Apulilo Oku Lilongisa Elivulu Liasapulo Embimbiliya
Suku o Fetika Oku Lulika Ovina
1. Ovina viosi viwa via tunda pi? Ci tava hẽ okuti o tukulako vimue?
2. Nye Suku a lulika tete?
3. Momo lie ungelo watete a tukuiwila okuti umue olikasi?
4. Lombolola ndomo ilu lieve lia kala kefetikilo. (Tala ociluvialuvia.)
5. Suku wa fetika ndati oku pongiya ilu lieve oco mu kale ovinyama kuenda omanu?
Apulilo akuavo:
1. Tanga Yeremiya 10:12.
Ovituwa vipi via Suku vi limbukiwila kovina a lulika? (Isa. 40:26; Va Rom. 11:33)
2. Tanga Va Kolosai 1:15-17.
Onepa yipi Yesu a kuata koku lulika ovina? Kuenda eci ci tu vetiya oku u tenda ndati? (Va Kol. 1:15-17)
3. Tanga Efetikilo 1:1-10.
(a) Helie wa lulika ongongo? (Efet. 1:1)
(b) Nye ca lulikiwa keteke liatete? (Efet. 1:3-5)
(c) Tukula eci ca lulikiwa keteke liavali. (Efet. 1:7, 8)
Ocumbo Cimue Ceposo
1. Suku wa pongiya ndati ilu lieve oco tu tungemo?
2. Tukula olonduko viovinyama vimue Suku a lulika. (Tala ociluvialuvia.)
3. Momo lie ocumbo Cedene ca kalela ocitumãlo cimue ceposo?
4. Suku wa yonguile okuti ilu lieve liosi li kala ndati?
Apulilo akuavo:
1. Tanga Efetikilo 1:11-25.
(a) Nye Suku a lulika keteke liatatu? (Efet. 1:12)
(b) Nye ca lulikiwa keteke liakuãla? (Efet. 1:16)
(c) Ovinyama vipi Suku a lulika keteke liatãlo kuenda liepandu? (Efet. 1:20, 21, 25)
2. Tanga Efetikilo 2:8, 9.
Oviti vipi vivali vilikasi Suku a kapele vocumbo Cedene? Kuenda via kala ocindekaise ce?
Ulume Watete Kuenda Ukãi Watete
1. Ocina ci pi o lete vociluvialuvia Cesapulo 3 okuti ka ci kasi vociluvialuvia Cesapulo 2?
2. Helie wa lulika ulume watete? Kuenda onduko yulume waco helie?
3. Upange upi Suku a ecele ku Adama?
4. Momo lie Suku a pekelisilile Adama otulo tuelume?
5. Adama la Heva nda va kala komuenyo toke otembo yipi? Kuenda Yehova wa yonguile okuti ovo va linga upange upi?
Apulilo akuavo:
1. Tanga Osamo 83:18.
Suku onduko yaye helie? Kuenda momo lie okuti eye lika Tõlo koluali luosi? (Yer. 16:21; Dan. 4:17)
2. Tanga Efetikilo 1:26-31.
(a) Nye Suku a sulako laco oku ci lulika keteke liepandu? Kuenda ocilulikilo caco ca li tepelele ndati lovinyama? (Efet. 1:26)
(b) Oku lia kupi Yehova a pongiyila omunu kuenda ovinyama? (Efet. 1:30)
3. Tanga Efetikilo 2:7-25.
(a) Nye ca kongelele vocikele ca Adama coku luka olonduko kovinyama? (Efet. 2:19)
(b) Elivulu Liefetikilo 2:24 li tu kuatisa ndati oku kuata elomboloko liwa ndomo Yehova a tenda olohuela, oku litepa kuolohuela kuenda oku linyala? (Mat. 19:4-6, 9)
Esunga Lieci va Pumbila Ocitumãlo Cavo
1. Ndomo o ci lete vociluvialuvia cilo nye ci kasi oku pita la Adama kuenda Heva?
2. Momo lie Yehova a va tundisila vocumbo?
3. Nye onyõha ya sapuila Heva?
4. Helie wa kala konyima yonyõha oku vangula la Heva?
5. Momo lie Adama la Heva va pumbila ocitumãlo cavo ceposo?
Apulilo akuavo:
1. Tanga Efetikilo 2:16, 17 kuenda 3:1-13, 24.
(a) Uhembi upi onyõha ya sapuila Heva watiamẽla ku Yehova? (Efet. 3:1-5; 1 Yoa. 5:3)
(b) Nye tu lilongisila ku Heva? (Va Fil. 4:8; Tia. 1:14, 15; 1 Yoa. 2:16)
(c) Adama la Heva va tambulula ndati eci va pulisiwa akandu avo? (Efet. 3:12, 13)
(d) Momo lie va keruvi va kapiwile kutundilo wocumbo Cedene oku teyuila uviali wa Yehova? (Efet. 3:24)
2. Tanga Esituluilo 12:9.
Satana wa siata oku litunda ndati koku tindula omanu kuviali wa Suku? (1 Yoa. 5:19)
Efetikilo Liomuenyo Umue wa Tĩla
1. Omuenyo wa Adama la Heva weya oku kala ndati eci va tundisiwa vocumbo Cedene?
2. Adama la Heva veya oku pita lovitangi vipi? Kuenda momo lie?
3. Momo lie Adama la Heva lomãla vavo veya oku kukila kuenda oku fa?
4. Nda Adama la Heva va pokuile ku Yehova, omuenyo wavo lowu womãla vavo nda weya oku kala ndati?
5. Heva oku sina kuaye kuo kokela ohali yipi?
6. Vipi via kala olonduko viomãla vavali va Adama la Heva?
7. Omãla vapi vakuavo va Adama la Heva ove o letele vociluvialuvia?
Apulilo akuavo:
1. Tanga Efetikilo 3:16-23 kuenda 4:1, 2.
(a) Eci osi ya siñaliwa ca nena ovitangi vipi ku Adama? (Efet. 3:17-19; Va Rom. 8:20, 22)
(b) Momo lie onduko ya Heva yi lombolokela ina ya vosi va “Kasi Lomuenyo” yo sesamelele? (Efet. 3:20)
(c) Yehova wa lekisa ndati ohenda ku Adama la Heva eci va linga ekandu? (Efet. 3:7, 21)
2. Tanga Esituluilo 21:3, 4.
‘Ovina vipi viatete’ okuti ka vika kalako vali’?
Omõla Umue Ukuesunga Kuenda Ondingaĩvi
1. Ovopange api Kaini la Havele va lingaile?
2. Ovina vipi Kaini la Havele va ecele ku Yehova ndocilumba?
3. Momo lie Yehova a sanjukilile ocilumba ca Havele? Kuenda momo lie ka sanjukilile ocilumba ca Kaini?
4. Kaini wa tuwile ndati? Kuenda Yehova wo lunguile ndati?
5. Nye Kaini a linga manjaye eci va kala lika liavo kepia?
6. Lombolola eci ca pita la Kaini eci a ponda manjaye.
Apulilo akuavo:
1. Tanga Efetikilo 4:2-26.
(a) Yehova wa lungula ndati Kaini okuti eye wa kala kohele? (Efet. 4:7)
(b) Kaini wa lekisa ndati ocituwa caye covutima? (Efet. 4:9)
(c) Yehova wa tenda ndati oku pesela osonde yomunu? (Efet. 4:10; Isa. 26:21)
2. Tanga 1 Yoano 3:11, 12.
(a) Momo lie onyeño ya Kaini ya wengukilile? Kuenda elungulo lie tupako koloneke vilo? (Efet. 4:4, 5; Olosap. 14:30; 28:22)
(b) Embimbiliya li lekisa ndati okuti ndaño vakuepata lietu ka va vumbi Yehova lopo etu tu pondola oku amamako vekolelo? (Osa. 27:10; Mat. 10:21, 22)
3. Tanga Yoano 11:25.
Elavoko lie Yehova a tu ĩha liatiamẽla ku vana vakuesunga va fa? (Yoa. 5:24)
Ulume Umue Ukuotõi
1. Enoke wa kala ndati omunu umue wa litepa?
2. Momo lie omanu koloneke via Enoke va lingalaile ovina vialua vĩvi?
3. Ovina vipi vĩvi omanu va enda oku linga? (Tala ociluvialuvia.)
4. Momo lie ca sukililile okuti Enoke o kala ukuotõi?
5. Kosimbu omanu va enda oku kala komuenyo anyamo añami? Pole Enoke wa kala lika komuenyo anyamo añami?
6. Nye ceya oku pita noke yolofa via Enoke?
Apulilo akuavo:
1. Tanga Efetikilo 5:21-24, 27.
(a) Ukamba upi wa kala pokati ka Yehova la Enoke? (Efet. 5:24)
(b) Ndomo ca lekisiwa Vembimbiliya, ulume upi wa kala vali komuenyo otembo yalua? Kuenda eye wa fa lanyamo añami? (Efet. 5:27)
2. Tanga Efetikilo 6:5.
Ekalo lipi lĩvi lia kala kilu lieve eci Enoke a fa? Kuenda ekalo liaco li sokisiwa ndati leli lio koloneke vilo? (2 Tim. 3:13)
3. Tanga Va Heveru 11:5.
Ocituwa cipi ca Enoke ca lekisa okuti eye wa ‘sungulukile ku Suku’? Kuenda onima yipi eye a tambula? (Efet. 5:22)
4. Tanga Yuda 14, 15.
Akristão koloneke vilo va setukula ndati utõi wa Enoke poku eca uvangi komanu watiamẽla kuyaki wo Harmagedo? (2 Tim. 4:2; Va Hev. 13:6)
Ovindululu Kilu Lieve
1. Nye ceya oku pita eci ovangelo vamue va pokola ku Satana?
2. Momo lie ovangelo vamue va silapo upange wavo kilu yu va lokila palo posi?
3. Momo lie ka ca sungulukile ovangelo oku lokila palo posi oku wala atimba ositu?
4. Momo lie omãla vovangelo va litepelele?
5. Ndomo o ci lete vociluvialuvia nye ovindululu via enda oku linga?
6. Ulume upi uwa weya oku kala kilu lieve eci Enoke a fa? Kuenda momo lie Suku o solelele?
Apulilo akuavo:
1. Tanga Efetikilo 6:1-8.
Elivulu Liefetikilo 6:6 li lekisa ndati okuti ovilinga vietu vi sumuisa ale vi sanjuisa Yehova? (Osa. 78:40, 41; Olosap. 27:11)
2. Tanga Yuda 6.
Ovangelo “vana ka va lavele olomangu viavo” koloneke via Noha va kala ndati ndelungulo kokuetu? (1 Va Kor. 3:5-9; 2 Pet. 2:4, 9, 10)
Noha wa Tunga Ocimbaluku
1. Vakuepata lia Noha va kala vañami? Kuenda omãla vaye vatatu olonduko viavo velie?
2. Upange upi okuti ka wa lelukile Suku a tumile ku Noha oku linga? Kuenda momo lie?
3. Omanu va tambuluiya ndati eci Noha a va sapuila eci catiamẽla koku tunga ocimbaluku?
4. Nye Suku a tuma ku Noha oku linga lovinyama?
5. Eci Suku a yika epito liocimbaluku, nye Noha lepata liaye va sukilile oku linga?
Apulilo akuavo:
1. Tanga Efetikilo 6:9-22.
(a) Nye Noha a linga ci lekisa okuti wa kala ufendeli wocili wa Suku? (Efet. 6:9, 22)
(b) Yehova o tenda ndati ungangala? Kuenje ci tu vetiya oku nõla ndati ovitalukilo vietu? (Efet. 6:11, 12; Osa. 11:5)
(c) Tu setukula ndati ongangu ya Noha eci tu tambula olonumbi vocisoko ca Yehova? (Efet. 6:22; 1 Yoa. 5:3)
2. Tanga Efetikilo 7:1-9.
Yehova poku tenda Noha ukuakandu ndukuesunga ci tu kolisa ndati koloneke vilo? (Efet. 7:1; Olosap. 10:16; Isa. 26:7)
Etande Linene
1. Momo lie ava va kala kosamua ka va tẽlelele oku iñila vocimbaluku eci ombela ya fetika oku loka?
2. Ombela ya loka ovotanya kuenda ovoteke añami? Kuenda ovava va pitĩlile toke pi?
3. Nye ca pita locimbaluku eci ovava eyuka kilu lieve?
4. Anga hẽ ovindululu via puluka ketande? Kuenda nye va isia yovindululu veya oku linga?
5. Nye ceya oku pita locimbaluku eci pa pita olosãi vitãlo?
6. Momo lie Noha a tundisilile ocikuamanga vocimbaluku?
7. Noha weya oku limbuka ndati okuti ovava kilu lieve a takata?
8. Nye Suku a sapuila Noha lepata liaye pana okuti va kala ale ulima vocimbaluku?
Apulilo akuavo:
1. Tanga Efetikilo 7:10-24.
(a) Oviendalomuenyo viñami via kunduiwa Ketande? (Efet. 7:23)
(b) Kua pita oloneke viñami oco ovava Etande a takate? (Efet. 7:24)
2. Tanga Efetikilo 8:1-17.
Elivulu Liefetikilo 8:17 li lekisa ndati okuti ocipango ca Yehova catiamẽla kilu lieve ka ca pongolokele? (Efet. 1:22)
3. Tanga 1 Petulu 3:19, 20.
(a) Eci ovangelo va sina va tiukila kilu, esombiso lipi ovo va tambula? (Yuda 6)
(b) Ovolandu a Noha lepata liaye va pamisa ndati ekolelo lietu ku Yehova liokuti eye o tẽla oku yovola omanu vaye? (2 Pet. 2:9)
Olukongolo Luatete
1. Ndomo ca lekisiwa vociluvialuvia, nye Noha a linga tete eci a tunda vocimbaluku?
2. Eci Etande lia pita Suku wa tuma Noha lepata liaye oku linga nye?
3. Ohuminyo yipi Suku a lisililile?
4. Eci tu mola olukongolo ci tu ivaluisa nye?
Apulilo akuavo:
1. Tanga Efetikilo 8:18-22.
(a) Koloneke vilo, tu eca ndati ‘ovilumba’ vi sanjuisa Yehova? (Efet. 8:21; Va Hev. 13:15, 16)
(b) Nye Yehova a vangula catiamẽla kekalo liutima womunu? Kuenda utate upi tu sukila oku kuata? (Efet. 8:21; Mat. 15:18, 19)
2. Tanga Efetikilo 9:9-17.
(a) Ocisila ci pi Yehova a lisila loviendalomuenyo viosi a lulika kilu lieve? (Efet. 9:10, 11)
(b) Ocisila colukongolo cika amamako toke otembo yipi? (Efet. 9:16)
Omanu va Tunga Osapalalo ya Lepa
1. Nimuroti wa kala elie? Kuenda Suku wo tendele ndati?
2. Ndomo ci letiwe vociluvialuvia, momo lie omanu va sukuila olondopi?
3. Momo lie Yehova ka sanjukilile upange wavo woku tunga osapalalo?
4. Suku wa tateka ndati oku tungiwa kuo sapalalo?
5. Imbo liaco lia tukuiwile ndati? Kuenda onduko yaco yi lomboloka nye?
6. Nye ceya oku pita lomanu eci Suku a pongolola elimi liavo?
Apulilo akuavo:
1. Tanga Efetikilo 10:1, 8-10.
Ovituwa vipi Nimuroti a lekisa? Kuenda elungulo lie tupako? (Olosap. 3:31)
2. Tanga Efetikilo 11:1-9.
Lipi lia kala esunga lioku tunga osapalalo? Kuenda momo lie oku tunga kuaco kua tatekiwila? (Efet. 11:4; Olosap. 16:18; Yoa. 5:44)
Avirahama wa Linga Ekamba Lia Suku
1. Omanu vapi va kala vimbo lio Uri?
2. Ulume u o letele vociluvialuvia helie? Otembo yipi a citiwa? Kuenda pi eye a kala?
3. Nye Suku a tuma Avirahama oku linga?
4. Momo lie Avirahama vo tukuilile hati ekamba lia Suku?
5. Helie wa kala la Avirahama eci eye a tunda kofeka yo Uri?
6. Nye Suku a sapuila Avirahama eci eye a pitĩla kofeka yo Kanana?
7. Ohuminyo yipi Suku a linga ku Avirahama eci a kala la 99 kanyamo?
Apulilo akuavo:
1. Tanga Efetikilo 11:27-32.
(a) Usitue we wa kala pokati ka Avirahama la Lote? (Efet. 11:27)
(b) Ndaño Terahi wa tavele oku ilukila ko Kanana lepata liaye, tua kũlĩha ndati okuti Avirahama eye wa sovuile oku iluka kuaco? Kuenda momo lie eye a ci lingila? (Efet. 11:31; Ovil. 7:2-4)
2. Tanga Efetikilo 12:1-7.
Eci Avirahama a pitĩla kofeka yo Kanana Yehova wo sapuila vali nye catiamẽla kocisila a linga laye? (Efet. 12:7)
3. Tanga Efetikilo 17:1-8, 15-17.
(a) Avirama eci a tẽlisa 99 kanyamo onduko yaye ya pongoluiwa hati ndati? Kuenda momo lie? (Efet. 17:5)
(b) Asumũlũho api Suku a likuminyile ku Sarai? (Efet. 17:15, 16)
4. Tanga Efetikilo 18:9-19.
(a) Kelivulu Liefetikilo 18:19, ocikele cipi ca eciwa kolonjali vialume? (Esin. 6:6, 7; Va Efe. 6:4)
(b) Ulandu upi wa pita la Sarai u lekisa okuti ka tu pondola oku limbika lacimue ku Yehova? (Efet. 18:12, 15; Osa. 44:21)
Suku wa Seteka Ekolelo Lia Avirahama
1. Ohuminyo yipi Suku a lingile ku Avirahama? Kuenda ndamupi Suku a tẽlisa ohuminyo yaco?
2. Ndomo ca lekisiwa vociluvialuvia, Suku wa seteka ndati ekolelo lia Avirahama?
3. Ndaño okuti Avirahama ka kuatele elomboloko liwa lieci Suku o tuma, nye eye a linga?
4. Nye ceya oku pita eci Avirahama a tikula omoko oco a ponde omõlaye?
5. Ekolelo lipi Avirahama a lekisa ku Suku?
6. Nye Suku a eca ku Avirahama oco a cece ndocilumba? Kuenda wa ci linga ndati?
Apulilo akuavo:
1. Tanga Efetikilo 21:1-7.
Momo lie Avirahama a tetela evamba omõlaye eci a tẽlisa oloneke ecelãla? (Efet. 17:10-12; 21:4)
2. Tanga Efetikilo 22:1-18.
Isake wa lekisa ndati epokolo ku isiaye Avirahama? Kuenda eci ca kuata elomboloko lie kovina via laikele okuiya? (Efet. 22:7-9; 1 Va Kor. 5:7; Va Fil. 2:8, 9)
Ukãi wa Lote wa Vanja Konyima
1. Momo lie Avirahama la Lote va litepelele?
2. Momo lie Lote a nõlela oku kala vo Sodoma?
3. Omanu vo ko Sodoma va tuwile ndati?
4. Elungulo lipi ovangelo vavali va eca ku Lote?
5. Momo lie ukãi wa Lote a pongolokela ongunji yomongua?
6. Nye tu lilongisila kulandu wukãi wa Lote?
Apulilo akuavo:
1. Tanga Efetikilo 13:5-13.
Catiamẽla koku potolola ovitangi, ongangu ye tu lilongisila ku Avirahama? (Efet. 13:8, 9; Va Rom. 12:10; Va Fil. 2:3, 4)
2. Tanga Efetikilo 18:20-33.
Ndomo Yehova a tata Avirahama ci tu ĩha ekolelo lie okuti Yehova la Yesu vaka tetulula lesunga? (Efet. 18:25, 26; Mat. 25:31-33)
3. Tanga Efetikilo 19:1-29.
(a) Ulandu owu Wembimbiliya u lekisa ndati ndomo Yehova a tenda ocituwa calume va lipekela lalume? (Efet. 19:5, 13; Ovis. 20:13)
(b) Avirahama la Lote va litepele ndati koku pokola kolonumbi via Suku? Kuenda nye tu lilongisilako? (Efet. 19:15, 16, 19, 20; 22:3)
4. Tanga Luka 17:28-32.
Ocituwa cipi covutima ukãi wa Lote a kuata catiamẽla kovokuasi? Kuenda eci ci tu ĩha elungulo lie? (Luka 12:15; 17:31, 32; Mat. 6:19-21, 25)
5. Tanga 2 Petulu 2:6-8.
Tu setukula ndati ocituwa ca Lote eci tu mola ekalo lĩvi voluali? (Esek. 9:4; 1 Yoa. 2:15-17)
Isake wa Kuela Ukãi wa Sunguluka
1. Ulume lukãi u o lete ndeti vociluvialuvia velie?
2. Nye Avirahama a linga oco a nõle ukãi womõlaye? Kuenda momo lie a ci lingila?
3. Ohutililo yukuenje wa Avirahama ya tambuluiwa ndati?
4. Eci Rebeka a puliwa nda o yongola oku kuela la Isake wa kumbulula ndati?
5. Nye ceya oku sanjuisa vali Isake?
Apulilo akuavo:
1. Tanga Efetikilo 24:1-67.
(a) Ocituwa cipi ciwa Rebeka a lekisa eci a lisanga lukuenje wa Avirahama pocisimo? (Efet. 24:17-20; Olosap. 31:17, 31)
(b) Esokiyo Avarahama a linga lioku sanda ukãi womõlaye Isake, lieca ongangu yipi Kakristão oloneke vilo? (Efet. 24:37, 38; 1 Va Kor. 7:39; 2 Va Kor. 6:14)
(c) Momo lie tu sukilila oku sandiliya otembo yoku sokolola lutate ndeci Isake a linga? (Efet. 24:63; Osa. 77:12; Va Fil. 4:8)
Omãla Volonjamba Okuti ka va Lisetãhalele
1. Esau la Yakoba va kala omãla velie? Kuenda va litepele kovina vipi?
2. Esau la Yakoba va kala lanyamo añami eci pakũlu yavo Avirahama a fa?
3. Nye Esau a linga okuti ca sumuisile calua inaye la isiaye?
4. Momo lie Esau a temelele calua la manjaye Yakoba?
5. Olonumbi vipi Isake a ecele komõlaye Yakoba?
Apulilo akuavo:
1. Tanga Efetikilo 25:5-11, 20-34.
(a) Nye Yehova a popele catiamẽla komãla vavali va Rebeka? (Efet. 25:23)
(b) Yakoba la Esau va litepele ndati kueci catiamẽla koku eca esilivilo kunuñulu? (Efet. 25:31-34)
2. Tanga Efetikilo 26:34, 35; 27:1-46; kuenda 28:1-5.
(a) Esau wa lekisa ndati okuti ka kapeleko ovina viespiritu? (Efet. 26:34, 35; 27:46)
(b) Oco Yakoba a tambule asumũlũho a Suku, nye Isake o tuma oku linga? (Efet. 28:1-4)
3. Tanga Va Hev. 12:16, 17.
Ulandu wa Esau u lekisa ndati onima yi iyilila koku pembula ovina vi kola?
