Nda Lipongiya hẽ?
Nda Lipongiyila hẽ Oku Kunda Lekongelo?
O pondola oku kala ukundi ka papatisiwile nda . . .
Wa siata oku lilongisa Embimbiliya, oku likutilila, loku endaenda kolohongele viekongelo.
O sole kuenda o tava kovina wa siata oku lilongisa, loku lekisa onjongole yoku vi sapuila komanu vakuavo.
O sole Yehova kuenda wa nõla akamba vana vo solevo.
Nda onduko yove ka yi pangi vali onepa kulala wolonduko viomanu vakuacisoko copulitika, ale ketavo limue liesanda.
Wa kapako olonumbi via Yehova kuenda o yongola oku kala Ombangi ya Yehova.
Nda o liyevite okuti wa lipongiya oco o kunde lekongelo, omunu wa siata oku ku longisa Embimbiliya, o linga esokiyo lioku li sanga lakulu vekongelo, oco va kũlĩhĩse nda wa lipongiyila oku kala ukundi.
Nda li Pongiya hẽ Oco Ndi Papatisiwe?
O pondola oku papatisiwa nda . . .
Ove wukundi umue ka papatisiwile.
Wa siata oku likolisilako oku endaenda kupange woku kunda.
O kuatisa kuenda o pokola kolonumbi vi eciwa ‘lukuenje wa kolelua haeye wa lunguka.’ —Mateo 24:45-47.
Litumbika ku Yehova pocakati cohutililo kuenda u vumba otembo ka yi pui.
Nda o liyevite okuti wa lipongiyila oku papatisiwa, omunu wa siata oku ku longisa Embimbiliya, o linga esokiyo lioku li sanga lakulu vekongelo, oco va kũlĩhĩse nda wa lipongiyila oku kala Ombangi ya Yehova.