APULILO EMBIMBILIYA A TAMBULUIWA
Anga hẽ ongongo ya lulikiwa locimãho cimue?
Ongongo ya lulikiwa oco mu kale omanu va sanjuka
Ongongo yetu omo lika mu sangiwa omuenyo. Muli ovava alua a kuete esilivilo komuenyo. Oku ñuala kuongongo, kuenda ndomo ya sevetiwa vi kuatisa koku teyuila ovava okalunga oco ka a ka linge ekokoto ale oku takata. Ofela kuenda olongusu vikuavo, vi teyuila ongongo kolosongo viekumbi. Ukamba u kasi pokati kovikũla lovinyama vi sangiwa vongongo, u komohĩsa. Omanu valua va pitĩla petosi lioku popia okuti, ongongo yetu ya lulikiwa locimãho cimue.—Tanga Isaya 45:18.
Pole citava okuti pamue o lipula ndoco, ‘Ohali kuenda ekambo liesunga, viatiamẽla hẽ kocimãho caco?’—Tanga Esinumuĩlo 32:4, 5.
Anga hẽ ocipango catiamẽla kongongo ci ka tẽlisiwa?
Ongongo ya lulikiwa oco yi kale ocitumãlo cesanju comanu vana va lisumbila pokati haivo va sole Ululiki wavo. Omuenyo womunu u kuete ocimãho ca velapo okuti ovikũla ale wovinyama ci sule. Etu tu pondola oku kũlĩha Ululiki wetu lovituwa viaye kuenda oku setukula ocisola caye lesunga liaye.—Tanga Ukundi 12:13; Mika 6:8.
Ululiki wetu o pondola oku tẽlisa ocipango caye cosi. Omo liaco tu sukila oku kolela okuti o ka malako ohali lekambo liesunga kuenda oku pongolola oluali oco lu kale ocitumãlo ciwa comanu.—Tanga Osamo 37:11, 29; Isaya 55:11.