Yakoba wa Endele ko Harane
1. Ufeko u vociluvialuvia helie? Kuenda nye Yakoba o lingila?
2. Nye Yakoba a sukilile oku linga oco a kuele Rahele?
3. Nye Lavane a lingile eci otembo ya Yakoba yoku kuela Rahele ya pitĩla?
4. Nye Yakoba a tava oku linga oco a kuele Rahele?
Apulilo akuavo:
1. Tanga Efetikilo 29:1-30.
(a) Ndaño okuti Yakoba wa kembiwile la Lavane, eye wa lekisa ndati esumbilo kokuaye? Kuenda nye tu lilongisilako? (Efet. 25:27; 29:26-28; Mat. 5:37)
(b) Ulandu wa Yakoba u lekisa ndati oku litepa kuocisola cocili leci hacociliko? (Efet. 29:18, 20, 30; Ocisungo ca Sal. 8:6)
(c) Velie va kala akãi vakuãla va Yakoba okuti noke veya oku u citila omãla? (Efet. 29:23, 24, 28, 29)
Epata Lia Yakoba
1. Velie va kala omãla epandu Yakoba a cita lukãi waye watete Lea?
2. Velie va kala omãla vavali Silipa ufeko wa Lea a citila Yakoba?
3. Vipi via kala olonduko viomãla vavali Biliha ufeko wa Rahele a citila Yakoba?
4. Velie va kala omãla vavali Rahele a cita? Kuenda nye ca pita eci omõla wavali a citiwa?
5. Ndomo ci letiwe vociluvialuvia, Yakoba wa kuata omãla vañami? Kuenda nye ceya oku pita lavo?
Apulilo akuavo:
1. Tanga Efetikilo 29:32-35 kuenda 30:1-26.
Ndomo tua lilongisa catiamẽla kekũi la vavali komãla va Yakoba, omãla valume kosimbu va enda oku lukiwa ndati?
2. Tanga Efetikilo 35:16-19 kuenda 37:35.
Ndaño okuti Dina eye lika wa tukuiwa Vembimbiliya, tua kũlĩha ndati okuti Yakoba wa kuata vali omãla vakuavo vakãi? (Efet. 37:34, 35)
Dina wa Kuata Ovitangi
1. Momo lie Avirahama kuenda Isake ka va yonguilile okuti omãla vavo va kuela va Kanana?
2. Yakoba wa tavele hẽ okuti omõlaye ukãi o livala ukamba lafeko voko Kanana?
3. Vociluvialuvia, helie ulume wa vandekela ndeti Dina? Kuenda ocina cipi cĩvi eye o linga?
4. Nye Simeone la Lewi va linga eci va yeva eci ca pita lamanjavo Dina?
5. Yakoba wa sanjukilile hẽ eci Simeone la Lewi va linga?
6. Epata liosi lieya oku kuata ndati ovitangi?
Apulilo akuavo:
1. Tanga Efetikilo 34:1-31.
(a) Anga Dina wa endele lika oku ka nyula afeko voko Kanana onjanja yimosi? Ci lombolola. (Efet. 34:1)
(b) Momo lie Dina a kuatela eko lioku nyelisa ondimbukiso yovofeko aye? (Va Gal. 6:7)
(c) Koloneke vilo, nye amalẽhe va lilongisila kueci ca pita la Dina? (Olosap. 13:20; 1 Va Kor. 15:33; 1 Yoa. 5:19)
Yosefe wa Suvukiwile la Vamanjaye
1. Momo lie Yosefe a suvukiwilile la vamanjaye? Kuenda nye ovo vo linga?
2. Yosefe vahuvaye va yonguile oku u linga nye? Pole nye Ruvene a popia?
3. Nye ceya oku pita eci va Isameli va pitĩla ocipepi lavo?
4. Nye vahuvaye va linga oco isiavo a sime okuti Yosefe wa fa?
Apulilo akuavo:
1. Tanga Efetikilo 37:1-35.
(a) Akristão va setukula ndati ongangu ya Yosefe poku sapula akandu kekongelo? (Efet. 37:2; Ovis. 5:1; 1 Va Kor. 1:11)
(b) Momo lie Yosefe vahuvaye vo suvukilile? (Efet. 37:11, 18; Olosap. 27:4; Tia. 3:14-16)
(c) Nye Yakoba a lingile ci lekisa okuti omunu wa fisa o kala lesumuo? (Efet. 37:35)
Yosefe wa Kapiwa Vokayike
1. Eci Yosefe a landisiwa Kegito wa kuata anyamo añami? Kuenda nye ca pita laye eci a pitilako?
2. Momo lie Yosefe vo kapelele vokayike?
3. Ocikele cipi Yosefe a tambula vokayike?
4. Vokayike, nye Yosefe a sapuila kalei kovinyu kuenda kalei kolombolo?
5. Nye ceya oku pita eci kalei kovinyu a yovuiwa vokayike?
Apulilo akuavo:
1. Tanga Efetikilo 39:1-23.
Kotembo ya Yosefe ka kua kaile ocihandeleko catiamẽla kukahonga. Oco hẽ nye ca vetiya Yosefe oku tila ukãi wa Potifara? (Efet. 2:24; 20:3; 39:9)
2. Tanga Efetikilo 40:1-23.
(a) Loku teta onimbu lombolola onjoi ya kalei kovinyu kuenda esituluilo Yehova a eca ku Yosefe. (Efet. 40:9-13)
(b) Yipi ya kala onjoi ya kalei kolombolo kuenda ya lombolokele nye? (Efet. 40:16-19)
(c) Ocisoko cukuenje wa lunguka haeye wa kolelua koloneke vilo, ca siata ndati oku setukula ocituwa ca Yosefe? (Efet. 40:8; Osa. 36:9; Yoa. 17:17; Ovil. 17:2, 3)
(d) Elivulu Liefetikilo 40:20 lieca elomboloko lie ndomo Akristão va kuete oku tenda ovipito viokucitiwa? (Uku. 7:1; Mar. 6:21-28)
Olonjoi Via Fareo
1. Nye ca pita la Fareo kuteke umue?
2. Momo lie kalei kovinyu eya oku ivalukila Yosefe?
3. Ndomo ca lekisiwa vociluvialuvia, olonjoi vipi vivali Fareo a kuata?
4. Nye Yosefe a popia catiamẽla kelomboloko liolonjoi?
5. Yosefe weya oku kala ndati omunu umue wa kemãlele Kegito okuti Fareo lika wo velelepo?
6. Momo lie vahuva a Yosefe va endelele Kegito? Kuenda momo lie ka vo limbukilile?
7. Onjoi yipi Yosefe a ivalukile? Kuenda eci co kuatisa oku kuata elomboloko lie?
Apulilo akuavo:
1. Tanga Efetikilo 41:1-57.
(a) Yosefe wa lekisile ndati okuti Yehova eye wa situlula olonjoi via Fareo? Kuenda koloneke vilo Akristão va setukula ndati ongangu yaye? (Efet. 41:16, 25, 28; Mat. 5:16; 1 Pet. 2:12)
(b) Anyamo elau lanyamo onjala Kegito a lekisa ndati ekalo liwa liomanu va Yehova lekalo lionjala Yatavo esanda koloneke vilo? (Efet. 41:29, 30; Amo. 8:11, 12)
2. Tanga Efetikilo 42:1-8 kuenda 50:20.
Anga hẽ ca sunguluka kafendeli va Yehova oku kekamela omunu wa sumbiwa nda okuti oco ocituwa cofeka va kasi? (Efet. 42:6)
Yosefe wa Seteka Vamanjaye
1. Momo lie Yosefe a lundilila vamanjaye hati vakuakukũlĩhĩsa ofeka?
2. Momo lie Yakoba a ecelelela okuti omõlaye kuasula Benjamini enda Kegito?
3. Okopo ya Yosefe yopalata yeya ndati vonjeke ya Benjamini?
4. Momo lie Yuda a liecela oco Benjamini a yovuiwe?
5. Nye ca lekisa okuti vahuva a Yosefe va pongolokele?
Apulilo akuavo:
1. Tanga Efetikilo 42:9-38.
Olondaka via Yosefe kelivulu Liefetikilo 42:18 vieca elungulo lipi kuava va kuete ovikele vocisoko ca Yehova koloneke vilo? (Neh. 5:15; 2 Va Kor. 7:1, 2)
2. Tanga Efetikilo 43:1-34.
(a) Ndaño okuti Ruvene eye wa kala nuñulu, nye ci lekisa okuti Yuda eye wa kala kapitiya poku vangula la Yosefe? (Efet. 43:3, 8, 9; 44:14, 18; 1 Asa. 5:2)
(b) Yosefe wa seteka ndati vamanjaye? Kuenda momo lie? (Efet. 43:33, 34)
3. Tanga Efetikilo 44:1-34.
(a) Enyango lipi Yosefe a linga oco vamanjaye ka va ko limbuke? (Efet. 44:5, 15; Ovis. 19:26)
(b) Vahuva a Yosefe va lekisa ndati okuti ka va kuatele vali ukuse lamanjavo? (Efet. 44:13, 33, 34)
Epata Lia Yakoba Lia Ilukila Kegito
1. Nye ca pita eci Yosefe a li situlula ku vamanjaye?
2. Nye Yosefe a sapuila vamanjaye lohenda?
3. Nye Fareo a sapuila Yosefe eci a yeva okuti vamanjaye veya?
4. Eci epata lia Yakoba lia ilukila Kegito lia luile?
5. Epata lia Yakoba lieya oku tukuiwa hati ndati? Kuenda momo lie?
Apulilo akuavo:
1. Tanga Efetikilo 45:1-28.
Ulandu wa Yosefe u lekisa ndati okuti Yehova o tẽla oku pongolola ekalo lĩvi vekalo liwa kuava vo fendela? (Efet. 45:5-8; Isa. 8:10; Va Fil. 1:12-14)
2. Tanga Efetikilo 46:1-27.
Ekoliso lie Yehova a ecele ku Yakoba vungende waye woku enda Kegito? (Efet. 46:1-4)
Yovi wa Lekisa Ekolelo ku Suku
1. Helie wa kala Yovi?
2. Nye Satana a setekele oku u linga? Anga hẽ wa litunda ciwa?
3. Yehova wa ecelela Satana oku linga nye ku Yovi? Kuenda momo lie?
4. Momo lie ukãi wa Yovi o vetiyila oku ‘siñala Suku oco a fe’? (Tala ociluvialuvia.)
5. Ndomo o cilete vociluvialuvia cavali, Yehova wa sumũlũisa ndati Yovi? Kuenda momo lie?
6. Nda tua kuata ekolelo ku Yehova ndeli lia Yovi, asumũlũho api tuka tambula?
Apulilo akuavo:
1. Tanga Yovi 1:1-22.
Akristão koloneke vilo va setukula ndati ongangu ya Yovi? (Yovi 1:1; Va Fil. 2:15; 2 Pet. 3:14)
2. Tanga Yovi 2:1-13.
Kolonepa vipi vivali Yovi lukãi waye va litepele koku eca etambululo kalambalalo a Satana? (Yovi 2:9, 10; Olosap. 19:3; Mika 7:7; Mal. 3:14)
3. Tanga Yovi 42:10-17.
(a) Onima Yovi a tambuile yi kuete esetahãlo lie lonima Yesu a tambula omo liekolelo liaye? (Yovi 42:12; Va Fil. 2:9-11)
(b) Tu kolisiwa ndati poku tala asumũlũho Yovi a tambuile omo lioku pandikisa kuaye ku Suku? (Yovi 42:10, 12; Va Hev. 6:10; Tia. 1:2-4, 12; 5:11)
Osoma Yimue Yĩvi ya Vialele Kegito
1. Vociluvialuvia eci ulume o kasi ndeti losikote helie? Kuenda helie eye a kasi loku tipula?
2. Eci Yosefe a fa, nye ceya oku pita la va Isareli?
3. Momo lie va Egito veya oku kuatela usumba va Isareli?
4. Nye Fareo a handelekele kakãi va enda oku kuatisa akãi va Isareli oku cita?
Apulilo akuavo:
1. Tanga Etundilo 1:6-22.
(a) Yehova wa tẽlisa ndati ohuminyo a lingile ku Avirahama? (Etu. 1:7; Efet. 12:2; Ovil. 7:17)
(b) Akãi vakuakucitisa va lekisa ndati okuti va sumbilile omuenyo? (Etu. 1:17; Efet. 9:6)
(c) Yehova wa sumũlũisa ndati akãi vakuakucitisa omo liekolelo va lekisa kokuaye? (Etu. 1:20, 21; Olosap. 19:17)
(d) Satana wa setekele ndati oku tateka ocipango ca Yehova catiamẽla Kombuto ya Avirahama? (Etu. 1:22; Mat. 2:16)
Ndomo Mose a Popeliwa
1. Oñaña eyi vociluvialuvia helie? Kuenda komuine welie oyo yi kuete ndeti?
2. Nye ina ya Mose a linga oco a popele omõlaye koku pondiwa?
3. Kafeko u o molẽha ndeti vociluvialuvia helie? Kuenda nye eye a kala loku linga?
4. Eci omõla a Fareo a sanga oñaña, nye Miriama o sapuila?
5. Nye omõla a soma a popia la ina ya Mose?
Apulilo akuavo:
1. Tanga Etundilo 2:1-10.
Epuluvi lipi ina ya Mose a kuata lioku pindisa loku longisa omõlaye Mose tunde vutila? Kuenda ongangu yipi eye a eca kolonjali vio koloneke vilo? (Etu. 2:9, 10; Esin. 6:6-9; Olosap. 22:6; Va Efe. 6:4; 2 Tim. 3:15)
Esunga Lieci Mose a Tilila
1. Pi Mose a kulila? Pole nye eye a kũlĩhĩle catiamẽla kolonjali viaye?
2. Nye Mose a lingile eci a tẽlisa akũi akuãla kanyamo?
3. Nye Mose a sapuilile ulume umue u Isareli wa kala loku liyaka lukuavo? Kuenda ulume waco wo kumbulula ndati?
4. Momo lie Mose a tililile Kegito?
5. Pi Mose a tilila? Kuenda helie eye a sangako?
6. Nye Mose a lingaile vokuenda kuakũi akuãla kanyamo tunde eci a tunda Kegito?
Apulilo akuavo:
1. Tanga Etundilo 2:11-25.
Ndaño okuti Mose wa pita anyamo alua loku longisiwa olondunge via va Egito eye wa lekisa ndati ekolelo ku Yehova kuenda komanu vaye? (Etu. 2:11, 12; Va Hev. 11:24)
2. Tanga Ovilinga 7:22-29.
Nye tu lilongisila ku Mose, eci a setekele oku yovola va Isareli Kegito longusu yaye muẽle? (Ovil. 7:23-25; 1 Pet. 5:6, 10)
Ocisapa ca Taima
1. Omunda ya lekisiwa ndeti vociluvialuvia yi tukuiwa ndati?
2. Lombolola ocina ci komohisa Mose a mola eci a kala lolomeme ocipepi lomunda Horeve.
3. Ondaka ya tunda vocisapa ya popia nye? Kuenda ondaka yaco ya kala yelie?
4. Mose wa kumbulula ndati eci Suku a popia laye oco aka songuile omanu vaye oku tunda Kegito?
5. Nye Suku a sapuilile Mose okuti oco aka tambulula eci vo pula okuti helie wo tuma?
6. Mose wa lekisa ndati okuti Suku eye muẽle wo tumĩle?
Apulilo akuavo:
1. Tanga Etundilo 3:1-22.
Ulandu wa Mose u tu ĩha ekolelo lie liokuti ndaño ka tua loñolohele koku tẽlisa ocikele cimue vocisoko ca Yehova eye oka tu kuatisa? (Etu. 3:11, 13; 2 Va Kor. 3:5, 6)
2. Tanga Etundilo 4:1-20.
(a) Apongoloko api kovituwa Mose a lipita lao vokuenda kuakũi akuãla kanyamo eci a kala ko Midiane? Kuenda ongangu yipi vana va yongola oku kuata ovikele vekongelo va lilongisilako? (Etu. 2:11, 12; 4:10, 13; Mika 6:8; 1 Tim. 3:1, 6, 10)
(b) Nda okuti tua tambula epindiso vocisoko ca Yehova, ulandu wa Mose u tu ĩha ekolelo lie? (Etu. 4:12-14; Osa. 103:14; Va Hev. 12:4-11)
Mose la Arone va Enda ku Fareo
1. Ovikomo Mose la Arone va lingile via vetiya ndati va Isareli?
2. Nye Mose la Arone va sapuilile Fareo? Kuenda Fareo wa va tambuluile ndati?
3. Ndomo ca lekisiwa vociluvialuvia, nye ceya oku pita eci Arone a veta ombueti yaye posi?
4. Yehova wa lekisile nye ku Fareo? Kuenda Fareo wa ci tendele ndati?
5. Nye ceya oku pita noke yefengi liekũi?
Apulilo akuavo:
1. Tanga Etundilo 4:27-31 kuenda 5:1-23.
Nye Fareo a yonguile oku popia eci a linga hati: “Yehova sio kũlĩhĩle”? (Etu. 5:2; 1 Sam. 2:12; Va Rom. 1:21)
2. Tanga Etundilo 6:1-13, 26-30.
(a) Yehova poku popia hati, sia li situluile ku Avirahama, ku Isake kuenda ku Yakoba ca lombolokele nye? (Etu. 3:13, 14; 6:3; Efet. 12:8)
(b) Oku kũlĩha okuti Yehova wamamako oku eca ovikele ku Mose ndaño okuti eye wa litendele ndu ka loñolohele ci tu kolisa ndati? (Etu. 6:12, 30; Luka 21:13-15)
3. Tanga Etundilo 7:1-13.
(a) Mose la Arone va sapula lutõi eyambulo lia Yehova ku Fareo. Poku linga ndoco ongangu yipi ovo va sila afendeli va Suku koloneke vilo? (Etu. 7:2, 3, 6; Ovil. 4:29-31)
(b) Yehova wa lekisa ndati okuti wa velelepo olosuku vio Kegito? (Etu. 7:12; 1 Asa. 29:12)
Ekũi Liafengi
1. Tala vociluvialuvia. Kaliye tukula afengi atatu a tete Yehova a tumĩle Kegito.
2. Afengi atatu a tete a litepele ndati lafengi akuavo eya oku kuamamo?
3. Lipi lia kala efengi liakuãla, liatãlo, leli liepandu?
4. Tukula efengi liepanduvali, liecelãla kuenda liecea.
5. Eci efengi liekũi handi ka lieyile nye Yehova a sapuilile va Isareli okuti oco va sukilile oku linga?
6. Lipi lia kala efengi liekũi? Kuenda noke yefengi liaco nye ceya oku pita?
Apulilo akuavo:
1. Tanga Etundilo 7:19–8:23.
(a) Vakualumbu o Kegito va tẽla oku setukula afengi avali a tete. Pole eci kua pita efengi liatatu ovo veya oku limbuka nye? (Etu. 8:18, 19; Mat. 12:24-28)
(b) Efengi liakuãla lia lekisa ndati okuti Yehova o tẽla oku teyuila omanu vaye? Kuenda oku kũlĩha ulandu owu ci kolisa ndati omanu va Suku osimbu va lavoka ‘ohali yapiãla’? (Etu. 8:22, 23; Esit. 7:13, 14; 2 Asa. 16:9)
2. Tanga Etundilo 8:24; 9:3, 6, 10, 11, 14, 16, 23-25 kuenda Etu 10:13-15, 21-23.
(a) Ovimunga vipi vivali via kuatiwa Lafengi Ekũi? Kuenda ovimunga viaco koloneke vilo vi sokisiwa la nye? (Etu. 8:10, 18, 19; 9:14)
(b) Elivulu Lietundilo 9:16 li tu kuatisa ndati oku limbuka esunga lieci Yehova a kasilili oku ecelela Satana oku amamako toke cilo? (Va Rom. 9:21, 22)
