EPULILO 2
Ove o pondola oku lilongisa ndati catiamẽla ku Suku?
“Elivulu eli Liocihandeleko ka li ka tunde vomẽla wove, o sukila oku li sokolola utanya luteke, oco o kapeko lutate ovina viosi via sonehiwamo; kuenje onjila yove yi ka sumũlũha kuenda o ka lekisa olondunge kovina viosi o linga.”
“Ovo vamamako oku tanga lolukandi elivulu okuti, Ocihandeleko ca Suku yocili, loku ci lombolola lutate kuenda oku eca elomboloko liaco; kuenje va kuatisa omanu oku kuata elomboloko liovina via kala oku tangiwa.”
“Wa sumũlũha omunu ka endaenda lelungulo liondingaĩvi . . . Pole, o sole calua ocihandeleko ca Yehova, kuenda o sokolola ocihandeleko Caye utanya luteke. . . . cosi eye a linga ci tunda ciwa.”
“Filipu wa lupukilako kuenda wo yeva oku tanga lolukandi elivulu liuprofeto Isaya, yu wo pula hati: ‘Eci o kasi oku tanga ndeti ca ku lomboloka muẽle?’ Eye wa tambulula hati: ‘Ci ndomboloka ndati nda ka pali laumue o ci ndomboluila?’”
“Ovituwa viaye vina ka vi muiwa, vi limbukiwa tunde koku lulikiwa kuoluali, momo vi muiwila kovina via lulikiwa, ndaño unene waye ka u pui okuti eye muẽle Suku, oco okuti, ka va tẽla oku ci tatãla.”
“Sokolola kovina evi; litumbika kokuavio okuti, omanu vosi va limbuka muẽle oku amako kuove.”
“Tu likapiko pokati oco tu livetiyi locisola kuenda lovilinga viwa, ka tu ka liwekipo oku liongolola kolohongele vietu.”
“Nda umue pokati kene wa kamba olondunge, amameko oku pinga ku Suku, momo eye eca calua ku vosi lutima waye wosi, halokupisako kuenje ovio vi ka eciwa kokuaye.”