A VWỌ YANMUẸ OHWO NA
UYONO 8
Vwo Edirin
Odjekẹ ri Baibol: “Ẹguọnọ vwo edirin.”—1Kọ 13:4.
Obo ri Jesu Ruru
1. Ni IVIDIO na, yẹrẹ se Jọn 7:3-5 kugbe 1 Kọrẹnt 15:3, 4, 7, rere ovwan ta ota kpahen enọ ri nenire:
Ẹro vọ yen iniọvo ri Jesu ke vwo nẹ ovuẹ rọyen?
Die yen djerephia nẹ Jesu je davwẹngba rọ vwọ vwẹ ukẹcha kẹ Jems rọ dia oniọvo rọyen?
Die Yen Avwanre Yono Mie Jesu?
2. Ofori nẹ avwanre vwo odirin rẹ ihwo kidie ọ reyọ ihwo evo ọke grongron vrẹ efa tavwen ayen ki rhiabọreyọ ovuẹ rẹ iyẹnrẹn esiri na.
Vwẹrokere Jesu
3. Davwen ona ọfa ni. Ohwo na rhe rhiabọreyọ uyono ri Baibol ugege yena-a, wọ gba-a. O de shephiyọ, vwẹ ividio yẹrẹ iyovwinreta sansan vwọ vwẹ ukẹcha kẹ vwo vwo ẹruọ rẹ obo re ruẹ uyono ri Baibol wan vẹ oborẹ ọ sa vwọ mrẹ erere norhe.
4. Wọ vwọ vwanvwan ihwo efa-a. Ihwoeje dia abavo-o. Siẹrẹ ohwo rẹ orua yẹrẹ orhivwinbrura wẹn ọvo de siomauko ro vwo yono Baibol na yẹrẹ ọ guọnọ rhọnvwephiyọ uyono rẹ Baibol ọvo-o, gbe roro kpahen oboresorọ o vwo ru ọtiọyen. O vwo uyono rẹ ẹga ọvo rọ ghanre kẹ mamọ? O hirharokuẹ ukeke ro nẹ obọ rẹ orua yẹrẹ igbeyan cha? Vwẹ ọke kẹ ro vwo roro kpahen oborẹ wọ tare na, ọ je mrẹ ọghanrovwẹ rẹ oborẹ Baibol na tare.
5. Nẹrhovwo kpahen ohwo na. Rẹ Jihova nẹ ọ chọn wẹ uko vwo vwo omamọ rẹ ẹwẹn kpahen ohwo na ji muọghọ kẹ. Wọ me je vuẹ nẹ ọ chọn wẹ uko vwọ riẹn sẹ ohwo na vwo omavwerhovwẹn kpahen uyono na-a, rere wọ sa vwọ dobọ rẹ uyono na ji.—1Kọ 9:26.