EKALO LIAKRISTÃO
Liteyuila Kunanguluke
Satana la vana va likongela kokuaye, olonjanja vimue va tenga uhembi locili oco va seteke oku nyõla ekolelo lietu. (2Ko 11:3) Ndeci, va Suria va enda oku vangula ovohembi oco va honguise afendeli va Yehova. (2As 32:10-15) Olonanguluke via siata oku kuama olonjila vimuamue koloneke vilo. Tu tambulula hẽ ndati alongiso olonanguluke? A tenda ndinenu! Lalimue eteke ku ka a tange, oku a tambulula ale oku a pitulula. Kala ukuanjanga koku limbuka ovolandu a sokiyiwa locimãho coku koka atatahãi a tiamẽla ku Yehova locisoko caye kuenda a yuvula!—Yuda 3, 4.
TALA OVIDEO LOSAPI, “LINGI UYAKI WALUA OCO VU TEYUILI EKOLELO”!—ONEPA YIMUE KUENDA TAMBULULA APULILO A KUÃIMO:
Momo lie tu sukilila oku kuata utate poku talavaya lovina vimue vi sangiwa vo internet?
Tu kapako ndati elungulo li sangiwa ku va Roma 16:17?