3. Tanga Etundilo 12:21-32.
O Paskoa ya kuatisa ndati oku yovola omanu valua? Kuenda o Paskoa ya kala ocindekaise ce? (Etu. 12:21-23; Yoa. 1:29; Va Rom. 5:18, 19, 21; 1 Va Kor. 5:7)
Ceci va Isareli va Yoka Okalunga Kakusuka
1. Alume vañami va Isareli kumue lakãi kuenda omãla va tunda Kegito? Kuenda velie va endela kumue lavo?
2. Fareo wa liyeva ndati pana okuti wa ecelela va Isareli oku enda? Kuenda nye eye a linga?
3. Nye Yehova a linga oco a yovole omanu vaye peka lia va Egito?
4. Nye ca pita eci Mose a veta lombueti yaye kilu liovava o Vokalunga Kakusuka? Noke nye va Isareli va linga?
5. Nye ca pita eci va Egito va iñila vokalunga pana okuti va Isareli va yoka ale?
6. Nye va Isareli va linga oco va lekise esanju kuenda olopandu viavo ku Yehova omo a va yovola?
Apulilo akuavo:
1. Tanga Etundilo12:33-36.
Yehova wa linga eliangiliyo lipi oco omanu vaye va tambule ofeto yupange wosi va linga eci va kala kupika Kegito? (Etu. 3:21, 22; 12:35, 36)
2. Tanga Etundilo14:1-31.
Olondaka via Mose kelivulu Lietundilo 14:13, 14 vi kuatisa ndati afendeli va Yehova koloneke vilo osimbu va lavoka uyaki wo Harmagedo? (2 Asa. 20:17; Osa. 91:8)
3. Tanga Etundilo 15:1-8, 20, 21.
(a) Momo lie omanu va Yehova va sukilila oku wimbila ovisungo viesivayo? (Etu. 15:1, 2; Osa. 105:2, 3; Esit. 15:3, 4)
(b) Miriama lakãi vakuavo eci va yoka Okalunga Kakusuka va imbila Yehova ovisungo. Oco hẽ ongangu ye va sila akãi Akristão koloneke vilo? (Etu. 15:20, 21; Osa. 68:11)
Okulia Kumue Kuokaliye
1. Vociluvialuvia eci nye omanu ava va kasi oku nõla ndeti posi? Kuenda ocina caco va ci tukowaile hati ndati?
2. Olonumbi vipi Mose a ecele komanu viatiamẽla koku nõla o mana?
3. Nye Yehova a tuma omanu oku linga keteke liepandu? Kuenda momo lie?
4. Ocikomo cipi Yehova a enda oku linga eci o mana ya enda oku selekiwa toke keteke liepanduvali?
5. Yehova wa tekula omanu lomana vokuenda kuanyamo añami?
Apulilo akuavo:
1. Tanga Etundilo 16:1-36 kuenda Atendelo 11:7-9.
(a) Nye elivulu Lietundilo 16:8 li lekisa catiamẽla koku sumbila vana va tumbikiwa kovikele vioku songuila ekongelo Liakristão? (Va Hev. 13:17)
(b) Vekalasoko va Isareli va enda oku ivaluisiwa ndati oku pokola ku Yehova eteke leteke? (Etu. 16:14-16, 35; Esin. 8:2, 3)
(c) Elomboloko lie Yesu a ecele liatiamẽla ko mana? Kuenda tu kuatisiwa ndati ‘lombolo yaco ya tunda kilu’? (Yoa. 6:31-35, 40)
2. Tanga Yehosua 5:10-12.
Va Isareli va lia o mana vokuenda kuanyamo añami? Kuenda nye tu lilongisila kulandu waco? (Etu. 16:35; Atend. 11:4-6; 1 Va Kor. 10:10, 11)
Yehova wa Eca Ovihandeleko ku va Isareli
1. Eci papita olosãi vivali tunde eci va Isareli va tunda Kegito pi ovo va kala?
2. Nye Yehova a sapuilile omanu okuti oco ovo va linga? Kuenda nye ovo va kumbulula?
3. Momo lie Yehova a ecela ovawe avali ku Mose?
4. Kovihandeleko Ekũi Yehova a ecele ku va Isareli kua vokiyiwile ovihandeleko vipi?
5. Ovihandeleko vipi vivali Yesu a popia okuti ovio via velapo?
Apulilo akuavo:
1. Tanga Etundilo 19:1-25; 20:1-21; 24:12-18 kuenda Etu 31:18.
Elivulu Lietundilo 19:8 li tu kuatisa ndati oku kuata elomboloko lieci ca kongela velitumbiko Liakristão? (Mat. 16:24; 1 Pet. 4:1-3)
2. Tanga Esinumuĩlo 6:4-6; Ovisila 19:18; kuenda Mateo 22:36-40.
Akristão va lekisa ndati ocisola cavo ku Suku kuenda ku vakuavo? (Mar. 6:34; Ovil. 4:20; Va Rom. 15:2)
Ociñumañuma Congombe
1. Vociluvialuvia eci nye omanu va kasi oku linga? Kuenda momo lie?
2. Momo lie Yehova a temelele? Kuenda nye Mose a linga poku mola eci omanu va kala loku linga?
3. Mose wa sapuila alume vamue oku linga nye?
4. Ulandu owu u tu longisa nye?
Apulilo akuavo:
1. Tanga Etundilo 32:1-35.
(a) Ulandu owu u tu lekisa ndati ndomo Yehova a tenda oku tenga efendelo liocili leli liesanda? (Etu. 32:4-6, 10; 1 Va Kor. 10:7, 11)
(b) Momo lie Akristão va sukilila oku lunguka poku nõla olomapalo ndeci ovisikilo kuenda oku piluka? (Etu. 32:18, 19; Va Efe. 5:15, 16; 1 Yoa. 2:15-17)
(c) Epata lia Lewi lia eca ndati ongangu yiwa koku lekisa esunguluko? (Etu. 32:25-28; Osa. 18:25)
Ombalaka Yoku Fendela Yehova
1. Eci ci kasi oku tungiwa ndeti vociluvialuvia ci tukuiwa nye? Kuenda mua enda oku lingiwila nye?
2. Momo lie Yehova a tumila Mose oku tunga ombalaka yimue okuti yi leluka oku ya ambata?
3. Okasia yi kasi ndeti vohondo eyi yitito ya nye? Kuenda vokasia yaco nye ci kasimo?
4. Helie Yehova a nõla oco a linge ocitunda cinene? Kuenda nye ocitunda cinene ca enda oku linga?
5. Tukula ovina vitatu vio vohondo yinene yombalaka.
6. Ovina vipi vivali vi kasi vocitali co tavernakulu? Kuenda nye va enda oku linga lavio?
Apulilo akuavo:
1. Tanga Etundilo 25:8-40; 26:1-37; 27:1-8; kuenda Etu 28:1.
Vakeruvi kilu “liocikasia covisila” va kala ocindekaise ce? (Etu. 25:20, 22; Atend. 7:89; 2 Olosap. 19:15)
2. Tanga Etundilo 30:1-10, 17-21; 34:1, 2; kuenda Va Hev. 9:1-5.
(a) Momo lie Yehova a lekasaila kovitunda vionembele esilivilo lioku li yelisa ketimba? Kuenda eci ci kuetevo esilivilo lie koloneke vilo? (Etu. 30:18-21; 40:30, 31; Va Hev. 10:22)
(b) Eci Paulu a sonehela Akristão va Heveru wa lekisa ndati okuti ocisila Covihandeleko ka ci kuete vali esilivilo? (Va Hev. 9:1, 9; 10:1)
Ekũi Lavivali Kolondavululi
1. Ocisiakata cayuva vociluvialuvia eci o ci lete? Ca tundilila pi?
2. Momo lie Mose a tumilile ekũi lavavali kolondavululi kofeka yo Kanana?
3. Olondavululi ekũi nye via sapuila Mose eci via tiuka?
4. Nye ci lekisa okuti olondavululi vivali via kolelele Yehova? Kuenda vipi via kala olonduko viavo?
5. Momo lie Yehova a temẽlele? Kuenda nye Eye a sapuila Mose?
Apulilo akuavo:
1. Tanga Atendelo 13:1-33.
(a) Velie va nõliwile oco vaka kũlĩhĩse ofeka? Kuenda epuluvi lipi ovo va kuata? (Atend. 13:2, 3, 18-20)
(b) Momo lie Yehosua la Kalembe va litepelele kovisimĩlo lolondavululi vikuavo? Kuenda eci ci tu longisa nye? (Atend. 13:28-30; Mat. 17:20; 2 Va Kor. 5:7)
2. Tanga Atendelo 14:1-38.
(a) Momo lie tu kuetele oku yuvula oku lisiõsuĩla vana Yehova a ĩha ovikele vocisoko caye? (Atend. 14:2, 3, 27; Mat. 25:40, 45; 1 Va Kor. 10:10)
(b) Elivulu Liatendelo 14:24 li lekisa ndati okuti Yehova okuetele ocikembe omunu lomunu pokati kafendeli vaye? (1 Olos. 19:18; Olosap. 15:3)
Ombueti ya Arone ya Yova
1. Velie va katukila Mose la Arone? Kuenda nye ovo va sapuila Mose?
2. Nye Mose a tuma Kora kuenda 250 komanu vaye oku linga?
3. Nye Mose a sapuila omanu? Kuenda nye ca pita osimbu handi Mose ka malele oku vangula?
4. Nye ca pita la Kora kuenda 250 komanu vaye?
5. Nye Eleasa omõla a Arone a linga loviyukilo viondalu vialume va fa? Kuenda momo lie?
6. Momo lie Yehova a lingila okuti ombueti ya Arone yi yova olonelẽho? (Tala ociluvialuvia.)
Apulilo akuavo:
1. Tanga Atendelo 16:1-49.
(a) Nye Kora lomanu vaye va linga? Kuenda momo lie eci ca kalela ndoku sinila Yehova? (Atend. 16:9, 10, 18; Ovis. 10:1, 2; Olosap. 11:2)
(b) Ocisimĩlo cipi cĩvi Kora kuenda 250 “kalume va kemãla” va kuata? (Atend. 16:1-3; Olosap. 15:33; Isa. 49:7)
2. Tanga Atendelo 17:1-11 kuenda 26:10.
(a) Olonelẽho kombueti ya Arone via kala ocindekaise ce? Kuenda momo lie Yehova a tumilile okuti oyo yi kapiwa kilu liocikasia? (Atend. 17:5, 8, 10)
(b) Nye tu lilongisa kondimbukiso yombueti ya Arone? (Atend. 17:10; Ovil. 20:28; Va Fil. 2:14; Va Hev. 13:17)
Mose wa Veta Vewe
1. Yehova wa tata ndati va Isareli osimbu va kala vekalasoko?
2. Nye va Isareli va lisiõsuĩla eci va kala ko Kadesi?
3. Yehova wa eca ndati ovava komanu kuenda kovinyama viavo?
4. Helie ulume u vociluvialuvia okasi oku li ilika eye muẽle? Kuenda nye a kasi loku ci lingila?
5. Momo lie Yehova a temelele Mose kuenda Arone? Kuenda ovo veya oku kangisiwa ndati?
6. Nye ca pita Komunda Horo? Kuenda helie weya oku kala ocitunda cinene?
Apulilo akuavo:
1. Tanga Atendelo 20:1-13, 22-29 kuenda Esinumuĩlo 29:5.
(a) Ndomo Yehova a tata va Isareli vekalasoko tu lilongisako nye? (Esin. 29:5; Mat. 6:31; Va Hev. 13:5; Tia. 1:17)
(b) Yehova wa tenda ndati oku lueya kua Mose la Arone eci ka vo sivayele kovaso a va Isareli? (Atend. 20:12; 1 Va Kor. 10:12; Esit. 4:11)
(c) Ndomo Mose a tava epindiso ku Yehova tu lilongisako nye? (Atend. 12:3; 20:12, 27, 28; Esin. 32:4; Va Hev. 12:7-11)
Onyoha Yosipi
1. Nye ca limuña ndeti kuti vociluvialuvia? Kuenda momo lie Yehova a tumila Mose oku yi tulika kuti?
2. Momo lie omanu ka va lekisilile olopandu kovina viosi Suku a va lingila?
3. Eci Yehova a tuma olonyoha via tema oco a yambule omanu nye ovo va pinga ku Mose?
4. Momo lie Yehova a tumila Mose oku tunga onyoha yosipi?
5. Nye tu lilongisila kulandu owu?
Apulilo akuavo:
1. Tanga Atendelo 21:4-9.
(a) Elungulo lie tu upa ku va Isareli eci va lisiõsuĩla okulia ku Yehova? (Atend. 21:5, 6; Va Rom. 2:4)
(b) Vanyamo eya oku kuamamo nye va Isareli va enda oku linga lonyoha yosipi? Kuenda nye Soma Hesekiya a enda oku linga? (Atend. 21:9; 2 Olos. 18:1-4)
2. Tanga Yoano 3:14, 15.
Onyoha yosipi ya kala ndati ocindekaise coku tulikiwa kua Yesu Kristu kuti? (Va Gal. 3:13; 1 Pet. 2:24)
Ocimbulu ca Vangula
1. Helie wa kala Balaka? Kuenda momo lie Baliame o vilikiyila?
2. Momo lie ocimbulu ca Baliame ca wutamẽla posi vonjila?
3. Ocimbulu ca vangula nye la Baliame?
4. Ungelo wa sapuila nye Baliame?
5. Nye ca pita eci Baliame a seteka oku siñala va Isareli?
Apulilo akuavo:
1. Tanga Atendelo 21:21-35.
Momo lie va Isareli va yulila Sihoni Soma ya va Amori kuenda Oge Soma ya Basiane? (Atend. 21:21, 23, 33, 34)
2. Tanga Atendelo 22:1-40.
Momo lie Baliame a yonguilile oku siñala va Isareli? Kuenda nye tu lilongisilako? (Atend. 22:16, 17; Olosap. 6:16, 18; 2 Pet. 2:15; Yuda 11)
3. Tanga Atendelo 23:1-30.
Ndaño okuti Baliame wa kala loku vangula ndomunu ofendela Yehova ovituwa viaye via lekisa ndati okuti hacoko eye a kala? (Atend. 23:3, 11-14; 1 Sam. 15:22)
4. Tanga Atendelo 24:1-25.
Ulandu owu Wembimbiliya u pamisa ndati ekolelo lietu koku tẽlisiwa kuocipango ca Yehova? (Atend. 24:10; Isa. 54:17)
Yehosua wa Linga Usongui wa va Isareli
1. Vociluvialuvia eci Alume ava vavali va talama ndeti kumue la Mose velie?
2. Nye Yehova a sapuilile Yehosua?
3. Momo lie Mose a londelele Komunda Nevo? Kuenda nye Yehova o sapuila?
4. Eci Mose a fa wa kuatele anyamo añami?
5. Momo lie omanu va sumuilile? Pole esunga lipi va kuata lioku sanjuka?
Apulilo akuavo:
1. Tanga Atendelo 27:12-23.
Ocikele cipi Yehosua a tambuile ku Yehova? Kuenda ndamupi Yehova a siata oku tata omanu Vaye koloneke vilo? (Atend. 27:15-19; Ovil. 20:28; Va Hev. 13:7)
2. Tanga Esinumuĩlo 3:23-29.
Momo lie Yehova ka ecelelele okuti Mose la Arone va iñila vofeka yohuminyo? Kuenda nye tu lilongisilako? (Esin. 3:25-27; Atend. 20:12, 13)
3. Tanga Esinumuĩlo 31:1-8, 14-23.
Olondaka via Mose via lekisa ndati okuti eye wa tavele epindiso lia tunda ku Yehova? (Esin. 31:6-8, 23)
4. Tanga Esinumuĩlo 32:45-52.
Embimbiliya li pongolola ndati omuenyo wetu? (Esin. 32:47; Ovis. 18:5; Va Hev. 4:12)
5. Tanga Esinumuĩlo 34:1-12.
Ndaño okuti Mose ka la mola Yehova elivulu Liesinumuĩlo 34:10 li lekisa ndati ukamba eye a kuata Laye? (Etu. 33:11, 20; Atend. 12:8)
Rahava wa Seleka Olondavululi
1. Rahava wa kala vimbo lipi?
2. Alume ava vavali vociluvialuvia velie? Kuenda momo lie ovo va kasilili vo Yeriko?
3. Soma yoko Yeriko wa tumile Rahava oku linga nye? Kuenda Rahava wo tambuluile ndati?
4. Rahava wa kuatisile ndati alume vavali? Kuenda nye a pinga kalume vaco?
5. Ohuminyo ye olondavululi vivali via lingile ku Rahava?
Apulilo akuavo:
1. Tanga Yehosua 2:1-24.
Ohuminyo ya sonehiwa kelivulu Lietundilo 23:28 ya tẽlisiwa ndati eci va Isareli va liyaka la va Yeriko? (Yeh. 2:9-11)
2. Tanga Va Heveru 11:31.
Ongangu ya Rahava yi lekisa ndati esilivilo lioku kuata ekolelo? (Va Rom. 1:17; Va Hev. 10:39; Tia. 2:25)
Ceci va Isareli va Yoka Olui Yordão
1. Ocikomo cipi Yehova a lingile oco va Isareli va yoke Olui Yordão?
2. Elinga lipi lia sukilile ekolelo eci va Isareli va yoka Olui Yordão?
3. Momo lie Yehova a tumilile Yehosua oku nõla ekũi lavavali kovawe vokati kolui?
4. Nye ca pita eci ovitunda via pitĩla ocipepi lolui Yordão?
Apulilo akuavo:
1. Tanga Yehosua 3:1-17.
(a) Ndomo ca lekisiwa vulandu owu nye tu sukila oku linga oco tu tambule ekuatiso lasumũlũho a Yehova? (Yeh. 3:13, 15; Olosap. 3:5; Tia. 2:22, 26)
(b) Eci va Isareli va yoka Olui Yordão poku enda Kofeka Yohuminyo olui lua kala ndati? Kuenda eci ca eca ndati esivayo konduko ya Yehova? (Yeh. 3:15; 4:18; Osa. 66:5-7)
2. Tanga Yehosua 4:1-18.
Ekũi la vavali kovawe va nõliwile vo Yordão okuti vongekiwa vo Giligali va kala ondimbukiso ye? (Yeh. 4:4-7)
Ovimbaka Vio Yeriko
1. Nye Yehova a tumile asualali lovitunda oku linga vokuenda kuoloneke epandu?
2. Nye alume va sukilile oku linga keteke liepanduvali?
3. Ndomo o cilete vociluvialuvia nye ca pita lovimbaka vio Yeriko?
4. Momo lie ukolo ukusuka wa kutiwila ponjanela?
5. Yehosua wa sapuilile asualali oku linga nye limbo kuenda lomanu va tungilemo? Pole nye a va sapuililevo catiamẽla kopalata, kulu, kosipi kuenda kutale?
6. Nye olondavululi vivali via popele oco ci lingiwe?
Apulilo akuavo:
1. Tanga Yehosua 6:1-25.
(a) Va Isareli oku ñuala imbo lio Yeriko oloneke epanduvali ca lisetahãla ndati lupange woku kunda Wolombangi via Yehova koloneke vilo via sulako? (Yeh. 6:15, 16; Isa. 60:22; Mat. 24:14; 1 Va Kor. 9:16)
(b) Ocitumasuku ci sangiwa kelivulu lia Yehosua 6:26 ceya oku tẽlisiwa ndati eci kua pita ci soka 500 kanyamo? Kuenda eci ci tu longisa nye catiamẽla kolohuminyo via Yehova? (1 Olos. 16:34; Isa. 55:11)
Ocimunu Cimue Pokati ka va Isareli
1. Ulume u o moleha ndeti vociluvialuvia o kasi oku lembika ovipako viopiwa ko Yeriko helie? Kuenda velie va kasi ndeti oku u kuatisa?
2. Momo lie elinga lia Akani lepata liaye ka lia sungulukilile?
3. Yehova wa tambulula ndati eci Yehosua o pulisa esunga lieci va Isareli va yuliwile lovanyali vavo ko Hai?
4. Eci Akani lepata liaye va neniwa ku Yehosua nye ceya oku pita lavo?
5. Nye tu lilongisila keyambulo lia pita la Akani?
Apulilo akuavo:
1. Tanga Yehosua 7:1-26.
(a) Ohutililo ya Yehosua yi lekisa nye catiamẽla kukamba a kuata Lululiki waye? (Yeh. 7:7-9; Osa. 119:145; 1 Yoa. 5:14)
(b) Ulandu wa Akani u lekisa nye? Kuenda eci ci tu ĩha elungulo lie? (Yeh. 7:11, 14, 15; Olosap. 15:3; 1 Tim. 5:24; Va Hev. 4:13)
2. Tanga Yehosua 8:1-29.
Ocikele cipi omunu lomunu pokati ketu a kuete vekongelo Liakristão koloneke vilo? (Yeh. 7:13; Ovis. 5:1; Olosap. 28:13)
Enyango Lia va Giveone
1. Va Giveone va litepele ndati lomanu voko vaimbo akuavo a kala ocipepi lo Kanana?
2. Ndomo ca lekisiwa vociluvialuvia nye va Giveone va linga? Kuenda momo lie va ci lingila?
3. Ohuminyo yipi Yehosua lasongui va Isareli va linga la va Giveone? Pole nye ovo veya oku limbuka eci papita oloneke vitatu?
