisa lavio kupange wa Yehova. (Uku. 7:12; Luka 16:9) Pole, nda tua vi pitisa kovaso okuti ka tu kapiko upange wa Yehova, vi linga osuku yetu. (Tanga 1 Timoteo 6:9, 10) Voluali lulo omo okuti omanu va pitisa lika kovaso oku sanda olombongo, tu sukila oku kuata ovisimĩlo via sunguluka viatiamẽla kolombongo.—1 Tim. 6:17-19.

Perspicaz-2 kem. 21 ocin. 3

Esumbilo

Omo lionjila ndomo Yehova a talavaya la Mose ca enda oku kokela calua esumbilo kafendeli va Suku. (Esin. 34:10, 12; Etu. 19:9) Eci ca lombolokele okuti va sukilile oku sumbila ocitumãlo ci kola coku fendela Yehova lonjila yimue ya sunguluka kuenda oku lekisa ovituwa vi likuata lolonumbi viaye.

Utala Wondavululi, 1/3/1991 kem. 17 ocin 10 kelimi Lioputu

“Ombembua ya Suku” yi Lave Ovitima Viene

¹⁰ Va Isareli va ponduile oku kuata ombembua poku teyuiwa kovanyali, oku kuata okulia kualua kuenda ukamba uwa la Yehova. Pole, oco va kuate asumũlũho aco va sukilile oku pokola kovihandeleko via Yehova.—Osa. 119:165.

Ovina vi Sangiwa Vembimbiliya

Perspicaz-3 kem. 265

Efengi

Lia Kokiwa Omo Lioku Sinĩla Ocihandeleko ca Suku. Va Isareli va lunguiwile okuti, nda va li kala oku lava ocisila Suku a lingile lavo, nda ca koka okuti Suku o ‘tuma efengi limue pokati kavo.’—Ovis. 26:14-16, 23-25; Esin. 28:15, 21, 22.

OSEMANA 8-14 YA KAYOVO

OVOKUASI A SANGIWA VONDAKA YA SUKU | ATENDELO 1–2

“Yehova o Sokiya Afendeli Vaye”

Utala Wondavululi, 1/12/1994 kem. 9 ocin. 4 kelimi Lioputu

Ocitumãlo ca Velapo Coku Fendela Yehova Komuenyo Wetu

⁴ Ocitumãlo pa tungiwile ocilombo, ca ñualiwile locimano colonanga kuenda ca kala ocimbaka cimue ci komõhisa. Oco ca kala “ocimbaka coku ñualehela la Yehova,” ale otavernakulu ya tungiwile ‘lolomesele’ va Isareli.—Ate. 1:52, 53; 2:3, 10, 17, 18, 25; Etu. 35:10.

Perspicaz-1 kem. 39 ocin. 2

Ocilombo

Ocilombo ca va Isareli ca kala cinene calua. Kua kala eci ci pitahala 603.550 kalume vapama, kuenda akãi, omãla, vana va kuka kuenda ovilema etendelo liavo lia kalavo 22.000 ya va Lewi kuenda ‘owiñi walua’ womanu vaiñi vaiñi okuti citava okuti va soka 3.000.000 komanu, ale ci pitahala.—Etu. 12:38, 44; Ate. 3:21-34, 39.

Ovina vi Sangiwa Vembimbiliya

Perspicaz-3 kem. 396

Oku Tenda

Oku tenda kua tukuiwa Vembimbiliya kua kuata ovimaho vialua ndeci, oku tambula ovikele vioku enda kupange wuyaki, ale (ku va Lewi mua kongelele) oku va ĩha ovikele viupange vocitumalo ci kola.

OSEMANA 15-21 YA KAYOVO

OVOKUASI A SANGIWA VONDAKA YA SUKU | ATENDELO 3-4

“Upange wa va Lewi”

Perspicaz-3 kem. 484 ocin 5

Ocitunda

Vemehi Liocisila Cocihandeleko. Suku wa ponduile oku nõla olonuñulu viosi via va Isareli oco va kala ovitunda kuenda vakua ku lava ocitumãlo ci kola. Pole, ocipango caye ca kala coku nõla olonuñulu viosi vialume via va Lewi oku linga upange waco. Omo liaco, wa ecelela okuti alume va Lewi va piñainya olonuñulu viovikoti 12 (oku kongelamo ocitumbulukila comãla va Yosefe, ndeci, Efarimi, Manase, ndovikoti vivali).

Perspicaz-2 kem. 693

Va Lewi

Ovopange. Va Lewi va sokiyiwile vapata atatu va tunda komãla va Lewi ndeci: Gerisiono (Gerisiomo), Kohata, la Merari. (Efet. 46:11; 1 Asa. 6:1, 16) Epata lepata lia tambula ocitumãlo cimue ca nõliwa ocipepi lotavernakulu vekalasoko.

