OCIPAMA 38
Sanjukila Ombanjaile Yomuenyo
Kuli ovina vialua vi komõhisa tu pondola oku linga loku sanjukila omo liomuenyo tu kuete. Ndaño tu liyaka lovitangi vialua, tu pondola oku sanjukila ovina vimue viomuenyo. Tu lekisa ndati okuti, tua sanjukila ombanjaile yomuenyo? Lipi esunga lia velapo lioku ci linga?
1. Momo lie tu sukilila oku sanjukila omuenyo?
Tu sanjukila omuenyo omo okuti, ombanjaile yimue yi tunda ku Isietu ukuacisola, Yehova. Eye ‘ono yomuenyo’—wa lulika omuenyo wosi. (Olosamo 36:9) “Eye eca omuenyo komanu vosi lefuimo kuenda ovina viosi.” (Ovilinga 17:25, 28) Yehova o tu ĩha ovina tu sukila oco tuamameko lomuenyo. Handi vali, eye o tata omuenyo wetu lonjila yecelela okuti, tu kuata esanju.—Tanga Ovilinga 14:17.
2. Tu lekisa ndati ku Yehova okuti, tua sanjukila ombanjaile yomuenyo?
Oku upisa vepuluvi ina yove a ku mina, Yehova wa ku tata. Lekuatiso lia Suku, ufendeli umue wa Suku okuti Daviti, wa popia hati: “Ovaso ove a ndi mola osimbu sia citiwile.” (Olosamo 139:16) Yehova wa kapako calua omuenyo wove. (Tanga Mateo 10:29-31.) Omo liaco, eye o sumua calua nda umue o ponda ukuavo kocipango, ale eye muẽle o liupa omuenyo waye.a (Etundilo 20:13) Ci sumuisavo Yehova nda tu kapa kohele omuenyo wetu ale ka tu kuata utate woku teyuila omuenyo wa vakuetu. Nda tu tata ciwa omuenyo wetu loku sumbila omuenyo wa vakuetu, tu lekisa okuti, tua sanjukila ombanjaile yi komõhisa yomuenyo.
LILONGISA ONDONGOSI
Kũlĩhĩsa olonjila vimue o pondola oku lekisa okuti, wa sanjukila ombanjaile yomuenyo.
3. Tata ciwa uhayele wove
Akristão vana va litumbika, otembo yosi va talavaya ciwa lomuenyo wavo oco va vumbe Yehova. Eci ci kasi ndoku eca atimba avo ndocilumba ku Suku. Tanga Va Roma 12:1, 2, noke konomuisa apulilo a kuãimo:
Nye ci ku vetiya oku tata ciwa uhayele wove?
Vipi olonjila vimue vioku ci linga?
4. Kuata utate kovina viosi o linga oco lomue ka ka li lemẽhe, ale oku pumba omuenyo
Embimbiliya li tu lungula oku yuvula oku linga ovina vi koka ohele. Tala OVIDEO oco o lilongise ovina vimue o sukila oku linga okuti, o kolapo.
Tanga Olosapo 22:3, kuenje kũlĩhĩsi ndomo ove lomanu vakuavo vu pondola oku kolapo . . .
konjo.
kocitumãlo cove cupange.
poku linga olomapalo.
poku endisa ocendelo cimue.
5. Sumbila omuenyo woñaña yi kasi vimo
Vupopi umue wocindekaise, Daviti wa lombolola okuti, Yehova o lekisa onjongole yoku kũlĩha ovina viosi vi pita loñaña yimue osimbu yi kulila vimo lia ina yaye. Tanga Olosamo 139:13-17, noke konomuisa epulilo li kuãimo:
Kovaso a Yehova, omuenyo womunu u fetika eci a miniwa, ale ceci a citiwa?
Ovihandeleko Yehova a ecele ku va Isareli vo kosimbu, via enda oku teyuila ina kuenda oñaña yaye yi kasi vimo. Tanga Etundilo 21:22, 23, noke konomuisa apulilo a kuãimo:
Yehova o tenda ndati omunu una okuti, o pulumũla, pole, ka ci lingile kocipango?
Eye o liyeva ndati eci umue a ci linga kocipango?b
Ove o tenda ndati ocisimĩlo ca Suku?
Ndaño muẽle ukãi umue okuti wa sumbila omuenyo, o pondola oku sima okuti, oku pulumũla oyo lika onjila ya sunguluka kokuaye. Tanga Isaya 41:10, noke konomuisa apulilo a kuãimo:
Nda ukãi umue o kisikiwa oku pulumũla, kulie a sukila oku pinga ekuatiso? Momo lie?
OMANU VAMUE VA POPIA VATI: “Ukãi eye o nõla nda o pulumũla ale sio—etimba liaye.”
Nye ci ku vetiya oku tava okuti, Yehova wa kapako esilivilo liomuenyo wa ina kuenda woñaña yi kasi vimo liaye?
NYE WA LILONGISA?
Embimbiliya li tu longisa oku sola, oku sumbila kuenda oku teyuila ombanjaile yomuenyo Yehova a tu ĩha. Mua kongela omuenyo wetu muẽle kuenda wa vakuetu.
Oku Pitulula
Momo lie omuenyo womanu u kuetele esilivilo ku Yehova?
Yehova o liyeva ndati nda umue o ponda omunu ukuavo kocipango?
Nye o sole catiamẽla kombanjaile yomuenyo?
OCO O KŨLĨHE OVINA VIKUAVO
Tu eca ndati olopandu ku Yehova omo liombanjaile yomuenyo?
Sanga etambululo liepulilo liokuti, Suku o ka ecela hẽ ukãi wa pulumũla?
“Nye Embimbiliya li Popia Catiamẽla Koku Pulumũla?” (Ocipama ci sangiwa lika vo Internet)
Lilongisa ndomo ocisimĩlo ca Suku catiamẽla komuenyo ci tu kuatisa oku nõla olomapalo.
Nye ci lingiwa nda omunu umue o kuete ovisimĩlo vioku li ponda? Kũlĩhĩsa ndomo Embimbiliya li eca ekuatiso.
a Yehova o tata vakuavitima via teka. (Olosamo 34:18) Eye o kuete elomboloko liovisimĩlo vi vetiya omanu oku kuata onjongole yoku liponda kuenda o lekisa onjongole yoku eca ekuatiso liaye. Oco o kũlĩhe ndomo eye a eca ekuatiso li pamisa komunu o kuete ovisimĩlo vioku liponda, tanga ocipama losapi hati: “Ndi Yongola Oku fa—Anga hẽ Embimbiliya li Ndi Kuatisa Nda Ndi Kasi Oku Kuata Ovisimĩlo Vioku Liponda?” ci sangiwa vulala wonepa “Oco o Kũlĩhe Ovina Vikuavo” vocipama cilo.
b Vana va pulumũla okuti ka va ci lingile kocipango, ka va sukila oku livetela evelo—Yehova o pondola oku va ecela. Oco o kũlĩhe olonumbi vikuavo, tala ocipama losapi hati: “Nye Embimbiliya li Popia Catiamẽla Koku Pulumũla?” ci sangiwa ponepa Oco o Kũlĩhe Ovina Vikuavo vocipama cilo.