4. Nye ca pita eci olosoma vio vaimbo akuavo via yeva okuti va Giveone va linga ocisila combembua la va Isareli?
Apulilo akuavo:
1. Tanga Yehosua 9:1-27.
(a) Ndaño okuti Yehova wa handelekele va Isareli oku ‘kundula olonungi viosi viofeka,’ ovituwa vipi viwa a limbukile ku va Giveone? (Yeh. 9:22, 24; Mat. 9:13; Ovil. 10:34, 35; 2 Pet. 3:9)
(b) Omo lioku kakatela kocisila Yehosua a lingile la va Giveone ndamupi eye a eca ongangu yiwa Kakristão vo koloneke vilo? (Yeh. 9:18, 19; Mat. 5:37; Va Efe. 4:25)
2. Tanga Yehosua 10:1-5.
Owiñi wakahandangala wa siata ndati oku setukula va Giveone? Kuenda eci ca siata oku va kokela nye? (Yeh. 10:4; Sak. 8:23; Mat. 25:35-40; Esit. 12:17)
Ekumbi Lia Talama Vongunji
1. Ndomo o cilete vociluvialuvia nye Yehosua a kasi loku popia? Kuenda momo lie?
2. Yehova wa kuatisa ndati Yehosua kumue lasualali vaye?
3. Yehosua wa yula olosoma viñami? Kuenda cambata oloneke viñami?
4. Yehosua wa tepisa ndati ofeka yo Kanana?
5. Yehosua wa fa lanyamo añami? Noke nye ceya oku pita lomanu?
Apulilo akuavo:
1. Tanga Yehosua 10:6-15.
Oku kũlĩha okuti Yehova wa talamisa ekumbi losãi kovaso ya va Isareli, ci tu ĩha ekolelo lie koloneke vilo? (Yeh. 10:8, 10, 12, 13; Osa. 18:3; Olosap. 18:10)
2. Tanga Yehosua 12:7-24.
Helie wa eca ongusu yoku yula olosoma akũi atatu lamosi vioko Kanana? Kuenda momo lie eci ci kuetele esilivilo kokuetu etaili? (Yeh. 12:7; 24:11-13; Esin. 31:8; Luka 21:9, 25-28)
3. Tanga Yehosua 14:1-5.
Ofeka ya tepisiwilile ndati kapata a va Isareli? Kuenda eci ci lekisa nye catiamẽla koku piñala Oluali luokaliye? (Yeh. 14:2; Isa. 65:21; Esek. 47:21-23; 1 Va Kor. 14:33)
4. Tanga Olonganji 2:8-13.
Ndomo Yehosua a lingaile ko Isareli, helie koloneke vilo wa siata oku kembulula ovohembi a vakuetavo liesanda? (Olong. 2:8, 10, 11; Mat. 24:45-47; 2 Va Tes. 2:3-6; Tito 1:7-9; Esit. 1:1; 2:1, 2)
Akãi Vavali Vakuotõi
1. Velie va kala olonganji? Kuenda helie wa kala onganji yatete?
2. Ocikele cipi ca velapo Devora a kuatele? Kuenda nye ca kongelele vocikele caco?
3. Eci Yehova a ecele va Isareli peka lia Soma Yavini la kesongo kaye Sisera uvangi we Yehova a tumile ku Devora oku sapuila Baraka? Kuenda helie a tukula okuti eye oka ci tẽlisa?
4. Nye Yaele a linga ci lekisa okuti eye wa kala ukãi umue ukuotõi?
5. Nye ca pita eci Soma Yavini a fa?
Apulilo akuavo:
1. Tanga Olonganji 2:14-22.
Nye va Isareli va lingile okuti ceya oku temisa Yehova? Kuenda tu lilongisalako nye? (Olong. 2:20; Olosap. 3:1, 2; Esek. 18:21-23)
2. Tanga Olonganji 4:1-24.
Devora la Yaele va lekisa ekolelo lutõi. Ongangu ye va sila akãi Akristão vokoloneke vilo? (Olong. 4:4, 8, 9, 14, 21, 22; Olosap. 31:30; 1 Va Kor. 16:13)
3. Tanga Olonganji 5:1-31.
Ocisungo ca Baraka la Devora ci sokisiwa ndati lohutililo yoku lavoka uyaki wo Harmagedo wa laika oku iya? (Olong. 5:3, 31; 1 Asa. 16:8-10; Esit. 7:9, 10; 16:16; 19:19-21)
Ruti Kuenda Naomi
1. Momo lie Naomi a endelele kofeka ya Moavi?
2. Helie wa kala Ruti kuenda Arape?
3. Eci Naomi a popia la Ruti kuenda Arape oco va tiukile kuvangadiavo ovo va kumbulula ndati?
4. Helie wa kala Boasi? Kuenda eye wa kuatisile ndati Ruti la Naomi?
5. Omõla Boasi a cita la Ruti onduko yaye helie? Kuenda momo lie tu sukilila oku wivaluka?
Apulilo akuavo:
1. Tanga Ruti 1:1-17.
(a) Olondaka vipi viocisola cocili Ruti a popia? (Ruti 1:16, 17)
(b) Ocituwa ca Ruti coku lieca olumue ca lisoka ndati leci “colomeme vikuavo” coku kuatisa olombuavekua vi kasi palo posi koloneke vilo? (Yoa. 10:16; Sak. 8:23)
2. Tanga Ruti 2:1-23.
Ongangu yipi yiwa Ruti a sila amalẽhe afeko koloneke vilo? (Ruti 2:17, 18; Olosap. 23:22; 31:15)
3. Tanga Ruti 3:5-13.
(a) Boasi wa tendele ndati onjongole ya Ruti yoku tava oku u kuela ndaño okuti eye ka kalele vali umalẽhe?
(b) Ocituwa ca Ruti ci tu longisa nye catiamẽla koku lekisa ocisola cocili? (Ruti 3:10; 1 Va Kor. 13:4, 5)
4. Tanga Ruti 4:7-17.
Alume Akristão koloneke vilo va setukula ndati Boasi? (Ruti 4:9, 10; 1 Tim. 3:1, 12, 13; 5:8)
Gideone Lovita Vitatu Kalume
1. Momo lie va Isareli veya oku kuatela ovitangi?
2. Momo lie Yehova a sapuilila Gideone okuti wa kuatele asualali valua?
3. Eci Gideone a sapuila alume va kuata usumba oco va tiukile konjo, kueya oku supa alume vañami?
4. Ndeci ca lekisiwa vociluvialuvia, lombolola ndomo Yehova a tepulula asualali va Gideone toke eci pa supa ovita vitatu kalume.
5. Gideone wa sokiyile ndati asualali vaye ovita vitatu kalume? Kuenda va Isareli va yula ndati uyaki?
Apulilo akuavo:
1. Tanga Olonganji 6:36-40.
(a) Gideone wa yonguile ndati oku kũlĩha ocipango ca Yehova?
(b) Koloneke vilo tu kũlĩha ndati ocipango ca Yehova? (Olosap. 2:3-6; Mat. 7:7-11; 2 Tim. 3:16, 17)
2. Tanga Olonganji 7:1-25.
(a) Nye tu lilongisila kovita vitatu kalume va kala oku lavulula kuenda ku vana ka va kaile loku lavulula? (Olong. 7:3, 6; Va Rom. 13:11, 12; Va Efe. 5:15-17)
(b) Ndeci ovita vitatu kalume va lilongisila koku vanja ku Gideone, nye tu lilongisila koku vanja ku Gideone Wavelapo Yesu Kristu? (Olong. 7:17; Mat. 11:29, 30; 28:19, 20; 1 Pet. 2:21)
(c) Elivulu Liolonganji 7:21 li tu kuatisa ndati oku sanjukila oku ka talavaya kuosi va tu ilikila vocisoko ca Yehova? (1 Va Kor. 4:2; 12:14-18; Tia. 4:10)
3. Tanga Olonganji 8:1-3.
Eci tu kuata ovitangi lamanji umue ulume ale ukãi, nye tu lilongisila ku Gideone ndomo a potolola ocitangi la va Efarimi? (Olosap. 15:1; Mat. 5:23, 24; Luka 9:48)
Ohuminyo ya Yefita
1. Helie wa kala Yefita? Kuenda kotembo yipi eye a kala komuenyo?
2. Ohuminyo yipi Yefita a lingile ku Yehova?
3. Momo lie Yefita a sumuilile eci a tiuka koku yula va Amoni?
4. Nye omõla ukãi a Yefita a popele eci a yeva ohuminyo ya isiaye?
5. Momo lie omanu va solelele calua omõla a Yefita?
Apulilo akuavo:
1. Tanga Olonganji 10:6-18.
Elungulo lipi tu sukila oku upa kulandu wa va Isareli woku lueyela Yehova? (Olong. 10:6, 15, 16; Va Rom. 15:4; Esit. 2:10)
2. Tanga Olonganji 11:1-11, 29-40.
(a) Tua ci kũlĩha ndati okuti Yefita poku eca omõlaye ukãi “ndocilumba coku pia elisi” ka ca lombolokele okuti wo yokele muẽle vondalu ndocilumba? (Olong. 11:31; Ovis. 16:24; Esin. 18:10, 12)
(b) Momo lie Yefita a ecela omõlaye ndocilumba?
(c) Nye tu lilongisila kocituwa ca Yefita catiamẽla koku tẽlisa ohuminyo yaye ku Yehova? (Olong. 11:35, 39; Uku. 5:4, 5; Mat. 16:24)
(d) Ongangu yipi yiwa omõla ukãi a Yefita a sila amalẽhe Akristão koloneke vilo yatiamẽla koku litumbika kupange wotembo yosi? (Olong. 11:36; Mat. 6:33; Va Fil. 3:8)
Ulume Umue wa Pama
1. Onduko yulume u wa pama ndeti helie? Kuenda helie wo wĩha ongusu yaco?
2. Ndomo o cilete vociluvialuvia, nye Samisone onjanja yimue a lingile kohosi yinene?
3. Ndomo o cilete vociluvialuvia, elumbu lipi Samisone a sapuilile Delila? Kuenda eci ca kuatisa ndati va Filisiti oku u kuata?
4. Samisone eteke a fa wa ponda ndati 3.000 kovanyali va Filisiti?
Apulilo akuavo:
1. Tanga Olonganji 13:1-14.
Manoa lukãi waye va sila ongangu yipi yiwa kolonjali kueci catiamẽla koku pindisa omãla? (Olong. 13:8; Osa. 127:3; Va Efe. 6:4)
2. Tanga Olonganji 14:5-9 kuenda 15:9-16.
(a) Samisone poku ponda ohosi, oku tepa ovikolo vo kutile lavio kuenda oku ponda ohulukãi yomanu lolumbanjo luocimbulu, ci lekisa nye catiamẽla kespiritu sandu lia Yehova?
(b) Espiritu sandu li tu kuatisa ndati koloneke vilo? (Olong. 14:6; 15:14; Sak. 4:6; Ovil. 4:31)
3. Tanga Olonganji 16:18-31.
Oku lika kua Samisone lakamba vãvi kuo kokela nye? Kuenda nye tu lilongisilako? (Olong. 16:18, 19; 1 Va Kor. 15:33)
Kakuenje Umue wa Vumba Suku
1. Kakuenje o moleha ndeti vociluvialuvia onduko yaye helie? Kuenda ava a kasi lavo ndeti velie?
2. Eteke limue eci Hana a endele votavernakulu ya Yehova nye eye a pinga vohutililo yaye? Kuenda Yehova wo tambulula ndati?
3. Eci Samuele vo tuala oku ka vumba votavernakulu ya Yehova wa kuata anyamo añami? Kuenda nye inaye a enda oku u lingila ulima lulima?
4. Velie va kala omãla va Eli? Kuenda ovo va tuwile ndati?
5. Yehova wa vilikiya Samuele olonjanja viñami? Kuenda wo sapuila nye?
6. Eci Samuele a kula weya oku kala nye? Kuenda nye ca pita laye eci eya oku kuka?
Apulilo akuavo:
1. Tanga 1 Samuele 1:1-28.
(a) Ongangu yipi yiwa Elikana a tu sila yatiamẽla koku songuila epata kefendelo liocili? (1 Sam. 1:3, 21; Mat. 6:33; Va Fil. 1:10)
(b) Nye tu lilongisila kongangu ya Hana yoku liyaka lovitangi via tĩla? (1 Sam. 1:10, 11; Osa. 55:22; Va Rom. 12:12)
2. Tanga 1 Samuele 2:11-36.
Eli wa lekisile ndati esumbilo lialua komãla vaye okuti ku Yehova ci sule? Kuenda eci ci tu ĩha elungulo lie? (1 Sam. 2:22-24, 27, 29; Esin. 21:18-21; Mat. 10:36, 37)
3. Tanga 1 Samuele 4:16-18.
Esapulo lipi lia tundilila oku kua kala oku yakela omãla va Eli? Esapulo liaco lio kokela nye?
4. Tanga 1 Samuele 8:4-9.
Va Isareli va enda oku wengula ndati onyeño ya Yehova? Kuenda tu teyuila ndati Usoma wa Suku? (1 Sam. 8:5, 7; Yoa. 17:16; Tia. 4:4)
Osoma Yatete ya va Isareli
1. Ndomo o cilete vociluvialuvia, nye Samuele a kasi oku linga? Kuenda momo lie?
2. Momo lie Yehova a solelele Saulu? Kuenda Saulu wa tuwile ndati?
3. Onduko yomõla a Saulu helie? Kuenda nye eye a lingile?
4. Momo lie Saulu a ecela ocilumba okuti ka kevelile vali Samuele oku ci linga?
5. Nye tu lilongisila kulandu wa Saulu?
Apulilo akuavo:
1. Tanga 1 Samuele 9:15-21 kuenda 10:17-27.
Ocituwa cesunguluko ca kuatisa ndati Saulu oku yuvula epela eci alume vamue va kala loku pembula? (1 Sam. 9:21; 10:21, 22, 27; Olosap. 17:27)
2. Tanga 1 Samuele 13:5-14.
Ekandu lipi Saulu a lingile ko Giligali? (1 Sam. 10:8; 13:8, 9, 13)
3. Tanga 1 Samuele 15:1-35.
(a) Ekandu lipi linene Saulu a lingile liatiamẽla ku Agage soma yo Amaleke? (1 Sam. 15:2, 3, 8, 9, 22)
(b) Saulu wa setekele ndati oku liupa ekandu liaye? (1 Sam. 15:24)
(c) Nye tu sukila oku yuvula koloneke vilo eci tu lunguiwa? (1 Sam. 15:19-21; Osa. 141:5; Olosap. 9:8, 9; 11:2)
Suku wa Nõla Daviti
1. Umalẽhe u o moleha ndeti vociluvialuvia onduko yaye helie? Kuenda tua kũlĩha ndati okuti eye wa kala ukuotõi?
2. Daviti wa kala kimbo lipi? Kuenda yipi ya kala onduko ya isiaye la sekulu yaye?
3. Momo lie Yehova a sapuilila Samuele oco a ende konjo ya Jese ko Beteleme?
4. Nye ca pita eci Jese a nena epanduvali komãla vaye ku Samuele?
5. Eci va vilikiya Daviti nye Yehova a sapuila Samuele?
Apulilo akuavo:
1. Tanga 1 Samuele 17:34, 35.
Ovolandu a Daviti a lekisa ndati okuti eye wa kuata utõi kuenda wa kolelele Yehova? (1 Sam. 17:37)
2. Tanga 1 Samuele 16:1-14.
(a) Olondaka vi sangiwa kelivulu lia 1 Samuele 16:7, vi tu kuatisa ndati oku yuvula oku kuata ocame loku yuvula oku vanja keposo lioketimba? (Ovil. 10:34, 35; 1 Tim. 2:4)
(b) Ulandu wa Saulu u lekisa ndati okuti eci espiritu sandu lia Yehova li tunda komunu eye o linga lika ovina ka via sungulukile? (1 Sam. 16:14; Mat. 12:43-45; Va Gal. 5:16)
Daviti Kuenda Goliata
1. Goliata wa enda loku fuanguila ndati olohoka via va Isareli?
2. Utunga upi Goliata a kuata? Kuenda nye Saulu a likuminyile komunu wosi nda wa ponda Goliata?
3. Nye Daviti a kumbulula eci Saulu a popia laye okuti ka pondola oku liyaka la Goliata omo okuti wa kala umalẽhe?
4. Etambululo lia Daviti ku Goliata lia lekisa ndati okuti eye wa kolelele Yehova?
5. Ndomo o cilete vociluvialuvia, nye Daviti a pondele laco Goliata? Kuenda noke nye ca pita la va Filisiti?
Apulilo akuavo:
1. Tanga 1 Samuele 17:1-54.
(a) Daviti wa lekisile ndati utõi? Kuenda tu kuama ndati ongangu yaye? (1 Sam. 17:37, 45; Va Efe. 6:10, 11)
(b) Momo lie Akristão va sukilila oku yuvula ocituwa coku lipanda nda Goliata, eci va kala kolomapalo? (1 Sam. 17:8; Va Gal. 5:26; 1 Tim. 4:8)
(c) Olondaka via Daviti via lekisa ndati okuti eye wa kolelele kekuatiso lia Suku? (1 Sam. 17:45-47; 2 Asa. 20:15)
(d) Ndaño okuti ulandu waco u tukula uyaki wolohoka vivali, tua kũlĩha ndati okuti uyaki waco wa kala wolosuku viesanda la Suku yocili Yehova? (1 Sam. 17:43, 46, 47)
(e) Olombuavekua via siata oku setukula ndati ongangu ya Daviti yoku kolela Yehova? (1 Sam. 17:37; Yere. 1:17-19; Esit. 12:17)
Esunga Lieci Daviti a Tilila
1. Momo lie Saulu a kuatela ukuse la Daviti? Pole Yonatão wa litepele ndati la isiaye Saulu?
2. Nye ceya oku pita eteke limue eci Daviti a kala loku sikila Saulu ohalupa?
3. Nye Saulu a tumile Daviti oku linga eci handi ka kuelele omõlaye Mika? Kuenda momo lie Saulu a ci tumilile?
4. Ndomo ca lekisiwa vociluvialuvia, nye ca pita eci Daviti a kala loku sikila Saulu ohalupa konjanja yatatu?
5. Mika wa kuatisa ndati Daviti oco a puluke koku fa? Kuenda nye Daviti a linga vokuenda kuanyamo epanduvali?
Apulilo akuavo:
1. Tanga 1 Samuele 18:1-30.
(a) Ndamupi ocisola ca Yonatão la Daviti ocindekaise cocisola ci kasi pokati “kolomeme vikuavo” kuenda “okacunda katito”? (1 Sam. 18:1; Yoa. 10:16; Luka 12:32; Sak. 8:23)
(b) Ndaño okuti Yonatão nda eye weya oku piñala Saulu kusoma, elivulu lia 1 Samuele 18:4 li lekisa ndati okuti lopo eye wa pokuile ku yuna Yehova a nõlele oco a kale osoma?
(c) Ulandu wa Saulu u lekisa ndati okuti ukuse u tuala omunu koku linga ekandu linene? Kuenda eci ci tu ĩha elungulo lie? (1 Sam. 18:7-9, 25; Tia. 3:14-16)
2. Tanga 1 Samuele 19:1-17.
Yonatão wa kapele ndati omuenyo waye kohele eci a vangula olondaka vi sangiwa kelivulu lia 1 Samuele 19:4, 5? (1 Sam. 19:1, 6)
Avigaile Kuenda Daviti
1. Ukãi u vociluvialuvia o kasi oku ñualehela ndeti la Daviti helie? Kuenda eye wa tuwile ndati?
2. Helie wa kala Nabala?
3. Momo lie Daviti a tumĩlile alume vamue ku Nabala?
4. Nye Nabala a sapuilile alume va Daviti? Kuenda Daviti wo tambulula ndati?
5. Avigaile wa lekisa ndati okuti eye wa kala ukãi umue ukualondunge?
Apulilo akuavo:
1. Tanga 1 Samuele 22:1-4.
Epata lia Daviti lia lekisa ndati ongangu yiwa tu sukila oku kuama yoku kuatisa vamanjetu Akristão? (Olosap. 17:17; 1 Va Tes. 5:14)
2. Tanga 1 Samuele 25:1-43.
(a) Momo lie Nabala vo sokisila okuti omunu umue wa tatamẽle? (1 Sam. 25:2-5, 10, 14, 21, 25)
(b) Nye akãi Akristão va lilongisila kongangu ya Avigaile? (1 Sam. 25:32, 33; Olosap. 31:26; Va Efe. 5:24)
(c) Avigaile wa teyuila Daviti koku linga ovina vipi vivali vĩvi? (1 Sam. 25:31, 33; Va Rom. 12:19; Va Efe. 4:26)
(d) Olondaka via Daviti ku Avigaile vi kuatisa ndati alume koloneke vilo oku kapako akãi ndeci Yehova a va kapako? (Ovil. 21:8, 9; Va Rom. 2:11; 1 Pet. 3:7)
Daviti wa Linga Osoma
1. Nye Daviti la Avisiai va linga osimbu Saulu a kala loku pekela vocilombo?
2. Nye Daviti a pulisa ku Saulu?
3. Eci Daviti a tunda vocilombo ca Saulu pi eye a enda?
4. Nye ca sumuisile Daviti okuti co vetiya oku soneha ocisungo cimue ca fina?
5. Eci Daviti a linga osoma yo Hevirone wa kuata anyamo añami? Kuenda vipi via kala olonduko viomãla vamue va Daviti?
6. Pi vali Daviti eya oku viala ndosoma?
Apulilo akuavo:
1. Tanga 1 Samuele 26:1-25.
(a) Olondaka via Daviti vi sangiwa kelivulu lia 1 Samuele 26:11 vi lekisa ocituwa cipi catiamẽla koku pokola kolonumbi via Suku? (Osa. 37:7; Va Rom. 13:2)
(b) Eci tu likolisilako oku lekisa ocisola komanu ka va kuete olopandu, olondaka via Daviti vi sangiwa kelivulu lia 1 Samuele 26:23 vi tu kuatisa ndati oku kuata ovisimĩlo via sunguluka? (1 Olo. 8:32; Osa. 18:20)
2. Tanga 2 Samuele 1:26.
Akristão koloneke vilo va pondola ndati oku “lisola pokati” nda Daviti la Yonatão? (1 Pet. 4:8; Va Kol. 3:14; 1 Yoa. 4:12)
3. Tanga 2 Samuele 5:1-10.
(a) Daviti wa viala vokuenda kuanyamo añami? Kuenda otembo yaco ya tepiwile ndati? (2 Sam. 5:4, 5)
(b) Unene upi Daviti a kuata? Kuenda eci ci tu ivaluisa nye koloneke vilo? (2 Sam. 5:10; 1 Sam. 16:13; 1 Va Kor. 1:31; Va Fil. 4:13)
Vonjo ya Daviti Mueya Ovitangi
1. Lekuatiso lia Yehova nye ceya oku pita noke lofeka yo Kanana?
2. Nye ca pitile koñolosi yimue eci Daviti a kala kilu lionjo yaye?
3. Momo lie Yehova a temẽlele calua la Daviti?
4. Ndomo o cilete vociluvialuvia, helie Yehova a tumile oku vangula la Daviti catiamẽla kakandu aye? Kuenda nye ulume waco a sapuilile Daviti okuti oco ca pita laye?
