• Ulandu Wosemana 12 ya Kuvala
    Upange Wusoma—2012 | Kuvala

    • Ulandu Wosemana 12 ya Kuvala

      OSEMANA 12 YA KUVALA

      Ocisungo 89 Lohutililo

      □ Elilongiso Liembimbiliya Vekongelo:

      fy, ocip. 7 ovin 1-8 (Akuk. 30)

      □ Osikola Yupange Wakristão:

      Oku Tangiwa Kuembimbiliya: Amosi 1-9 (Akuk. 10)

      No. 1: Amosi 3:1-15 (Ka yi ka pitahãle akukutu 4)

      No. 2: Anga hẽ o “Testamentu Yokaliye” yi Tukula Oluali Luokaliye lu Laika Oku Iya, Ale Ondaka Yaco yi Sangiwa Lika vo “Testamentu Yale?”— rs kem. 275 § 6–p. 276 § 2 (Akuk. 5)

      No. 3: Oku Kuata Elomboloko Liwa Liosamo 51:17 ku tu Kuatisa Ndati? (Akuk. 5)

      □ Ohongele Yupange:

      Ocisungo 68

      Akuk. 10: Ceci Omunu Umue a Popia Hati: ‘Ene Ka vu Tavi ku Yesu.’ Ohundo yopiwa velivulu Raciocínios kemẽla 220, kovinimbu 1-3. Ku lingiwe ocindekaise cimue ci teta onimbu.

      Akuk. 10: Nye tu Lilongisako? Ohundo lapulilo amue kolonjeveleli. Tanga Marko 1:16-20. Noke lombolola ndomo ovinimbu evi vi tu kuatisa kupange woku kunda.

      Akuk. 10: “Sanjukila Upange Wove Uwa.” Apulilo latambululo.

      Ocisungo 98 Lohutililo

  • Sanjukila Upange Wove Uwa
    Upange Wusoma—2012 | Kuvala

    • Sanjukila Upange Wove Uwa

      1. Nye ci pondola oku tepulula ombili yetu kupange woku kunda?

      1 Omunu wa pangiwa oku ‘sanjukila upange waye uwa.’ (Uku. 2:24) Pole, nda upange wetu woku kunda ka weci onima yiwa, tu sumua kuenje, tu tepulula ombili yetu. Nye ci pondola oku tu kuatisa oku kuata ovisimĩlo via sunguluka?

      2. Momo lie tu sukilila oku kuata ovisimĩlo via sunguluka kupange woku kunda?

      2 Kuata Ovisimĩlo Via Sunguluka: Ndaño okuti koloneke via Yesu, omanu valua ka va tavele oku va kundila esapulo liwa, haimo Yesu wa kuata onima kupange waye. (Yoa. 17:4) Volusapo Yesu a ta, lua tiamẽla kongunja, wa tukula omanu vana ka va lekisa onjongole kesapulo Liusoma. (Mat. 13:3-8, 18-22) Nda tua lekisa ombili kupange woku kunda, tu kuata onima yiwa.

      3. Ndaño okuti olonjanja vimue omanu ka va tava oku va kundila, tu pondola oku “ima” ndati apako awa?

      3 Ndomo tu Ima Apako Alua: Ndomo Yesu a ci lombolola volusapo luaye, vana va tava oku va kundila esapulo liwa, va pondola oku “ima apako.” (Mat. 13:23) Otiliku noke yoku tunda loku ima ciwa, yeca ombuto yalua yokaliye. Omo liaco, apako awa Akristão va siata oku ima, ka a lomboloka lika oku longisa omanu oco va linge olondonge viokaliye. Apako aco, a lombolokavo oku vokiya ombuto Yusoma, ale ovina tua siata oku vangula viatiamẽla Kusoma. Poku ci linga, tu kuata onima “yiwa,” kuenda ci pondola oku vokiya esanju lietu, ndaño okuti omanu vamue ka va tava kesapulo tu va kundila. Nda tua ci linga, tu sivaya onduko ya Yehova. (Isa. 43:10-12; Mat. 6:9) Tua sanjukila esumũluho lioku “kala olondingupange via Suku. (1 Va Kor. 3:9) Omo liaco, tu eca “ocilumba covimẽla” cina ci sivaya Yehova.—Va Hev. 13:15, 16.

      4. Onima yipi ka yi muiwa lovaso etu tu pondola oku kuata kupange woku kunda?

      4 Upange wetu u pondola oku eca onima yiwa okuti, pamue ka tu pondola oku yi mola lovaso etu. Tu limbuka esunga liaco komanu vamue Yesu a kundila okuti, veya oku linga lika olondonge viaye noke yoku malusula upange woku kunda palo posi. Cimuamue haico okuti, ombuto Yusoma tua kũla vutima womunu, pamue yi fetika lika oku kuata olombombo kuenda yi kula noke. Kuenje, ka tu kũlĩha ndomo yi kula. Citava okuti tu kuata onima yiwa kupange woku kunda. Omo liaco, tu amamiko oku ‘ima apako’ alua kuenda oku lekisa okuti, tu londonge via Yesu.—Yoano 15:8.