Oku Pitulula Osikola Yupange Wakristão

Apulilo a kuãimo a ka tambuluiwa koku pitulula Osikola Yupange Wakristão kosemana yi fetika keteke 26 Yenyenye yunyamo wo 2013. Ateke a molẽha kepulilo lepulilo, a sokiyiwa locimãho coku linga akonomuiso poku pongiya osikola osemana losemana.

1. Ocina cipi ci kuete esilivilo tu pondola oku lilongisila ku Soma Herode, koku kuata onjongole ka ya sungulukile yoku sivayiwa lomanu? (Ovil 12:21-23) [1 Yeva. Lin., w08 15/5 kem. 32. oci. 7]

2. Amalẽhe Akristão va kuatisiwa ndati poku konomuisa loku kuama ongangu ya Timoteo? (Ovil. 16:1, 2) [8 Yeva. Lin., w08 15/5 kem. 32 oci. 10]

3. Prisila la Akuila va kuatisa ndati Apolosi noke yoku yeva ndomo a kala ‘oku longisa lutõi’ vosunangonga yo ko Efeso? (Ovil. 18:24-26) [15 Yeva. Lin., w10 15/6 kem. 11 ocin. 4]

4. Onumbi yipi Yovisonehua Olombangi Via Yehova via siata oku kuama vekanga oco va kuate omoko yoku linga upange woku kunda? (Ovil. 25:10-12) [22 Yeva. Lin., bt kem. 198 oci. 6]

5. Omo okuti Upostolo Paulu wa sanga olonjila vioku amamako oku kunda osimbu a kala vokayike ko Roma, afendeli va Yehova koloneke vilo, va setukula ndati ongangu yaye? (Ovil. 28:17, 23, 30, 31) [29 Yeva. Lin., bt kam. 215-217 ovi. 19-23]

6. Momo lie Embimbiliya li pisila ocituwa comanu va lipekela ulume lulume ale ukãi lukãi, kuenda ovina vikuavo vi kutisa osõi? (Va Rom. 1:26, 27) [5 Yenye., g 12/1 kem. 28 oci. 7]

7. ‘Ocisembi ca eciwa la Kristu Yesu,’ kunyamo wa 33 K.K., ca tuvika ndati ‘akandu a lingiwa kosimbu,’ osimbu handi ka ca fetiwile? (Va Rom. 3:24, 25) [ 5, Yenye. w08 15/ 6. Kem 29 oci. 6]

8. Eliangiliyo lipi liocisola Yehova a siata oku linga eci tu liyaka lovitangi okuti ka tua kũlĩhĩle ovina tu pinga vohutililo? (Va Rom. 8:26, 27) [12, Yenye., w08 15/6 kem. 30 ocin. 10]

9. Olondaka viokuti, “poki akombe” vi lomboloka nye? (Va Rom. 12:13) [19, Yenye., w09 15/10 kem. 5-6 ovin. 12-13]

10. Tu pondola ndati oku kapako olondaka via Paulu viokuti “wali Ñala Yesu Kristu”? (Va Rom. 13:14) [26, Yenye. w05 15/1 kem. 23 ovin. 20-22]