5. Daviti weya oku kuata ovitangi vipi?
6. Noke ya Daviti helie weya oku linga osoma ya va Isareli?
Apulilo akuavo:
1. Tanga 2 Samuele 11:1-27.
(a) Oku litumbika kupange wa Yehova ci tu teyuila ndati?
(b) Nye ca vetiya Daviti oku linga ekandu? Kuenda eci ceca elungulo lie komanu va Yehova koloneke vilo? (2 Sam. 11:2; Mat. 5:27-29; 1 Va Kor. 10:12; Tia. 1:14, 15)
2. Tanga 2 Samuele 12:1-18.
(a) Nye akulu vekongelo lolonjali va lilongisila kongangu ya Natana ndomo a eca elungulo ku Daviti? (2 Sam. 12:1-4; Olosap. 12:18; Mat. 13:34)
(b) Yehova wa lekisa ndati ohenda ku Daviti? (2 Sam. 12:13; Osa. 32:5; 2 Va Kor. 7:9, 10)
Soma Salomone wa Kala Ukualondunge
1. Nye Yehova a pulile ku Salomone? Kuenda Salomone wa tambuluile ndati?
2. Omo okuti Yehova wa sanjukilile epingilo lia Salomone nye Eye o likuminya oku ĩha?
3. Ocitangi cipi akãi vavali va nenele ku Salomone?
4. Ndomo o cilete vociluvialuvia Salomone wa potolola ndati ocitangi caco?
5. Uviali wa Salomone wa kala ndati? Kuenda momo lie?
Apulilo akuavo:
1. Tanga 2 Samuele 3:3-28.
(a) Alume va kuete ovikele vocisoko ca Yehova nye va lilongisila kolondaka via Salomone viocikembe via sonehiwa kelivulu lia 1 Olosoma 3:7? (Osa. 119:105; Olosap. 3:5, 6)
(b) Ongangu yipi yiwa Salomone a tu ĩha yovina tu sukila oku pinga vohutililo? (1 Olos. 3:9, 11; Olosap. 30:8, 9; 1 Yoa. 5:14)
(c) Ndomo Salomone a potolola ocitangi pokati kakãi vavali ci tu ĩha ekolelo lie kueci catiamẽla kuviali wa Salomone Wavelapo Yesu Kristu? (1 Olos. 3:28; Isa. 9:6, 7; 11:2-4)
2. Tanga 1 Olosoma 4:29-34.
(a) Yehova wa tambulula ndati Salomone eci o pinga olondunge? (1 Olos. 4:29)
(b) Ndomo omanu va likolisilako oku yevelela olondunge via Salomone ocituwa cipi tu sukila oku kuata catiamẽla koku lilongisa Embimbiliya? (1 Olo. 4:29, 34; Yoa. 17:3; 2 Tim. 3:16)
Salomone wa Tunga Onembele
1. Salomone wa pita anyamo añami oku tunga onembele ya Yehova? Kuenda momo lie ca pesilile olombongo vialua?
2. Onembele ya kala lolohondo viñami? Kuenda nye va enda oku kapa vokati kohondo ya sulako?
3. Nye Salomone a popia vohutililo yaye eci onembele ya pua oku tungiwa?
4. Nye Yehova a linga ca lekisa okuti wa sanjukilile ohutililo ya Salomone?
5. Nye akãi va Salomone vo vetiyile oku linga? Kuenda nye ceya oku pita la Salomone?
6. Momo lie Yehova a temẽlele la Salomone? Kuenda nye Yehova o sapuila?
Apulilo akuavo:
1. Tanga 1 Asapulo 28:9, 10.
Ndomo ca lekisiwa volondaka via Daviti via sonehiwa kelivulu lia 1 Asapulo 28:9, 10 nye tu sukila oku likolisilako oku linga komuenyo wetu weteke leteke? (Osa. 19:14; Va Fil. 4:8, 9)
2. Tanga 2 Asapulo 6:12-21, 32-42.
(a) Salomone wa lekisa ndati okuti Suku Tõlo ka kala vonjo ya tungiwa lomanu? (2 Asa. 6:18; Ovil. 17:24, 25)
(b) Olondaka via Salomone vi sangiwa kelivulu lia 2 Asapulo 6:32, 33 vi lekisa nye catiamẽla ku Yehova? (Ovil. 10:34, 35; Va Gal. 2:6)
3. Tanga 2 Asapulo 7:1-5.
Ndeci va Isareli va vetiyiwile oku sivaya Yehova lovisungo, ci tu vetiyavo oku linga nye koloneke vilo eci tu mola asumũlũho a Yehova komanu vaye? (2 Asa. 7:3; Osa. 22:22; 34:1; 96:2)
4. Tanga 1 Olosoma 11:9-13.
Ulandu womuenyo wa Salomone u lekisa ndati esilivilo lioku amamako lekolelo toke kesulilo? (1 Olos. 11:4, 9; Mat. 10:22; Esit. 2:10)
Uviali wa Tepiwa
1. Alume ava vavali va mõleha ndeti vociluvialuvia olonduko viavo velie? Kuenda ovo va kala nye?
2. Nye Ahiya a kasi oku linga luwalo waye? Kuenda eci ca lombolokele nye?
3. Salomone wa yonguile oku linga nye Yerevoama?
4. Momo lie omanu va nõlela Yerevoama oco a viale kapata ekũi?
5. Momo lie Yerevoama a tungila oviñumañuma vivali viulu? Kuenda nye noke ceya oku pita vofeka?
6. Nye ceya oku pita luviali wapata ekũi kuenda lonembele ya Yehova ko Yerusalãi?
Apulilo akuavo:
1. Tanga 1 Olosoma 11:26-43.
Yerevoama wa tuwile ndati? Kuenda Yehova wo likuminyile okuti nda wa pokola kolonumbi Viaye u wiha nye? (1 Olos. 11:28, 38)
2. Tanga 1 Olosoma 12:1-33.
(a) Ocituwa cipi cĩvi ca Rehovama olonjali lakulu vekongelo va sukila oku yuvula poku tẽlisa ovikele viavo? (1 Olos. 12:13; Uku. 7:7; 1 Pet. 5:2, 3)
(b) Amalẽhe va kuete oku kolela kulie poku nõla cimue vomuenyo wavo? (1 Olos. 12:6, 7; Olosap. 1:8, 9; 2 Tim. 3:16, 17; Va Hev. 13:7)
(c) Nye ca vetiya Yerevoama oku tunga oviñumañuma vivali vioku fendela? Kuenda eci ca lekisa ndati ekambo liekolelo ku Yehova? (1 Olos. 11:37; 12:26-28)
(d) Helie wa kokela apata ekũi oku siapo efendelo liocili? (1 Olos. 12:32, 33)
Isevele wa Kala Onasoma Yimue Yĩvi
1. Helie wa kala Isevele?
2. Momo lie Soma Ahava eteke limue a sumuilile?
3. Nye Isevele a lingile oco a tambule ocumbo ca Navote hã ka ceci kulume waye Ahava?
4. Helie Yehova a tumile oco a yambule Isevele?
5. Ndomo o cilete vociluvialuvia, nye ca pita eci Yehu a pitĩla kelombe lia Isevele?
Apulilo akuavo:
1. Tanga 1 Olosoma 16:29-33 kuenda 18:3, 4.
Ekalo lipi lĩvi lia kala ko Isareli kotembo ya Soma Ahava? (1 Olos. 14:9)
2. Tanga 1 Olosoma 21: 1-16.
(a) Navote wa lekisa ndati utõi lekolelo ku Yehova? (1 Olos. 21:1-3; Ovis. 25:23-28)
(b) Nye tu lilongisila kulandu wa Ahava eci tu liyaka lesumuo? (1 Olos. 21:4; Va Rom. 5:3-5)
3. Tanga 2 Olosoma 9: 30-37.
Nye tu lilongisila kombili ya Yehu yoku linga ocipango ca Yehova? (2 Olos. 9:4-10; 2 Va Kor. 9:1, 2; 2 Tim. 4:2)
Yehosafata wa Lekisa Ekolelo ku Yehova
1. Helie wa kala Yehosafata? Kuenda eye wa kala kotembo yipi?
2. Momo lie va Isareli va kuatela usumba? Kuenda nye valua pokati kavo va linga?
3. Yehova wa tambuluile ndati ohutililo ya Yehosafata?
4. Nye Yehova a linga eci handi ovo ka va endele kuyaki?
5. Nye tu lilongisila ku Yehosafata?
Apulilo akuavo:
1. Tanga 2 Asapulo 20:1-30.
(a) Ocituwa cipi Yehosafata a lekisile okuti oco afendeli va Suku va sukila oku setukula eci va liyaka lovitangi? (2 Asa. 20:12; Osa. 25:15; 62:1)
(b) Tunde kosimbu Yehova o kuete ono yoku pitiya ondaka yaye komanu. Koloneke vilo hẽ ono yipi eye a siata oku pitiyila ondaka yaye komanu? (2 Asa. 20:14, 15; Mat. 24:45-47; Yoa. 15:15)
(c) Eci Suku aka nena “ovita vieteke linene lia Suku Tõlo” ekalo lietu lika sokisiwa ndati leli lia Yehosafata? (2 Asa. 20:15, 17; 32:8; Esit. 16:14, 16)
(d) Akundi va velapo kuenda olomisionariu via siata ndati oku setukula epata lia va Lewi poku kundila ondaka Yusoma koluali luosi? (2 Asa. 20:19; Va Rom. 10:13-15; 2 Tim. 4:2)
Omãla Vavali va Pinduiwa
1. Omanu ava vatatu va molẽha ndeti vociluvialuvia velie? Kuenda nye ca pita la kakuenje u?
2. Eliya wa likutililile ndati kueci catiamẽla ku kakuenje? Kuenda nye ca pita noke?
3. Onduko yoñuatisi ya Eliya helie?
4. Momo lie Elisia vo vilikiyile konjo yukãi wo kimbo lio Siuname?
5. Nye Elisia a linga? Kuenda nye ca pita la kamõla wa file?
6. Yehova o kuete epondolo lioku linga nye ndomo ca lekisiwa la Eliya kuenda Elisia?
Apulilo akuavo:
1. Tanga 1 Olosoma 17:8-24.
(a) Epokolo kuenda ekolelo lia Eliya lia setekiwa ndati? (1 Olos. 17:9; 19:1-4, 10)
(b) Momo lie ocimbumba co ko Sarepata ca kuatela ekolelo lia pama? (1 Olos. 17:12-16; Luka 4:25, 26)
(c) Ulandu wocimbumba coko Sarepata u lekisa ndati ocili colondaka via Yesu kelivulu lia Mateo 10:41, 42? (1 Olos. 17:10-12, 17, 23, 24)
2. Tanga 2 Olosoma 4:8-37.
(a) Nye tu lilongisila kukãi woko Siuname catiamẽla koku yekisa akombe? (2 Olos. 4:8; Luka 6:38; Va Rom. 12:13; 1 Yoa. 3:17)
(b) Koloneke vilo tu lekisa ndati ohenda kafendeli va Suku? (Ovil. 20:35; 28:1, 2; Va Gal. 6:9, 10; Va Hev. 6:10)
Kafeko Umue wa Kuatisa Ulume wa Kemãlele
1. Kafeko u vociluvialuvia, wa kala oku sapuila nye kukãi u?
2. Ukãi u vociluvialuvia helie? Kuenda nye kafeko a kasi oku linga konjo yukãi u?
3. Nye Elisia a tumile kukuenje waye oku sapuila Namana? Kuenda momo lie Namana a temẽlele?
4. Nye ceya oku pita eci Namana a tava kondaka yakuenje vaye?
5. Momo lie Elisia a likalela oku tambula ombanjaile ya Namana? Pole nye Gehasi a linga?
6. Nye ca pita la Gehasi? Kuenda nye tu lilongisilako?
Apulilo akuavo:
1. Tanga 2 Olosoma 5:1-27.
(a) Ulandu wa kafeko u Isareli u kolisa ndati ekolelo liamalẽhe koloneke vilo? (2 Olos. 5:3; Osa. 8:2; 148:12, 13)
(b) Momo lie ci kuetele esilivilo oku kapako ulandu wa Namana eci tu tambula elungulo konepa Yespiritu? (2 Olos. 5:15; Va Hev. 12:5, 6; Tia. 4:6)
(c) Nye tu lilongisila kongangu yiwa ya Elisia locituwa cĩvi ca Gehasi? (2 Olos. 5:9, 10, 14-16, 20; Mat. 10:8; Ovil. 5:1-5; 2 Va Kor. 2:17)
Yona Kuenda Ocimuandu
1. Helie wa kala Yona? Kuenda nye Yehova o tumile oku linga?
2. Omo okuti Yona ka yonguile oku enda oku Yehova o tumile nye eye a linga?
3. Nye Yona a tumile vakuanaviyu oku linga oco ehunguhungu li tulumũhe?
4. Ndomo o cilete vociluvialuvia, nye ca pita la Yona eci a imbiwa vovava?
5. Yona wa kala vimo liombisi oloneke viñami? Kuenda nye eye a linga otembo a kalamo?
6. Pi Yona a enda eci a tunda vimo liombisi? Kuenda eci ci tu longisa nye?
Apulilo akuavo:
1. Tanga Yona 1:1-17.
Yona wa li yeva ndati eci a tambula ocikele coku ka kundila va Ninivei? (Yona 1:2, 3; Olosap. 3:7; Uku. 8:12)
2. Tanga Yona 2:1, 2, 10.
Ulandu wa Yona wu tu ĩha ekolelo lie okuti Yehova oka tambulula olohutililo vietu? (Osa. 22:24; 34:6; 1 Yoa. 5:14)
3. Tanga Yona 3:1-10.
(a) Oku kũlĩha okuti Yehova wamamako oku eca ovikele ku Yona ndaño okuti kefetikilo wa tilile ci tu kolisa ndati? (Osa. 103:14; 1 Pet. 5:10)
(b) Nye tu lilongisila kulandu wa Yona kueci catiamẽla koku sepula ale oku kuata ovisimĩlo ka via sungulukile lomanu vocikanjo cetu? (Yona 3:6-9; Uku. 11:6; Ovil. 13:48)
Suku wa Likuminya Oluali Luokaliye
1. Helie wa kala Isaya? Eye wa kala komuenyo kotembo yipi? Kuenda nye Yehova o lekisile?
2. Ondaka “oluali luokaliye” yi lomboloka nye? Kuenda yi tu ivaluisa nye?
3. Nye Yehova a tumila Isaya oku soneha eci catiamẽla Koluali luokaliye?
4. Momo lie Adama la Heva va pumbila ocitumãlo cavo?
5. Yehova wa likuminya nye ku vana va pokola kokuaye?
Apulilo akuavo:
1. Tanga Isaya 11:6-9.
(a) Embimbiliya li lekisa ndati ombembua yika kala pokati kovinyama lomanu voluali luokaliye? (Osa. 148:10, 13; Isa. 65:25; Esek. 34:25)
(b) Olondaka via Isaya vi kasi oku tẽlisiwa ndati konepa yespiritu pokati komanu va Yehova koloneke vilo? (Va Rom. 12:2; Va Efe. 4:23, 24)
(c) Helie o kuete unene woku pongolola ovituwa viomanu ci kale cilo ale kovaso voluali luokaliye? (Isa. 48:17, 18; Va Gal. 5:22, 23; Va Fil. 4:7)
2. Tanga Esituluilo 21:3, 4.
(a) Momo lie ovisonehua oku lekisa okuti Suku oka kala pokati komanu ka ci lombolokela okuti oka tunga lavo palo posi? (Ovis. 26:11, 12; 2 Asa. 6:18; Isa. 66:1; Esit. 21:2, 3, 22-24)
(b) Momo lie kaku ka kalela asuelela loku liyula? (Luka 8:49-52; Va Rom. 8:21, 22; Esit. 21:4)
Suku wa Kuatisa Soma Hesekiya
1. Ulume u vociluvialuvia helie? Kuenda momo lie a kasilili vovitangi?
2. Nye ca sonehiwile vovikanda Hesekiya a kasi loku kapa kovaso a Suku? Kuenda nye eye a pinga vohutililo?
3. Soma Hesekiya wa tuwile ndati? Kuenda olondaka vipi Yehova a tuma kokuaye vonduko yuprofeto Isaya?
4. Nye ungelo wa Yehova a linga ku va Asuria ndomo o cilete vociluvialuvia?
5. Ndaño okuti uviali wapata avali wa kuata ombembua otembo yimue, nye ceya oku pita eci Hesekiya a fa?
Apulilo akuavo:
1. Tanga 2 Olosoma 18:1-36.
(a) Ravesiake onumiwa ya va Asuria wa seteka ndati oku honguisa ekolelo lia va Isareli? (2 Olos. 18:19, 21; Etu. 5:2; Osa. 64:3)
(b) Olombangi via Yehova via siata oku kuama ndati ongangu ya Hesekiya kueci catiamẽla ku vana va va suvuka? (2 Olos. 18:36; Osa. 39:1; Olosap. 26:4; 2 Tim. 2:24)
2. Tanga 2 Olosoma 19:1-37.
(a) Omanu va Yehova va siata oku setukula ndati Hesekiya kotembo yohali? (2 Olos. 19:1, 2; Olosap. 3:5, 6; Va Hev. 10:24, 25; Tia. 5:14, 15)
(b) Nye ca popiwile catiamẽla koku yuliwa kua Soma Senakeriva? Kuenda helie wa sokisiwa laye? (2 Olos. 19:32, 35, 37; Esit. 20:2, 3)
3. Tanga 2 Olosoma 21:1-6, 16.
Momo lie tu popela okuti Manase wa velelepo kungangala kolosoma viosi via vialele ko Yerusalãi? (2 Asa. 33:4-6, 9)
Osoma Yiwa ya Sulako ya va Isareli
1. Eci Yosiya a linga osoma wa kuata anyamo añami? Kuenda nye a lingile eci pa pita anyamo epanduvali?
2. Nye Yosiya a kasi oku linga ndomo ca lekisiwa vociluvialuvia catete?
3. Nye ocitunda cinene ca sanga eci alume va kala loku semũlula onembele?
4. Momo lie Yosiya a towilile uwalo waye?
5. Uvangi upi wa tundilila ku Yehova Hulida uprofeto a sapuila Yosiya?
Apulilo akuavo:
1. Tanga 2 Asapulo 34:1-28.
(a) Ongangu yipi Yosiya a sia ku vana va siata oku liyaka lovitangi vutila? (2 Asa. 33:21-25; 34:1, 2; Osa. 27:10)
(b) Nye Yosiya a lingile kuviali waye okuti ca vetiya efendelo liocili kunyamo wecelãla, kunyamo wekũi lavali kuenda kunyamo wekũi lecelãla? (2 Asa. 34:3, 8)
(c) Ongangu yipi yiwa yatiamẽla kefendelo Soma Yosiya kuenda Ocitunda Cinene Hilikiya va tu sila? (2 Asa. 34:9-13; Olosap. 11:14; 1 Va Kor. 10:31)
Ulume Umue ka Kuatele Usumba
1. Umalẽhe u vociluvialuvia helie?
2. Nye Yeremiya a kala oku sima eci a linga uprofeto? Pole nye Yehova o sapuila?
3. Olondaka vipi Yeremiya asapuila omanu?
4. Ovitunda via setekele ndati oku tateka Yeremiya? Pole eye wa lekisa ndati okuti ka kuatele usumba?
5. Nye ceya oku pita la va Isareli omo okuti ka va kaile oku siapo ekalo liavo lĩvi?
Apulilo akuavo:
1. Tanga Yeremiya 1:1-8.
(a) Ndomo ca lekisiwa vulandu wa Yeremiya nye ci kuatisa omunu oku loñoloha kupange wa Yehova? (2 Va Kor. 3:5, 6)
(b) Ongangu yipi amalẽhe koloneke vilo va lilongisila ku Yeremiya? (Uku. 12:1; 1 Tim. 4:12)
2. Tanga Yeremiya 10:1-5.
Yeremiya wa lekisa ndati okuti oku kolela koviteka uveke? (Yer. 10:5; Isa. 46:7; Hav. 2:19)
3. Tanga Yeremiya 26:1-16.
(a) Eci ku eciwa olondaka viesapulo koloneke vilo olombuavekua via siata ndati oku kapako onumbi Yehova a ecele ku Yeremiya okuti ka vopiko ndaño ondaka yimosi? (Yer. 26:2; Esin. 4:2; Ovil. 20:27)
(b) Ongangu yipi yiwa Yeremiya a sila Olombangi via Yehova koloneke vilo yoku kundila kolofeka viosi? (Yer. 26:8, 12, 14, 15; 2 Tim. 4:1-5)
4. Tanga 2 Olosoma 24:1-17.
Nye ceya oku pita la va Yuda omo okuti ka va pokuile ku Yehova? (2 Olos. 24:2-4, 14)
Amalẽhe va Kuãla ko Bavulono
1. Amalẽhe ava vociluvialuvia velie? Kuenda momo lie ovo va kasilili ko Bavulono?
2. Nye Nevukandesa a sokiyilile amalẽhe vakuãla? Kuenda ocihandeleko cipi a ecele kakuenje vaye?
3. Epingilo lipi Daniele lakamba vaye vatatu va lingile liatiamẽla kokulia kuenda kovina viokunyua?
4. Eci papita oloneke ekũi okuti Daniele lakamba vaye vatatu va lialia lika ombelela yamẽla, va kala ndati eci va sokisiwile lamalẽhe vakuavo?