Perspicaz-2 kem. 694

Va Lewi

Koloneke via Mose, oku pisa 30 kanyamo oco u Lewi a enda oku tẽlisa ocikele caye ndeci, oku tuta otavernakulu kuenda ovikuata vialio eci va enda oku sondoloka. (Ate. 4:46-49) Ocikele ca enda oku lingiwa toke eci umue a tẽlisa 50 kanyamo.—Ate. 8:25, 26; 1 Asa. 23:24-26.

Ovina vi Sangiwa Vembimbiliya

Utala Wondavululi, 1/8/2006 kem 25 ocin. 13

Kuata Olondunge Vioku Sumbila Yehova

¹³ Eci Daviti a tala ohali, wa kuatisiwa la Yehova. Kuenje ekuatiso liaco lia pamisa esumbilo liaye kuenda ekolelo liaye. (Osamo 31:22-24) Pole, olonjanja vimue vitatu, wa liwekelepo oku sumbila Yehova. Kuenje, wa liyaka lovitangi vialua. Onjanja yatete, wa cilinga poku ambata ocikasia covisila eci va enda ko Yerusalãi. Eye wa ecelela okuti, cambatiwa kokalosa. Pole, Ocihandeleko ca Yehova ca lekisile okuti, ocikasia covisila cambatiwa la va Lewi. Eci Usa a seteka oku teyuila Ocikasia caco omo ca kala oku kupuka, Yehova wo yambula, kuenje wa fa. Ocili okuti, Usa wa lingile ekandu. Pole, ekandu liaco lia tunda ku Daviti omo lioku siapo oku sumbila Ocihandeleko ca Suku. Omo liaco, oku sumbila Suku ku lomboloka oku pokola kolonumbi viaye.—2 Samuele 6:2-9; Atendelo 4:15; 7:9.

OSEMANA 22-28 YA KAYOVO

OVOKUASI A SANGIWA VONDAKA YA SUKU | ATENDELO 5-6

“Tu Setukula Ndati va Nasiri?”

Perspicaz-3 kem. 71

U Nasiri

Kua kala ovina vi tatu va Nasiri va sukilile oku likuminya ndeci: (1) Ovo ka ca tavele oku nyua ovina vi koluisa; ndaño oku nyui ovava ayuva, pamue oku lia ayuva owisu ndaño a a kukuta kuenda oku nyua ovindangele viovinyu. (2) Ka ca tavele okuti ovo va puta esinga liovutue. (3) Ka ca tavele okuti ovo va lamba kovivimbi, ndaño muẽle viava kuepata ndeci: ndaño isiaye pamue inaye ndaño manjaye ulume pamue mukãi waye.—Ate. 6:1-7.

Ohuminyo Yilikasi. Omunu wosi wa lingaile ohuminyo yaco yilikasi, wa ponduile oku “kala u Nasiri [okuti wa litumbika, wa litepa] kupange wa Yehova,” kuenda ka ci lingila oco a sivayiwe lomanu omo liupange waco. Momo “oloneke viosi viu Nasiri waye o kola ku Yehova.”—Ate. 6:2, 8; Efet. 49:26.

Omo liaco, onumbi ya eciwile ku va Nasiri ya kuatele elomboloko lilikasi kefendelo lia Yehova.

Handi vali, u Nasiri ‘wa sukilile oku lekisa okuti o kola loku yovisa esinga liaye’ okuti ca lekisile ondimbukiso okuti omanu vosi va ponduile oku limbuka ocikele caye ci kola cu Nasiri.—Ate. 6:5.

Ovina vi Sangiwa Vembimbiliya

Utala Wondavululi, 15/1/2005 kem. 30 ocin. 2 kelimi Lioputu

Apulilo a Lingiwa la Vakuakutanga

Momo Samisone wa kala u Nasiri wa li tepele. Osimbu handi ka citiwile ungelo wa Suku wa sapuila inaye hati: “Momo tala, o mina, o cita omõla ulume. Omoko yomuto ka yi piti vutue waye, momo omolaco o linga u Nasiri wa Suku tunde vimo lia inaye. Haeye o fetika oku popela va Isareli peka lia va Filisiti.” (Olong. 13:5) Omo liaco, Samisone ka lingile ocisila coku kala u Nasiri. Eye wa nõliwile la Suku oco a kale u Nasiri osimbu a kala lomuenyo. Kuenje ocihandeleko cokuti ka citava oku lamba kovivimbi kokuaye ka ca kapiwileko.