Oku Pitulula Osikola Yupange Wakristão
Apulilo a kuãimo a ka tambuluiwa koku pitulula Osikola Yupange Wakristão kosemana yi fetika keteke 29 Yevambi, yunyamo wo 2015. Ateke a tukuiwa oco a tu kuatise oku kũlĩhisa atambululo poku pongiya osikola olosemana viosi.
Ocituwa cipi ka ca sungulukile Mikale a lekisa poku sapela la Daviti, kuenda nye olohueli vi li longisila kulandu waco? (2 Sam. 6:20-23) [11 ya Kupe. w11 1/10 kem. 10]
Uprofeto Natana wa tendele ndati elungulo Yehova o wihĩle omo lioku sapuila Daviti oco a songuile upange woku tunga onembele ya Yehova? (2 Sam. 7:2, 3) [11 ya Kupe. w12 15/2 kem. 24 ovin. 6-7]
Momo lie Natana ka sapulile Daviti okuti eye o kuete eko liovina viosi via kala oku pita, pole, wa tukula ulandu u sangiwa kelivulu 2 Samuele 12:1-7? Ulandu waco upondola ndati oku tu kuatisa oku kala alongisi vawa? [18 ya Kupe. w12 15/2 kem. 24 ovin. 2-4]
Momo lie Avisalome a kembela va Isareli, kuenda tu pondola ndati oku li teyuila komanu vana va kasi nda “Avisalome,” koloneke vilo? (2 Sam. 15:6) [25 ya Kupe w12 15/7 kem. 13 ocin. 7]
Yehova wa teyuila ndati Daviti vokuenda kuotembo yovitangi, kuenda ulandu waco u tu lilongisa nye? (2 Sam. 17:27-29) [1 Yev. w08 15/9 kem.5 ovin.15-16]
Tu pondola ndati oku kuatisiwa lulandu wa Daviti woku linga ukamba lulume umue ocingendeleyi o tukuiwa hati Itai? (2 Sam. 18:2) [1 Yev. w09 15/5 kem.27]
Akulu vekongelo va pondola ndati oku kuatisiwa lulandu wa Barisilai? (2 Sam. 19:33-35) [8 Yev. w07 15/7 kem.14, kelimi Lioputu.]
Olondaka via Daviti vioku kala ukuacili vi kuatisa ndati afendeli va Yehova koloneke vilo? (2 Sam. 22:26) [15 Yev. w10 1/6 kem. 26, kelimi Lioputu.]
Natana wa lekisa ndati okuti wa kala ukuacili ku Suku kuenda tu pondola ndati oku lekisa ocituwa caco koloneke vilo? (1 Olos. 1:11-14) [22 Yev. w12 15/2 kem. 25]
Kolonepa vipi ufendeli wa Suku a pondola oku yapuisiwa lovisimĩlo viekambo lioku lipua oco a pengise olonumbi via Yehova ndeci Salomone a linga? (1 Olos. 3:1) [29 Yev. w11 15/12 kem. 11 ocin. 14]