5. Daniele lakamba vaye vatatu veya oku kala ndati kelombe lia soma? Kuenda ovo va velelepo ndati alume vakuoloño?
Apulilo akuavo:
1. Tanga Daniele 1:1-21.
(a) Nye tu kuete oku linga eci tu yonjiwa? Kuenda tu yula ndati oku hongua? (Dan. 1:8; Efet. 39:7, 10; Va Gal. 6:9)
(b) Koloneke vilo amalẽhe va siata oku setekiwa ndati leci ci sokisiwa ndokulia kua soma? (Dan. 1:8; Olos. 20:1; 2 Va Kor. 6:17–7:1)
(c) Ulandu owu wamalẽhe vakuãla va Heveru u tu kuatisa ndati catiamẽla kelilongiso lioluali? (Dan. 1:20; Isa. 54:13; 1 Va Kor. 3:18-20)
Oku Nyoliwa Kuo Yerusalãi
1. Nye ci kasi loku pita lo Yerusalãi kuenda la va Isareli ndomo ci moleha vociluvialuvia?
2. Helie wa kala Esekiele? Kuenda ovina vipi vĩvi Yehova o lekisile?
3. Omo okuti va Isareli ka va sumbilile Yehova eye wa va lipañelele nye?
4. Nye Soma Nevukandesa a lingile la va Isareli omo okuti ka va pokuile kokuaye?
5. Momo lie Yehova a ecelela olukundu luaco oku pita la va Isareli?
6. Ofeka ya va Isareli ya sialele ndati upolokoso? Kuenda kua pita anyamo añami?
Apulilo akuavo:
1. Tanga 2 Olosoma 25:1-26.
(a) Helie wa kala Sedekiya? Nye ca pita laye? Kuenda eci ca tẽlisa ndati ocitumasuku? (2 Olos. 25:5-7; Esek. 12:13-15)
(b) Helie Yehova a kapele ekandu omo liovina viosi vĩvi va Isareli va enda oku linga? (2 Olos. 25:9, 11, 12, 18, 19; 2 Asa. 36:14, 17)
2. Tanga Esekiele 8:1-18.
Akristão vesanda va siata oku setukula ndati va Isareli vana va enda oku fendela eku-mbi? (Esek. 8:16; Isa. 5:20, 21; Yoa. 3:19-21; 2 Tim. 4:3)
Amalẽhe va Likala Oku Fendela Ociñumañuma
1. Ocihandeleko cipi Nevukandesa soma yoko Bavulono a ecele komanu?
2. Momo lie Daniele lakamba vaye vatatu ka va kekamelele ociñumañuma culu?
3. Eci Nevukandesa a ecele epuluvi likuavo kamalẽhe vatatu va Heveru lioku kekamela ociñumañuma, ovo va lekisa ndati ekolelo ku Yehova?
4. Nye Nevukandesa a tumile kakuenje vaye oku linga ku Sadrake Mesake kuenda Aved-Nego?
5. Nye Nevukandesa a mola eci a vanja vokati kofolono?
6. Momo lie soma a sivayela Suku ya Sadrake Mesake kuenda Aved-Nego? Kuenda ongangu yipi ovo va tu sila?
Apulilo akuavo:
1. Tanga Daniele 3:1-30.
(a) Ocituwa cipi camalẽhe vatatu va Heveru afendeli vosi va Suku va sukila oku setukula eci ekolelo liavo li setekiwa? (Dan. 3:17, 18; Mat. 10:28; Va Rom. 14:7, 8)
(b) Elongiso lipi Yehova Suku a eca ku Nevukandesa? (Dan. 3:28, 29; 4:34, 35)
Ocisonehua ca Molẽha Vocimano
1. Nye ceya oku pita eci soma yo Bavulono a linga ocipito cinene yu va nyuila volokopo viopiwa vonembele ya Yehova ko Yerusalãi?
2. Nye Belsiatare a tumile kolonoño viaye? Pole ovo ka va tẽlele oku linga nye?
3. Nasoma wa tumile soma oku linga nye?
4. Ndomo Daniele a sapuila soma, momo lie Suku a tumilile eka oku soneha vocimano?
5. Daniele wa situlula ndati elomboloko liolondaka via sonehiwile vocimano?
6. Nye ca pita osimbu Daniele a kala loku vangula?
Apulilo akuavo:
1. Tanga Daniele 5:1-31.
(a) Tepisa eci ci lomboloka oku sumbila Suku lusumba Belsiatare a kuata eci a mola ocisonehua vocimano. (Dan. 5:6, 7; Osa. 19:9; Va Rom. 8:35-39)
(b) Daniele wa lekisa ndati utõi eci a vangula la Belsiatare? (Dan. 5:17, 18, 22, 26-28; Ovil. 4:29)
(c) Ocipama 5 celivulu lia Daniele ca lekisa ndati okuti Yehova eye lika Suku Tõlo koluali luosi? (Dan. 4:17, 25; 5:21)
Daniele Veleva Liolohosi
1. Helie wa kala Dariu? Kuenda wa tendele ndati Daniele?
2. Alume vamue vakuanya va vetiyile Dariu oku linga nye?
3. Nye Daniele a linga eci a yeva ocihandeleko cokaliye?
4. Momo lie Dariu a sumuilile calua okuti ka pekelele? Kuenda nye eye a linga keteke likuavo?
5. Daniele wa tambulula ndati Dariu?
6. Nye ca pita lalume vakuanya va yonguile oku ponda Daniele? Kuenda ocihandeleko cipi Dariu a sonehela omanu vosi vuviali waye?
Apulilo akuavo:
1. Tanga Daniele 6:1-28.
(a) Ukuse va lingilile Daniele u tu ivaluisa ndati eci ovanyali va siata oku linga oco va tateke upange Wolombangi via Yehova koloneke vilo? (Dan. 6:7; Osa. 94:20; Isa. 10:1; Va Rom. 8:31)
(b) Omanu va Suku koloneke vilo va setukula ndati ongangu ya Daniele yatiamẽla koku pokola “kolombiali”? (Dan. 6:5, 10; Va Rom. 13:1; Ovil. 5:29)
(c) Tu setukula ndati ongangu ya Daniele yoku vumba Yehova ‘otembo yosi’? (Dan. 6:16, 20; Va Fil. 3:16; Esit. 7:15)
Omanu va Suku va Tunda ko Bavulono
1. Ndomo ca lekisiwa vociluvialuvia, nye va Isareli va kasi oku linga?
2. Ocitumasuku cipi Yehova a popia vonduko ya Isaya ca tẽlisiwa la Kuro?
3. Nye Kuro a sapuila va Isareli vana ka va yonguile oku tiukila ko Yerusalãi?
4. Nye Kuro a eca komanu oco va cambate ko Yerusalãi?
5. Ungende wa va Isareli woku tiukila ko Yerusalãi wa ambatele oloneke viñami?
6. Kua pitile anyamo añami tunde eci va Isareli va sile ofeka yavo upolokoso?
Apulilo akuavo:
1. Tanga Isaya 44:28 kuenda 45:1-4.
(a) Yehova wa lekisa ndati okuti nda weya oku tẽlisa ocitumasuku catiamẽla ku Kuro? (Isa. 55:10, 11; Va Rom. 4:17)
(b) Ocitumasuku ca Isaya catiamẽla ku Kuro ca lekisa ndati okuti Yehova Suku o kuete epondolo lioku popia ovina via laika okuiya? (Isa. 42:9; 45:21; 46:10, 11; 2 Pet. 1:20)
2. Tanga Esera 1:1-11.
Loku kuama ongangu ya vana ka va tẽlele oku tiukila ko Yerusalãi tu ‘kuatisa’ ndati vana va yongola oku iñila kupange wotembo yosi? (Esera 1:4, 6; Va Rom. 12:13; Va Kol. 4:12)
Oku Kolela Kekuatiso Lia Suku
1. Omanu vañami va lingile ungende woku tunda ko Bavulono toke ko Yerusalãi? Pole nye ovo va sanga ko Yerusalãi eci va pitilako?
2. Eci va Isareli va pitĩla nye va fetika tete oku tunga? Pole nye ovanyali vavo va linga?
3. Hagai la Sakariya va kala velie? Kuenda nye ovo va sapuila omanu?
4. Momo lie Tatenai a tumilĩle ukanda ko Bavulono? Kuenda vo tambulula ndati?
5. Nye Esera a linga eci a yeva ovina via sukiliwile koku tunga onembele ya Suku?
6. Ndomo o cilete vociluvialuvia, nye Esera a pinga vohutililo? Kuenda nye tu lilongisilako?
Apulilo akuavo:
1. Tanga Esera 3:1-13.
Nda tu kasi kocitumãlo cimue okuti ka kuli ekongelo liomanu va Suku tu kuete oku amamako oku linga nye? (Esera 3:3, 6; Ovil. 17:16, 17; Va Hev. 13:15)
2. Tanga Esera 4:1-7.
Ongangu yipi Seruvavele a sia komanu va Yehova kueci catiamẽla koku yuvula oku tenga efendelo liocili letavo liesanda? (Etu. 34:12; 1 Va Kor. 15:33; 2 Va Kor. 6:14-17)
3. Tanga Esera 5:1-5, 17 kuenda 6:1-22.
(a) Momo lie ovanyali ka va tẽlelele oku tateka upange woku tunga onembele? (Esera 5:5; Isa. 54:17)
(b) Elinga liakulu va Yudea li kuatisa ndati Akristão vana okuti akulu vekongelo oku kuama olonumbi via Yehova eci va likatanga lovanyali? (Esera 6:14; Osa. 32:8; Va Rom. 8:31; Tia. 1:5)
4. Tanga Esera 8:21-23, 28-36.
Ongangu yipi ya Esera tu kuete oku kuama eci handi ka tua lingile ocina cimue? (Esera 8:23; Osa. 127:1; Olosap. 10:22; Tia. 4:13-15)
Mordekai Kuenda Ester
1. Helie wa kala Mordekai kuenda Ester?
2. Momo lie Soma Ahasuero a yonguilile ukãi umue ukuavo? Kuenda helie eye a nõla?
3. Helie wa kala Hamana? Kuenda nye co temisile?
4. Ocihandeleko cipi ca eciwile? Kuenda nye Ester a linga eci a tambula uvangi waco ku Mordekai?
5. Nye ca pita la Hamana? Kuenda nye ca pitavo la Mordekai?
6. Va Isareli va yovuiwa ndati peka liovanyali vavo?
Apulilo akuavo:
1. Tanga Ester 2:12-18.
Ester wa lekisa ndati esilivilo lioku kuata ‘utate kuenda umbombe?’ (Ester 2:15; 1 Pet. 3:1-5)
2. Tanga Ester 4:1-17.
Ndeci Ester vo wĩhile epuluvi lioku teyuila efendelo liocili epuluvi lipi tu kuete lioku lekisa esumbilo lesunguluko ku Yehova? (Ester 4:13, 14; Mat. 5:14-16; 24:14)
3. Tanga Ester 7:1-6.
Afendeli valua va Suku koloneke vilo va siata oku kala ndati kohele nda Ester? (Ester 7:4; Mat. 10:16-22; 1 Pet. 2:12)
Ovimbaka Vio Yerusalãi
1. Va Isareli va li yeva ndati omo okuti o Yerusalãi ka ya kuatele ovimbaka?
2. Helie wa kala Nehemiya?
3. Upange upi Nehemiya a lingaile? Kuenda momo lie upange waco wa kuatelele esilivilo lialua?
4. Esapulo lipi lia sumuisile Nehemiya? Kuenda nye eye a linga?
5. Soma Aretasesete wa lekisa ndati ohenda ku Nehemiya?
6. Nehemiya wa sokiyile ndati upange woku tunga, oco ovanyali va Isareli ka vaka tẽle oku va tateka?
Apulilo akuavo:
1. Tanga Nehemiya 1:4-6 kuenda 2:1-20.
Nehemiya wa sandiliya ndati onumbi ya Yehova? (Nehe. 2:4, 5; Va Rom. 12:12; 1 Pet. 4:7)
2. Tanga Nehemiya 3:3-5.
Nye akulu vekongelo loloñuatisi viavo va lilongisila koku litepa kua kala pokati ka va Tekoa kuenda “asongui vavo”? (Nehe. 3:5, 27; 2 Va Tes. 3:7-10; 1 Pet. 5:5)
3. Tanga Nehemiya 4:1-23.
(a) Nye ca vetiya va Isareli oku amamako oku tunga ndaño lelambalalo lialua? (Nehe. 4:6, 8, 9; Osa. 50:15; Isa. 65:13, 14)
(b) Ulandu wa va Isareli u tu kolisa ndati koloneke vilo?
4. Tanga Nehemiya 6:15.
Oku tungiwa kuovimbaka vio Yerusalãi volosãi vivali kua lekisa nye catiamẽla koku kuata ekolelo? (Osa. 56:3, 4; Mat. 17:20; 19:26)
Ungelo Umue wa Pasuisa Maria
1. Ukãi o moleha ndeti vociluvialuvia helie?
2. Nye Gabrieli a kasi oku sapuila Maria?
3. Gabrieli wa sapuila ndati Maria okuti oka kuata omõla ndaño okuti ka kũlĩhĩle ulume?
4. Nye ca pita eci Maria a endele oku nyula ngandiaye Elisavete?
5. Nye Yosefe a simĩle eci a yeva okuti Maria oka kuata oñaña? Pole momo lie a pongolokela kocisimĩlo caye?
Apulilo akuavo:
1. Tanga Luka 1:26-56.
(a) Elivulu lia Luka 1:35 li lekisa ndati okuti Yesu ka piñalele ekandu lia Adama? (Hag. 2:11-13; Yoa. 6:69; Va Hev. 7:26; 10:5)
(b) Yesu wa tambula ndati esivayo osimbu handi ka citiwile? (Luka 1:41-43)
(c) Ongangu yipi yiwa Maria a eca Kakristão vokoloneke vilo yatiamẽla koku tambula ovikele viupange vekongelo? (Luka 1:38, 46-49; 17:10; Olosap. 11:2)
2. Tanga Mateo 1:18-25.
Ndaño okuti Yesu ka vo tukowaile Emanuele, ekalo liaye lia lekisa ndati elomboloko lionduko yaco? (Mat. 1:22, 23; Yoa. 14:8-10; Va Hev. 1:1-3)
Yesu wa Citiwila Vocimanga
1. Oñaña eyi vociluvialuvia helie? Kuenda pi Maria o pekelisa?
2. Momo lie Yesu a citiwila vocimanga?
3. Alume ava vociluvialuvia va kasi oku iñila ndeti vocimanga velie? Kuenda ungelo wa va sapuila nye?
4. Momo lie Yesu a kalela omunu umue o likasi?
5. Momo lie Yesu a tukuiwila okuti Omõla wa Suku?
Apulilo akuavo:
1. Tanga Luka 2:1-20.
(a) Onepa yipi Augusto Kaisare a kuata koku tẽlisiwa kuocitumasuku catiamẽla koku citiwa kua Yesu? (Luka 2:1-4; Mika 5:2)
(b) Omunu o pondola ndati oku kongeliwa pokati “komanu Suku a sanjukila”? (Luka 2:14; Mat. 16:24; Yoa. 17:3; Ovil. 3:19; Va Hev. 11:6)
(c) Nda okuti ovangombo va kuatele esunga lioku sanjuka omo lioku citiwa Kupopeli, esunga lipi lia velapo etu tumanu va Suku tu kuete lioku sanjuka koloneke vilo? (Luka 2:10, 11; Va Efe. 3:8, 9; Esit. 11:15; 14:6)
Olumbungululu Lua Songuila Alume
1. Alume ava vociluvialuvia velie? Kuenda momo lie va kasi oku ilikila olumbungululu?
2. Momo lie Soma Herode a yokokelele? Kuenda nye eye a linga?
3. Olumbungululu lua songuila alume toke pi? Pole momo lie ovo va tiukilila kofeka yavo lonjila yiñi?
4. Herode wa ecele ocihandeleko cipi? Kuenda momo lie?
5. Yehova wa tumile Yosefe oku linga nye?
6. Helie wa tuisa olumbungululu luokaliye? Kuenda momo lie?
Apulilo akuavo:
1. Tanga Mateo 2:1-23.
Eci vakuakutanga olombungululu va nyula Yesu eye wa kuata anyamo añami? Kuenda pi Yesu otembo yaco a kala? (Mat. 2:1, 11, 16)
Yesu Okasi Vonembele
1. Vociluvialuvia eci Yesu wa kuatele anyamo añami? Kuenda pi eye a kala?
2. Yosefe lepata liaye va enda oku linga nye unyamo lunyamo?
3. Eteke limue eci Yosefe la Maria va kala oku enda konjo momo lie ovo va tiukililile vali ko Yerusalãi?
4. Pi Yosefe la Maria va sanga Yesu? Kuenda momo lie omanu va komohelele?
5. Nye Yesu a sapuila inaye Maria?
6. Tu setukula ndati Yesu, poku lilongisa eci catiamẽla ku Suku?
Apulilo akuavo:
1. Tanga Luka 2:41-52.
(a) Ndaño okuti Ocihandeleko ca kisakaile lika alume oku endaenda kovipito viunyamo lunyamo ongangu yipi Yosefe la Maria va sila olonjali koloneke vilo? (Luka 2:41; Esin. 16:16; 31:12; Olosap. 22:6)
(b) Ongangu yipi Yesu a eca kamalẽhe oloneke vilo yoku sumbila olonjali viavo? (Luka 2:51; Esin. 5:16; Olos. 23:22; Va Kol. 3:20)
2. Tanga Mateo 13:53-56.
Olonduko via vamanji vakuãla va Yesu va tukuiwa Vembimbiliya velie? Kuenda vavali pokati kavo va enda oku talavaya ndati vekongelo Liakristão? (Mat. 13:55; Ovil. 12:17; 15:6, 13; 21:18; Va Gal. 1:19; Tia. 1:1; Yuda 1)
Yoano wa Papatisa Yesu
1. Alume ava vavali vociluvialuvia eci velie?
2. Omunu o papatisiwa ndati?
3. Omanu vapi Yoano a enda oku papatisa?
4. Nye Yesu a pingila ku Yoano oku u papatisa?
5. Suku wa lekisa ndati okuti wa sanjukile eci Yesu a papatisiwa?
6. Nye ca pita la Yesu eci a kala ulika vekalasoko akũi akuãla koloneke?
7. Velie va kala olondonge viatete via Yesu? Kuenda cipi ca kala ocikomo caye catete?
Apulilo akuavo:
1. Tanga Mateo 3:13-17.
Olonumbi vipi Yesu a sia kolondonge viaye viatiamẽla kepapatiso? (Osa. 40:7, 8; Mat. 28:19, 20; Luka 3:21, 22)
2. Tanga Mateo 4:1-11.
Oku loñoloha kua Yesu koku tukula Ovisonehua ku tu vetiya ndati oku tanga Embimbiliya olonjanja viosi? (Mat. 4:5-7; 2 Pet. 3:17, 18; 1 Yoa. 4:1)
3. Tanga Yoano 1:29-51.
Yoano Upapatisi wa vetiyilile olondonge viaye kulie? Kuenda koloneke vilo, tu kuama ndati ongangu yaye? (Yoa. 1:29, 35, 36; 3:30; Mat. 23:10)
4. Tanga Yoano 2:1-12.
Ocikomo catete ca Yesu ca lekisa ndati okuti Yehova ka limĩla lacimue ciwa kafendeli vaye? (Yoa. 2:9, 10; Osa. 84:11; Tia. 1:17)
Yesu wa Yelisa Vonembele
1. Momo lie ovinyama vi kasilili oku landisiwila vonembele?
2. Nye ca temisa Yesu?
3. Ndomo o cilete vociluvialuvia nye Yesu a kasi oku linga? Kuenda nye a tuma oku linga kalume va kala oku landisa olopomba?
