EPULILO 10
Nye Embimbiliya li likuminya catiamẽla kovaso yoloneke?
“Vakuesunga va ka piñala ilu lieve kuenda va ka kalamo otembo ka yi pui.”
“Ongongo yamamako otembo ka yi pui.”
“Eye o ka malako oku fa otembo ka yi pui kuenda Ñala Tõlo Yehova, o ka puenya asuẽlẽla kovipala viosi.”
“Kotembo yaco, ovaso olomeke a ka patuluka kuenda ovatũi ovisitatũi a ka situluka. Kotembo yaco, ocilema ci ka tẽha tẽha ndosonge kuenda elimi liocitende li ka kaluka omo liesanju. Momo ovava a ka pita vekalasoko kuenda olondui vetapi lio vekalasoko.”
“Eye o ka puenya asuẽlẽla osi vovaso avo, oku fa ka ku ka kalako vali, ndaño oku lila loku liyula levalo ka vi ka kalako vali. Ovina viatete via pita.”
“Ovo va ka tunga olonjo kuenda va ka kalamo, kuenda va ka kũla oviumbo viayuva kuenje va ka lia apako alio. Ovo ka va ka tunga oco umue wiñi a kalemo, ndaño oku kũla okuti vakuavo ovo va liako. Momo oloneke viomanu vange, vi ka kala ndoloneke viuti umue kuenda vana nda nõla va ka kuatisiwa lupange wovaka avo.”