Olonjila Vitatu Vioku Kolela ku Yehova

Daviti wa yula Goliata omo okuti wa kolelele ku Yehova. (1Sa 17:45) Yehova o yongola oku lekisa ongusu yaye oco a kuatise afendeli vaye vosi. (2As 16:9) Tu kolela ndati kongusu Yehova a siata oku eca kokuetu poku talavaya lovoloño etu? Kuli olonjila vitatu:

• Poku likutilila olonjanja viosi. Ku ka likutilile lika oco o pinge ongecelo yekandu liove, pole, pinga ongusu eci o setekiwa oku linga eci cĩvi. (Mat 6:12, 13) Ku ka likutilile lika oco Yehova a sumũlũise onjila wa nõlapo, pole, likutililavo oku pinga olonumbi viaye kuenda olondunge osimbu kua nõlele onjila yimue.—Tia 1:5.

• Kuata ocituwa coku tanga Embimbiliya olonjanja viosi. Tanga Embimbiliya oloneke viosi. (Os 1:2) Sanda otembo yoku sokolola kovolandu Embimbiliya, loku kapako ovina wa lilongisa. (Tia 1:23-25) Lipongiyila upange woku kunda ku ka kolele kukũlĩhiso wove muẽle. Kuatisiwa lolohongele viekongelo poku pongiya ciwa ovipama.

• Talavaya locisoko ca Yehova. Kũlĩha aliangiliyo ocisoko kuenda kuama olonumbi vialio. (Ate 9:17) Yevelela akulu vekongelo eci va ku ĩha alungulo kuenda olonumbi.—Hev 13:17.

TALA OVIDEO LOSAPI, KU KA KUATELE USUMBA ELAMBALALO, NOKE TAMBULULA APULILO A KUÃIMO:

• Ovitangi vipi vamanji va liyaka lavio?

• Nye ca va kuatisa oku yula usumba?