4. Eci olondonge viaye via mola eci Yesu a kala oku linga nye va ivaluka?
5. Yesu wa pita volupale lupi eci a kala oku tiukila ko Galilea?
Apulilo akuavo:
1. Tanga Yoano 2:13-25.
Omo okuti Yesu wa temẽle la vakuakutolokala olombongo vonembele ocituwa cipi tu sukila oku kuata catiamẽla koku vanguila olomĩlu Vonjango Yusoma? (Yoa. 2:15, 16; 1 Va Kor. 10:24, 31-33)
Yesu wa Vangula Lukãi Pocisimo
1. Momo lie Yesu a talamẽla pocisimo vo Samaria? Kuenda nye a kasi oku vangula lukãi o kasipo?
2. Nye ukãi a komohela eci Yesu a popia laye? Kuenda momo lie?
3. Nye ukãi a sima catiamẽla kovava Yesu a tukula? Pole ovava aco a lombolokele nye?
4. Momo lie ukãi a komohela eci Yesu a popia catiamẽla kokuaye? Kuenda Yesu wa kũlĩhĩle ndati ulandu waco?
5. Nye tu lilongisila kulandu wukãi pocisimo?
Apulilo akuavo:
1. Tanga Yoano 4:5-43.
(a) Loku kuama ongangu ya Yesu, tu kuete oku tenda ndati omanu vakuekova lia litepa leli lietu ale ekalo liavo? (Yoa. 4:9; 1 Va Kor. 9:22; 1 Tim. 2:3, 4; Tito 2:11)
(b) Asumũlũho api eyilila koku linga ondonge ya Yesu? (Yoa. 4:14; Isa. 58:11; 2 Va Kor. 4:16)
(c) Tu lekisa ndati olopandu ndukãi u Samaria una wa sapuila vakuavo eci a lilongisile? (Yoa. 4:7, 28; Mat. 6:33; Luka 10:40-42)
Yesu wa Longisila Komunda
1. Ndomo ca lekisiwa vociluvialuvia, pi Yesu a kasi oku longisila? Kuenda velie va tumala ponele yaye?
2. Vipi via kala olonduko vio vapostolo ekũi la vavali?
3. Usoma upi Yesu a kala loku longisa?
4. Nye Yesu a longisa omanu oku pinga poku likutilila?
5. Yesu wa vanguile okuti tu sukila oku tata ndati vakuetu?
Apulilo akuavo:
1. Tanga Mateo 5:1-12.
Tu lekisa ndati okuti tua kuosuke wovina viespiritu? (Mat. 5:3; Va Rom. 10:13-15; 1 Tim. 4:13, 15, 16)
2. Tanga Mateo 5:21-26.
Elivulu lia Mateo 5:23, 24 li lekisa ndati okuti ukamba tu kuetele vamanjetu u pondola oku sanjuisa ale oku sumuisa Yehova? (Mat. 6:14, 15; Osa. 133:1; Va Kol. 3:13; 1 Yoa. 4:20)
3. Tanga Mateo 6:1-8.
Ovituwa vipi ka via sungulukile Akristão va kuete oku yuvula? (Luka 18:11, 12; 1 Va Kor. 4:6, 7; 2 Va Kor. 9:7)
4. Tanga Mateo 6:25-34.
Nye Yesu a longisa ci lekisa okuti tu sukila oku kolela ku Yehova catiamẽla keteku lietu? (Etu. 16:4; Osa. 37:25; Va Fil. 4:6)
5. Tanga Mateo 7:1-11.
Ulandu wa sonehiwa velivulu lia Mateo 7:5 u tu longisa nye? (Olosap. 26:12; Va Rom. 2:1; 14:10; Tia. 4:11, 12)
Yesu wa Pindula Ava va fa
1. Vociluvialuvia eci helie Isia ya kafeko? Kuenda momo lie eye lukãi waye va sumuĩla?
2. Nye Yairo a linga eci a sanga Yesu?
3. Nye ca pita eci Yesu a kala oku enda konjo ya Yairo? Kuenda esapulo lipi Yairo a tambula vonjila?
4. Momo lie Yesu vo yolela epembe konjo ya Yairo?
5. Nye Yesu a linga eci a vilikiyila ovapostolo vatatu kuenda olonjali via kafeko vohondo?
6. Yesu wa pindula vali elie? Kuenda eci ci tu lekisa nye?
Apulilo akuavo:
1. Tanga Luka 8:40-56.
Yesu wa lekisa ndati ohenda lesunguluko kukãi wa kala oku pita osonde? Kuenda nye akulu vekongelo koloneke vilo va lilongisilako? (Luka 8:43, 44, 47, 48; Ovis. 15:25-27; Mat. 9:12, 13; Va Kol. 3:12-14)
2. Tanga Luka 7:11-17.
Ekoliso lipi vana va fisa vangandiavo va sanga vulandu wo henda Yesu a lekisa kocimbumba co ko Naini? (Luka 7:13; 2 Va Kor. 1:3, 4; Va Hev. 4:15)
3. Tanga Yoano 11:17-44.
Yesu wa lekisa ndati okuti oku lila eci tu fisa ngandietu hacĩviko? (Yoano 11:33-36, 38; 2 Sam. 18:33; 19:1-4)
Yesu wa Tekula Omanu Valua
1. Ocina cipi cĩvi ca pita la Yoano Upapatisi? Kuenda Yesu wa li yeva ndati?
2. Yesu wa tekula ndati owiñi wa kala oku u kuama? Kuenda okulia kua supilepo kua soka ndati?
3. Momo lie olondonge via kuatelele usumba vuteke umue? Kuenda nye ca pita la Petulu?
4. Yesu wa tekula ndati olohulua viomanu konjanja yavali?
5. Momo lie oluali luka posokela eci Yesu aka viala Vusoma wa Suku?
Apulilo akuavo:
1. Tanga Mateo 14:1-32.
(a) Elivulu lia Mateo 14:23-32 li tu lekisa nye catiamẽla kekalo lia Petulu?
(b) Ovisonehua vi lekisa ndati okuti Petulu weya oku yula ocituwa caye co siata? (Mat. 14:27-30; Yoa. 18:10; 21:7; Ovil. 2:14, 37-40; 1 Pet. 5:6, 10)
2. Tanga Mateo 15:29-38.
Yesu wa lekisa ndati esumbilo keteku lia tundile ku Isiaye? (Mat. 15:37; Yoa. 6:12; Va Kol. 3:15)
3. Tanga Yoano 6:1-21.
Ongangu yipi ya Yesu Akristão koloneke vilo va kuete oku kuama catiamẽla koku lekisa esumbilo kolombiali? (Yoa. 6:15; Mat. 22:21; Va Ro. 12:2; 13:1-4)
Yesu wa Solele Omãla
1. Momo lie ovapostolo va lihoyisila vonjila?
2. Momo lie Yesu a vilikiyila okamõla yu waka kapa pokati kovapostolo?
3. Ovapostolo va sukilile oku li sokisa ndati lomãla?
4. Eci papita osãi yimosi Yesu wa lekisa ndati okuti wa solaile omãla?
Apulilo akuavo:
1. Tanga Mateo 18:1-4.
Momo lie Yesu a longasaila lalusapo? (Mat. 13:34, 36; Mar. 4:33, 34)
2. Tanga Mateo 19:13-15.
Ovituwa vipi viomãla tu sukila oku setukula poku kunda Olondaka viwa Viusoma? (Osa. 25:9; 138:6; 1 Va Kor. 14:20)
3. Tanga Marko 9:33-37.
Nye Yesu a longisa olondonge viaye kueci catiamẽla koku li kapa kovonene? (Mar. 9:35; Mat. 20:25, 26; Va Gal. 6:3; Va Fil. 2:5-8)
4. Tanga Marko 10:13-16.
Yesu wa lekisa ndati esunguluko? Kuenda nye akulu vekongelo va li longisila kokuaye? (Va Fil. 2:1-4; 1 Tim. 4:12)
Ndomo Yesu a Longasaile
1. Nye ulume umue a pulisile Yesu? Kuenda momo lie?
2. Yesu olonjanja vimue poku longisa wa enda oku linga nye? Kuenda nye tu lilongisila kulume u Yudea kuenda u Samaria?
3. Volusapo Yesu a sapula, nye ca pita lulume u Yudea eci a kala vonjila yo ko Yeriko?
4. Eci ocitunda ca va Yudea kuenda ulume u Lewi va pita vonjila yaco nye ka va lingile?
5. Ndomo ci moleha vociluvialuvia helie wa kuatisa ulume u Yudea wa lemehĩwile?
6. Eci Yesu a malusula olusapo luaye nye a pulisa kulume? Kuenda eye wa tambulula ndati?
Apulilo akuavo:
1. Tanga Luka 10:25-37.
(a) Ndaño okuti ulongisi Wovihandeleko wa tambulula ciwa, Yesu wo kuatisa ndati oku limbuka esunga liolusapo luaye? (Luka 10:26; Mat. 16:13-16)
(b) Yesu poku ta alusapo wa kuatisa ndati olonjeveleli viaye oku yula ovisimĩlo vĩvi? (Luka 10:36, 37; 18:9-14; Tito 1:9)
Yesu wa Sakula Olombei
1. Nye Yesu a lingaile poku enda kimbo limbo?
2. Eci Yesu a tẽlisa ci soka anyamo atatu tunde koku papatisiwa kuaye nye a sapuila olondonge viaye?
3. Omanu ava vociluvialuvia velie? Kuenda nye Yesu a lingila ukãi u?
4. Nye Yesu a tambulula kasongui vetavo okuti ca va kutisa osõi?
5. Eci Yesu a kala ocipepi lo Yeriko kumue lovapostolo vaye nye a lingila olomeke vivali?
6. Momo lie Yesu a lingila ovikomo?
Apulilo akuavo:
1. Tanga Mateo 15:30, 31.
Unene upi Yehova a lekisila vonduko ya Yesu? Kuenda eci ci tu ĩha ekolelo lie liatiamẽla kohuminyo ya Yehova yoluali luokaliye? (Osa. 37:29; Isa. 33:24)
2. Tanga Luka 13:10-17.
Ovikomo vimue Yesu a linga vo Casapalo via lekisa ndati ocisola aka kuatela omanu Vuviali waye Wohũlũkãi Yanyamo? (Luka 13:10-13; Osa. 46:9; Mat. 12:8; Va Kol. 2:16, 17; Esit. 21:1-4)
3. Tanga Mateo 20:29-34.
Ulandu owu u lekisa ndati okuti upange walua wa Yesu ka wo tatekele oku kuatisa omanu? Kuenda nye tu lilongisilako? (Esin. 15:7; Tia. 2:15, 16; 1 Yoa. 3:17)
Yesu wa Iñila vo Yerusalãi Ndosoma
1. Eci Yesu a pitĩla volupale lumue ocipepi lo Yerusalãi nye a tuma kolondonge viaye oku linga?
2. Ndomo ca lekisiwa vociluvialuvia nye ca pita eci Yesu a iñila vo lupale ocipepi lo Yerusalãi?
3. Nye omãla va linga eci va mola Yesu oku kayisa omanu va kala olomeke kuenda ovilema?
4. Nye Yesu a tambulula kovitunda viatemele?
5. Tu setukula ndati omãla va kala oku sivaya Yesu?
6. Nye olondonge via yonguile oku kũlĩha?
Apulilo akuavo:
1. Tanga Mateo 21:1-17.
(a) Oku iñila kua Yesu vo Yerusalãi Ndosoma kua litepele ndati calua lava kesongo kovota kotembo ya va Roma? (Mat. 21:4, 5; Sak. 9:9; Va Fil. 2:5-8; Va Kol. 2:15)
(b) Nye amalẽhe va lilongisila komãla va Isareli va tukuiwa Kosamo 118 eci Yesu a kala oku iñila vonembele? (Mat. 21:9, 15; Osa. 118:25, 26; 2 Tim. 3:15; 2 Pet. 3:18)
2. Tanga Yoano 12:12-16.
Ovianja viuti weva peka liomanu va kala loku yolela Yesu vi lomboloka nye? (Yoa. 12:13; Va Fil. 2:10; Esit. 7:9, 10)
Komunda Yoliveira
1. Vociluvialuvia eci Yesu yupi? Kuenda velie va kasi ndeti ponele yaye?
2. Vonembele asongui va yonguile oku linga nye ku Yesu? Kuenda nye Yesu a va sapuila?
3. Nye ovapostolo va pulisa Yesu?
4. Momo lie Yesu a sapuila kolondonge viaye ovina vimue vika pita kilu lieve eci eye aka viala Ndosoma?
5. Nye Yesu a popia okuti cika pita osimbu handi eye ka mãlele ungangala kilu lieve?
Apulilo akuavo:
1. Tanga Mateo 23:1-39.
(a) Ovisonehua ka vi pisa oku li tukula olonduko viesumbilo. Pole olondaka via Yesu kelivulu lia Mateo 23:8-11 vi lekisa nye catiamẽla koku tukula olonduko vioku likemãlisa vekongelo Liakristão? (Ovil. 26:25; Va Rom. 13:7; 1 Pet. 2:13, 14)
(b) Nye va Fariseo va seteka oku linga oco va tateke omanu oku linga Akristão? Kuenda asongui vatavo va siata oku setukula ndati atutu aco koloneke vilo? (Mat. 23:13; Luka 11:52; Yoa. 9:22; 12:42; 1 Va Tes. 2:16)
2. Tanga Mateo 24:1-14.
(a)Elivulu lia Mateo 24:13 li lekisa ndati esilivilo lioku pandikisa?
(b) Ondaka “toke kesulilo” yi sangiwa kelivulu lia Mateo 24:13 yi lomboloka nye? (Mat. 16:27; Va Rom. 14:10-12; 2 Va Kor. 5:10)
3. Tanga Marko 13:3-10.
Elivulu lia Marko 13:10 li lekisa ndati esilivilo lioku kunda lonjanga olondaka viwa? Kuenda tua kongeliwa ndati volondaka via Yesu? (Va Rom. 13:11, 12; 1 Va Kor. 7:29-31; 2 Tim. 4:2)
Vohondo Yosapalalo
1. Ndomo ca lekisiwa vociluvialuvia momo lie Yesu kumue lekũi lavali kolondonge va kasilili vohondo yosapalalo?
2. Ulume u o kasi ndeti oku tunda helie? Kuenda nye eye aka linga?
3. Ondalelo yipi ya velapo Yesu a sovola eci va mãla okulia o Paskoa?
4. O Paskoa ya enda loku ivaluisa nye ku va Isareli? Kuenda ondalelo eyi ya velapo yi ivaluisavo nye kolondonge via Yesu?
5. Eci Ondalelo ya Ñala ya pua, nye Yesu a sapuila olondonge viaye? Kuenda nye ovo va linga?
Apulilo akuavo:
1. Tanga Mateo 26:14-30.
(a) Elivulu lia Mateo 26:15 li lekisa ndati okuti Yuda poku pakula Yesu wa ci linga muẽle ocipango?
(b) Osonde ya Yesu ya pesiwa yi kuete esilivilo kolonepa vipi vivali? (Mat. 26:27, 28; Yere. 31:31-33; Va Efe. 1:7; Va Hev. 9:19, 20)
2. Tanga Luka 22:1-39.
Satana oku iñila vu Yuda ci lomboloka nye? (Luka 22:3; Yoa. 13:2; Ovil. 1:24, 25)
3. Tanga Yoano 13:1-20.
(a) Ndomo ulandu welivulu lia Yoano 13:2 u lekisa, anga hẽ Yuda wa kuata ekandu omo lieci a linga? Kuenda nye afendeli va Suku va lilongisilako? (Efet. 4:7; 2 Va Kor. 2:11; Va Gal. 6:1; Tia. 1:13, 14)
(b) Ongangu yipi Yesu a tu sila? (Yoa. 13:15; Mat. 23:11; 1 Pet. 2:21)
4. Tanga Yoano 17:1-26.
Vohutililo ya Yesu nye ca lombolokele kolondonge oku kala “vamuamue”? (Yoa. 17:11, 21-23; Va Rom. 13:8; 14:19; Va Kol. 3:14)
Yesu Vocumbo
1. Pi Yesu lolondonge viaye va enda eci va tunda vohondo yosapalalo? Kuenda nye eye a va tuma oku linga?
2. Eci Yesu a tiuka apa olondonge via kala wa va sanga okuti va kasi oku linga nye? Kuenda eci ca pita olonjanja viñami?
3. Velie va iñila vocumbo? Kuenda nye Yuda Isikariote a linga ndomo ca lekisiwa vociluvialuvia?
4. Momo lie Yuda a sipuila Yesu? Kuenda nye Petulu a linga?
5. Nye Yesu wa sapuila Petulu? Pole momo lie Yesu ka pingilile ku Suku oco o tumise ovangelo?
Apulilo akuavo:
1. Tanga Mateo 26:36-56.
(a) Ndomo Yesu a enda oku eca elungulo kolondonge viaye ongangu yipi yiwa a sila akulu vekongelo koloneke vilo? (Mat. 20:25-28; 26:40, 41; Va Gal. 5:17; Va Efe. 4:29, 31, 32)
(b) Yesu wa lekisa ndati okuti ka ca sungulukile oku yaka losipata? (Mat. 26:52; Luka 6:27, 28; Yoa. 18:36)
2. Tanga Luka 22:39-53.
Ungelo poku kolisa Yesu vocumbo co Gesemane ca lekisa okuti Yesu wa honguele kekolelo? Ci lombolola. (Luka 22:41-43; Isa. 49:8; Mat. 4:10, 11; Va Hev. 5:7)
3. Tanga Yoano 18:1-12.
Yesu wa teyuila ndati olondonge viaye kovanyali vavo? Kuenda nye tu lilongisilako? (Yoa. 10:11, 12; 18:1, 6-9; Va Hev. 13:6; Tia. 2:25)
Yesu wa Pondiwa
1. Helie o kuete ongole ya velapo yolofa via Yesu?
2. Ovapostolo va linga nye eci Yesu ambatiwa lasongui vetavo?
3. Nye ca pita konjo ya Kayafa ocitunda cinene?
4. Momo lie Petulu a tundila loku lila?
5. Eci Yesu a tiukila ku Pilato nye asongui va popia?
6. Nye ca pita la Yesu Votãlo kekumbi? Kuenda ohuminyo yipi eye a linga kulume umue wa valeliwile kuti ponele yaye?
7. Ofeka yokaliye Yesu a tukuile yika kala pi?
Apulilo akuavo:
1. Tanga Mateo 26:57-75.
Asongui va Yudea va lekisa ndati okuti vovitima viavo mua kala lika evĩho? (Mat. 26:59, 67, 68)
2. Tanga Mateo 27:1-50.
Momo lie tu popela okuti oku likekembela kua Yuda ka kua kaile kuocili? (Mat. 27:3, 4; Mar. 3:29; 14:21; 2 Va Kor. 7:10, 11)
3. Tanga Luka 22:54-71.
Nye tu lilongisila ku Petulu poku likala Yesu vuteke a pakuiwa yu ambatiwa? (Luka 22:60-62; Mat. 26:31-35; 1 Va Kor. 10:12)
4. Tanga Luka 23:1-49.
Yesu wa li yeva ndati omo liungangala vo lingila? Kuenda nye tu lilongisilako? (Luka 23:33, 34; Va Rom. 12:17-19; 1 Pet. 2:23)
5. Tanga Yoano 18:12-40.
Ndaño okuti Petulu wa konyohele omo liusumba womunu nye ci lekisa okuti lopo wamamako oku kala upostolo umue uwa? (Yoa. 18:25-27; 1 Va Kor. 4:2; 1 Pet. 3:14, 15; 5:8, 9)
6. Tanga Yoano 19:1-30.
(a) Ocituwa cipi ca sunguluka Yesu a lekisa kueci catiamẽla kovokuasi? (Yoa. 2:1, 2, 9, 10; 19:23, 24; Mat. 6:31, 32; 8:20)
(b) Olondaka vipi vioku yula Yesu a popia poku fa kuaye vi lekisa okuti eye wa tẽla oku teyuila uviali wa Yehova? (Yoa. 16:33; 19:30; 2 Pet. 3:14; 1 Yoa. 5:4)
Yesu wa Pinduka
1. Ukãi u lalume vavali vociluvialuvia velie? Kuenda pi ovo va kasi?
2. Momo lie Pilato a sapuilila ovitunda oco va tume asualali oku lava eyambo lia Yesu?
3. Nye ovangelo va linga keteke liatatu noke liolofa via Yesu? Pole nye ovitunda via linga?
4. Momo lie akãi vamue va sumuilile eci va endele oku nyula eyambo lia Yesu?
5. Momo lie Petulu la Yoano va lupukilila keyambo lia Yesu? Kuenda nye ovo va sangako?
6. Nye ca pita letimba lia Yesu? Pole nye eye a linga oco a lilekise kolondonge viaye okuti wa pinduiwa?
Apulilo akuavo:
1. Tanga Mateo 27:62-66 kuenda 28:1-15.
Eci Yesu a pinduiwa ovitunda vinene la va Fariseo kuenda akulu va lueyela ndati espiritu sandu? (Mat. 12:24, 31, 32; 28:11-15)
