NDOMO O KAVULUISIWA KESAKALALO
Omuenyo Umue ka u Kuete Asakalalo
Alungulo Embimbiliya a pondola oku ku kuatisa oku kavuluisiwa kesakalalo. Ocili okuti, ka tu pondola oku malako ovina viosi vi tu kokela esakalalo komuenyo. Pole, Ululiki wetu o kuete epondolo liaco. Eye wa nõla ale umue oco a tu kuatise okuti, Yesu Kristu. Yesu eci a kala palo posi, wa linga ovina vi komõhisa. Pole, kovaso yoloneke, o ka lingila omanu ovina via velapo. Ndeci:
YESU O KA SAKULA OLOMBEYI NDECI A LINGA KOSIMBU.
“Vo nenela vosi va kala oku tala ohali omo liovovei aiñi aiñi . . . , kuenje wa va sakula.”—MATEO 4:24.
YESU O KA ECA OVITUMÃLO VIOKU KALA KUENDA OKULIA KOMANU VOSI.
“Ovo [okuti vana va ka vialiwa la Kristu,] va ka tunga olonjo kuenda va ka kalamo, kuenda va ka kũla oviumbo viayuva kuenje va ka lia apako alio. Ovo ka va ka tunga oco umue wiñi a kalemo, ndaño oku kũla okuti vakuavo ovo va liako.”—ISAYA 65:21, 22.
UVIALI WA YESU U KA NENA OMBEMBUA LOKU KOLAPO VOLUALI.
“Koloneke viaye ukuesunga o ka telẽha, Kuenda ombembua yi ka kala kuosi toke eci ka ku kala vali osãi. Eye o ka viala oku upisa kokalunga toke kokalunga Kuenda oku upisa Kolui toke kasulilo o kilu lieve. . . . Ovanyãli vaye va ka lesa oneketela.”—OSAMO 72:7-9.
YESU O KA MALAKO EKAMBO LIESUNGA.
“Eye o ka kuatela ohenda osuke lohukũi, kuenda o ka popela omuenyo wohukũi. Eye o ka va yovola kohali kuenda kungangala.”—OSAMO 72:13, 14.
YESU O KA MALAKO OHALI KUENDA OLOFA.
“Oku fa ka ku ka kalako vali, ndaño oku lila loku liyula levalo.”—ESITULUILO 21:4.