2. Tanga Luka 24:1-12.
Ulandu wepinduko lia Yesu u lekisa ndati okuti Yehova wa tendele akãi ndolombangi viocili? (Luka 24:4, 9, 10; Mat. 28:1-7)
3. Tanga Yoano 20:1-12.
Elivulu lia Yoano 20:8, 9 li tu kuatisa oku limbuka nye nda ocitumasuku cimue Cembimbiliya ka ca tu lombolokele? (Olosap. 4:18; Mat. 17:22, 23; Luka 24:5-8; Yoa. 16:12)
Vokati Kohondo
1. Nye Maria a popia lulume umue a simĩle okuti ukuacumbo? Pole nye co kuatisa oku limbuka okuti eye wa kala Yesu?
2. Nye ca pita lolondonge vivali eci va kala oku enda kimbo lio Emausi?
3. Ocina cipi ci komohisa ca pita eci olondonge vivali via sapuila ovapostolo okuti va mola Yesu?
4. Yesu wa moleha olonjanja viñami kolondonge viaye?
5. Nye Tomasi a popia eci a yeva okuti olondonge via mola Ñala? Pole nye ceya oku pita noke lioloneke ecelãla?
Apulilo akuavo:
1. Tanga Yoano 20:11-29.
Anga hẽ kelivulu lia Yoano 20:23 Yesu wa yonguile oku popia okuti omanu va kuete omoko yoku tetela akandu? Ci lombolola. (Osa. 49:2, 7; Isa. 55:7; 1 Tim. 2:5, 6; 1 Yoa. 2:1, 2)
2. Tanga Luka 24:13-43.
Tu pongiya ndati ovitima vietu oco vi tave ocili Cembimbiliya? (Luka 24:32, 33; Esera 7:10; Mat. 5:3; Ovil. 16:14; Va Hev. 5:11-14)
Yesu wa Tiukila Kilu
1. Olondonge viñami via mola Yesu vonjanja yimosi? Kuenda nye a va sapuila?
2. Usoma wa Suku nye? Kuenda omuenyo uka kala ndati eci Yesu aka viala Ndosoma vokuenda kuohulukãi yanyamo?
3. Oloneke viñami Yesu a moleha kolondonge viaye? Pole cilo otembo yaye yoku linga nye?
4. Eci handi Yesu ka silepo olondonge viaye wa va tuma oku linga nye?
5. Nye ci kasi oku pita vociluvialuvia eci? Kuenda nye ca sitika Yesu?
Apulilo akuavo:
1. Tanga 1 Va Korindo 15:3-8.
Upostolo Paulu wa vangula ndati lekolelo catimẽla kepinduko lia Yesu? Kuenda ovina vipi Akristão va kuetevo oku vangula lekolelo? (1 Va Kor. 15:4, 7, 8; Isa. 2:2, 3; Mat. 24:14; 2 Tim. 3:1-5)
2. Tanga Ovilinga 1:1-11.
Upange woku kunda u kasi oku lingiwa ndati ndomo ca sonehiwa kelivulu Liovilinga 1:8? (Ovil. 6:7; 9:31; 11:19-21; Va Kol. 1:23)
Va Talamẽla vo Yerusalãi
1. Ndomo ca lekisiwa vociluvialuvia, nye ca pita lolondonge via Yesu via kala oku talamẽla vo Yerusalãi?
2. Ocina cipi ci komohisa ava va kala vo Yerusalãi va tambula?
3. Nye Petulu a sapuila omanu?
4. Omanu va kala ndati eci va yeva Petulu? Kuenda nye eye a va tuma oku linga?
5. Omanu vañami va papatisiwa ko Pendekoste ya 33 kotembo ya Kristu?
Apulilo akuavo:
1. Tanga Ovilinga 2:1-47.
(a) Olondaka via Petulu kelivulu Liovilinga 2:23, 36 vi lekisa ndati okuti va Yudea vosi va kuata onepa yekandu kolofa via Yesu? (1 Va Tes. 2:14, 15)
(b) Ongangu yipi Petulu a tu sila kueci catiamẽla koku situlula Ovisonehua? (Ovil. 2:16, 17, 29, 31, 36, 39; Va Kol. 4:6)
(c) Tete Petulu wa talavaya ndati “lolosapi viusoma wokilu” vina Yesu a likuminyile oku ĩha? (Ovil. 2:14, 22-24, 37, 38; Mat. 16:19)
Va Yovuiwa Vokayike
1. Nye ca pita la Petulu kuenda Yoano osimbu va kala oku enda konembele?
2. Nye Petulu a popia kulume umue ocilema? Kuenda nye Petulu o wiha okuti ca velelepo olombongo?
3. Momo lie asongui vetavo va temẽlele? Kuenda nye ovo va linga ku Petulu la Yoano?
4. Nye Petulu a popia lasongui vetavo? Kuenda ovo vahandeleka nye kovapostolo?
5. Momo lie asongui va kalela lonya? Pole, nye ca pita eci ovapostolo va kapiwa onjanja yavali vokayike?
6. Nye ovapostolo va tambulula eci va va vilikiya Kekanga?
Apulilo akuavo:
1. Tanga Ovilinga 3:1-10.
Ndaño okuti koloneke vilo ka tu tẽla oku linga ovikomo, olondaka via Petulu kelivulu Liovilinga 3:6 vi tu kuatisa oku limbuka ndati esilivilo liupange woku kunda? (Yoa. 17:3; 2 Va Kor. 5:18-20; Va Fil. 3:8)
2. Tanga Ovilinga 4:1-31.
Eci tu liyaka lalambalalo kupange woku kunda tu setukula ndati ongangu Yakristão kocita catete? (Ovil. 4:29, 31; Va Efe. 6:18-20; 1 Va Tes. 2:2)
3. Tanga Ovilinga 5:17-42.
Omanu vamue okuti Hakristãoko, ci kale kosimbu ale koloneke vilo va siata oku lekisa ndati esunguluko kupange woku kunda? (Ovil. 5:34-39)
Stefano wa Pondiwa
1. Helie wa kala Stefano? Kuenda Suku wo kuatisa oku linga nye?
2. Nye Stefano a popia lasongui vetavo okuti ca va temisa?
3. Eci alume va tundisa Stefano vimbo nye vo linga?
4. Vociluvialuvia eci helie umalẽhe u o kasi oku lava ndeti ovowalo?
5. Eci handi Stefano ka file nye eye a likutilila ku Yehova?
6. Loku kuama ongangu ya Stefano, nye tu sesamẽla oku linga eci omunu umue a tu linga cimue cĩvi?
Apulilo akuavo:
1. Tanga Ovilinga 6:8-15.
Ovohembi api asongui vatavo va siata oku popia oco va tateke upange woku kunda Wolombangi via Yehova? (Ovil. 6:9, 11, 13)
2. Tanga Ovilinga 7:1-60.
(a) Nye ca kuatisa Stefano oku loñoloha koku teyuila olondaka viwa Vekanga? Kuenda nye tu lilongisilako? (Ovil. 7:51-53; Va Rom. 15:4; 2 Tim. 3:14-17; 1 Pet. 3:15)
(b) Ocituwa cipi tu sukila oku kuata lovanyali va tateka upange wetu woku kunda? (Ovil. 7:58-60; Mat. 5:44; Luka 23:33, 34)
Vonjila Yoko Damasko
1. Nye Saulu a linga noke yoku pondiwa kua Stefano?
2. Ocina cipi ci komohisa ca lipita la Saulu eci a kala vonjila yoko Damasko?
3. Nye Yesu a tuma Saulu oku linga?
4. Olonumbi vipi Yesu a eca ku Ananiya? Kuenda ndamupi Saulu a tẽla oku letuluka?
5. Saulu weya oku kũlĩhĩwa londuko yipi? Kuenda nye eya oku linga?
Apulilo akuavo:
1. Tanga Ovilinga 8:1-4.
Elambalalo lieya oku iya kekongelo Liakristão lia kuatisa ndati koku kunda olondaka viwa viatiamẽla kekolelo lia Kristão? Kuenda ocina cipi ca lisetahãla ca siata oku pitavo koloneke vilo? (Ovil. 8:4; Isa. 54:17)
2. Tanga Ovilinga 9:1-20.
Ovikele vipi vitatu Yesu a eca ku Saulu? (Ovil. 9:15; 13:5; 26:1; 27:24; Va Rom. 11:13)
3. Tanga Ovilinga 22:6-16.
Tu kuama ndati ongangu ya Ananiya? Kuenda momo lie ci kuetele esilivilo? (Ovil. 22:12; 1 Tim. 3:7; 1 Pet. 1:14-16; 2:12)
4. Tanga Ovilinga 26:8-20.
Epongoloko lia Saulu li eca ekoliso lie ku vana va kuete olohueli koloneke vilo okuti hakristãoko? (Ovil. 26:11; 1 Tim. 1:14-16; 2 Tim. 4:2; 1 Pet. 3:1-3)
Petulu wa Pasuisa Korneliu
1. Ulume u vociluvialuvia wa kekama ndeti helie?
2. Nye ungelo umue a sapuila Korneliu?
3. Suku wa lekisa nye ku Petulu eci a kala kilu lionjo ya Simono ko Yopa?
4. Momo lie Petulu a sapuilila Korneliu okuti ka ca sungulukile oku u kekamela?
5. Momo lie olondonge va Yudea va kala la Petulu va komohelele?
6. Nye tu lilongisila ku Petulu eci a pasuisa Korneliu?
Apulilo akuavo:
1. Tanga Ovilinga 10:1-48.
Olondaka via Petulu kelivulu Liovilinga 10:42 vi lekisa nye catiamẽla kupange woku kunda olondaka viwa Viusoma? (Mat. 28:19; Mar. 13:10; Ovil. 1:8)
2. Tanga Ovilinga 11:1-18.
Ocituwa cipi Petulu a lekisa eci Yehova o tuma ku vakualofeka? Kuenda tu setukula ndati ongangu yaye? (Ovil. 11:17, 18; 2 Va Kor. 10:5; Va Efe. 5:17)
Timoteo wa Linga Oñuatisi ya Paulu
1. Umalẽhe u vociluvialuvia helie? Pi eye a kala? Kuenda helie wa kala inaye la inakulu yaye?
2. Nye Timoteo a tambulula eci Paulu o pulisa nda wa yonguile oku enda laye kuenda Sila oku ka kundila omanu kolofeka kupãla?
3. Pi olondonge via Yesu via tukuiwa tete Ndakristão?
4. Eci Paulu la Barnaba va tunda ko Antiokea alupale api ovo noke veya oku nyula?
5. Timoteo wa kuatisa ndati Paulu? Kuenda apulilo api amalẽhe va sukila oku li pula ovo muẽle?
Apulilo akuavo:
1. Tanga Ovilinga 9:19-30.
Paulu wa lekisa ndati utate eci a liyaka lalambalalo poku kunda olondaka viwa? (Ovil. 9:22-25, 29, 30; Mat. 10:16)
2. Tanga Ovilinga 11:19-26.
Ulandu u sangiwa kelivulu Liovilinga 11:19-21, 26 u lekisa ndati okuti espiritu lia Yehova olio li kasi oku songola upange woku kunda?
3. Tanga Ovilinga 13:13-16, 42-52.
Elivulu Liovilinga 13:51, 52 li lekisa ndati okuti olondonge ka via konyõhele ndaño lelambalalo? (Mat. 10:14; Ovil. 18:6; 1 Pet. 4:14)
4. Tanga Ovilinga 14:1-6, 19-28.
Ondaka ‘va va kundika ku Yehova’ yi tu vetiya ndati oku tepululako asakalalo etu oco tu kuatise ava va fetika oku lilongisa ndopo? (Ovil. 14:21-23; 20:32; Yoa. 6:44)
5. Tanga Ovilinga 16:1-5.
Onjongole ya Timoteo yoku tava oku tetiwa evamba yi lekisa ndati esilivilo lioku ‘lingila cosi ondaka yiwa’? (Ovil. 16:3; 1 Va Kor. 9:23; 1 Va Tes. 2:8)
6. Tanga Ovilinga 18:1-11, 18-22.
Elivulu Liovilinga 18:9, 10 li lekisa nye catiamẽla kekuatiso Yesu a siata oku eca kupange woku kunda? Kuenda eci ci tu ĩha ekolelo lie koloneke vilo? (Mat. 28:20)
Kakuenje wa Suñila
1. Vociluvialuvia eci kakuenje wa pekela ndeti posi helie? Kuenda nye ca pita laye?
2. Nye Paulu a linga eci a limbuka okuti kakuenje wa fa?
3. Pi Paulu la Timoteo kuenda ava va endela kumue lavo va kala? Kuenda nye ca pita eci va talama ko Miletu?
4. Elungulo lie uprofeto Agabo a ecele ku Paulu? Kuenda eci ceya oku tẽlisiwa ndati ndomo eye a vanguile?
Apulilo akuavo:
1. Tanga Ovilinga 20:7-38.
(a) Tu pondola oku liupa ndati eko ‘liosonde yomanu vosi’ ndomo ca lekisiwa volondaka via Paulu kelivulu Liovilinga 20:26, 27? (Esek. 33:8; Ovil. 18:6, 7)
(b) Momo lie akulu vekongelo va kuetele oku ‘limbuka ocikele cavo coku kolela lika ondaka yocili’ eci va longisa? (Ovil. 20:17, 29, 30; Tito 1:7-9; 2 Tim. 1:13)
2. Tanga Ovilinga 26:24-32.
Ocikoti ca Paulu co ko Roma co kuatisa ndati oku tẽlisa ocikundi a tambula ku Yesu coku kunda? (Ovil. 9:15; 16:37, 38; 25:11, 12; 26:32; Luka 21:12, 13)
Onaviyu ya Nyõleha
1. Nye ca pita lonaviyu Paulu a endela eci va kala ocipepi locifuka co Kurete?
2. Nye Paulu a popia lava a kala lavo vonaviyu?
3. Onaviyu yeya oku nyõleha ndati?
4. Olonumbi vipi vakuanaviyu va eca? Kuenda omanu valua va pitĩla ndati konele yokalunga?
5. Yipi ya kala onduko yocifuka caco? Kuenda nye ca pita la Paulu eci ehunguhungu lia tulumuha?
Apulilo akuavo:
1. Tanga Ovilinga 27:1-44.
Ekolelo lipi tu kuete liokuti Embimbiliya lia suapo eci tu tanga ulandu wa Paulu watiamẽla kungende waye ko Roma? (Ovil. 27:16-19, 27-32; Luka 1:3; 2 Tim. 3:16, 17)
2. Tanga Ovilinga 28:1-14.
Ndomo olonungi vio ko Melita via tata ‘lohenda yalua’ Paulu lava va kala laye vonaviyu, ci vetiya Akristão oku lingavo nye? Kuenda va kuete oku ci linga? (Ovil. 28:1, 2; Va Hev. 13:1, 2; 1 Pet. 4:9)
Paulu wa Kala ko Roma
1. Helie Paulu a kundila osimbu a kala kumandekua ko Roma?
2. Helie ukombe vociluvialuvia o kasi ndeti komesa? Kuenda nye a kasi oku lingila Paulu?
3. Helie wa kala Epafrodito? Kuenda nye eye ambata eci a tiukila ko Filipoi?
4. Momo lie Paulu a tumisilile ukanda ku kamba liaye Filemone?
5. Nye Paulu a linga eci a tunda vokayike? Kuenda noke nye ca pita laye?
6. Helie Yehova a tuma oku soneha elivulu lia sulako Liembimbiliya? Kuenda elivulu Liesituluilo li tu sapuila nye?
Apulilo akuavo:
1. Tanga Ovilinga 28:16-31 kuenda Va Filipoi 1:13.
Nye Paulu a linga osimbu a kala kumandekua ko Roma? Kuenda ongangu yipi yekolelo eye a sila Akristão vekongelo? (Ovil. 28:23, 30; Va Fil. 1:14)
2. Tanga Va Filipoi 2:19-30.
Olondaka vipi violopandu Paulu a sapuila Timoteo la Epafrodito? Kuenda tu kuete oku kuama ndati ongangu ya Paulu? (Va Fil. 2:20, 22, 25, 29, 30; 1 Va Kor. 16:18; 1 Va Tes. 5:12, 13)
3. Tanga Filemone 1-25.
(a) Paulu wa tumile Filemone oku linga nye okuti ca sungulukile? Kuenda eci ci kala ndati ndonumbi kakulu vekongelo koloneke vilo? (File. 9; 2 Va Kor. 8:8; Va Gal. 5:13)
(b) Olondaka via Paulu vi sangiwa kelivulu lia Filemone 13, 14 vi lekisa ndati okuti eye wa sumbile ovisimĩlo via vakuavo vekongelo? (1 Va Kor. 8:7, 13; 10:31-33)
4. Tanga 2 Timoteo 4:7-9.
Ekolelo lie tu kuete ndeli lia Paulu liokuti Yehova oka tu sumũlũisa nda tu tua pandikisa toke kesulilo? (Mat. 24:13; Va Hev. 6:10)
Esulilo Liovina Viosi Vĩvi
1. Momo lie Embimbiliya li tukuila otuvalu kilu?
2. Uyaki wa Suku lomanu vãvi kulo kilu lieve u tukuiwa hati ndati? Kuenda uyaki waco u ka linga nye?
3. Ndomo ca lekisiwa vociluvialuvia Helie oka songola uyaki waco? Momo lie a kuetele ekolowa? Kuenda osipata eye a kuete yi lomboloka nye?
4. Nda tua tala Kesapulo 10 kuenda 15 momo lie ka ci tu komohisila okuti Suku oka nyõla omanu vãvi?
5. Esapulo 33 Lesapulo 36 kuenda 76 li lekisa ndati okuti Suku oka nyõla omanu vãvi ndaño okuti ovo va popia okuti va fendela Suku?
Apulilo akuavo:
1. Tanga Esituluilo 19:11-16.
(a) Ovisonehua vi lekisa ndati okuti Yesu Kristu eye muẽle wa lekisiwa ndeti kokavalu ka yela? (Esit. 1:5; 3:14; 19:11; Isa. 11:4)
(b) Osonde ya liñisa uwalo wa Yesu yi lekisa ndati oku yula kuaye? (Esit. 14:18-20; 19:13; Isa. 63:1-6)
(c) Helie wa kongeliwa volohoka vi kasi oku kuama Yesu kokavalu kaye kayela? (Esit. 12:7; 19:14; Mat. 25:31, 32)
Oluali Luokaliye Palo Posi
1. Ekalo lipi Embimbiliya li lekisa okuti olio tuka kuata Voluali luokaliye palo posi?
2. Ohuminyo yipi ya lingiwa Vembimbiliya ku vana vaka kala Voluali luokaliye?
3. Otembo yipi Yesu aka tẽlisa apongoloko aco?
4. Eci Yesu a kala palo posi wa lingile nye ci lekisa eci eye aka linga poku viala Vusoma wa Suku?
5. Yesu kumue lava vaka viala laye kilu, vaka lingila nye omanu vaka kala palo posi?
Apulilo akuavo:
1. Tanga Esituluilo 5:9, 10.
Momo lie tu kuetele ekolelo liokuti vana vaka viala vokuenda Kuohũlũkãi yanyamo vaka kala vakuacisola kuenda vakuahenda? (Va Efe. 4:20-24; 1 Pet. 1:7; 3:8; 5:6-10)
2. Tanga Esituluilo 14:1-3.
Nye ci lomboloka onduko ya Isia kuenda onduko ya Kameme oku sonehiwa kovipolo vio 144.000 komanu? (1 Va Kor. 3:23; 2 Tim. 2:19; Esit. 3:12)
Ndomo tu Pondola Oku Kala Otembo ka yi Pui
1. Nye tu sukila oku lilongisa nda tu yongola oku kala otembo yenda ño hũ?
2. Tu lilongisa ndati eci catiamẽla ku Yehova kuenda ku Yesu ndomo ca lekisiwa la kafeko u kumue lakamba vaye vociluvialuvia eci?
3. Elivulu lipi likuavo o lete vociluvialuvia eci? Kuenda momo lie tu kuetele oku li tanga olonjanja viosi?
4. Oku lilongisa catiamẽla ku Yehova kuenda ku Yesu hacoko lika ci sukiliwa oco tu kuate omuenyo ko pui. Oco hẽ nye vali ci sukiliwa?
5. Nye tua lilongisa Kesapulo 69?
6. Ongangu yipi yiwa ya lekisiwa lumalẽhe Samuele Kesapulo 55?
7. Tu kuama ndati ongangu ya Yesu Kristu? Nda tua ci linga, cika tu kuatisa oku linga nye kovaso yoloneke?
Apulilo akuavo:
1. Tanga Yoano 17:3.
Ovisonehua vi lekisa ndati okuti oku kuata ukũlĩhĩso wa Yehova kuenda wa Yesu Kristu ka ci lomboloka lika oku patekela ovina? (Mat. 7:21; Tia. 2:18-20; 1 Yoa. 2:17)
2. Tanga Osamo 145:1-21.
(a) Esunga lipi tu kuete lioku sivaya Yehova? (Osa. 145:8-11; Esit. 4:11)
(b) Yehova wa lingila ndati “vosi ohenda”? Kuenda eci ci tu vetiya ndati oku linga akamba vaye? (Osa. 145:9; Mat. 5:43-45)
(c) Nda Yehova ekamba lietu, cika tu vetiya oku linga nye? (Osa. 119:171, 172, 175; 145:11, 12, 21)