Ukeri

1 Jihova da ta ota kẹ Mosis vwẹ aton ri Sainai, vwẹ utughẹ ra da vwoma na, vwẹ ẹdẹ rẹsosuọ rẹ emeranvwe rivẹ na, vwẹ ukpe rivẹ rẹ ayen vwo vrẹn nẹ otọ rẹ Ijipt nu. Ọ da ta: 2 “Kere ọghwẹgbe rẹ ihwo rẹ Izrẹl* eje, ọvuọvo vwo nene erua rayen, vwo nene iwevwin rẹ esẹ rayen, vwo nene ukeri rẹ edẹ rẹ eshare na eje. 3 Wẹ vẹ Erọn mi si edẹ rẹ ihwo na phiyotọ ẹkuẹko,* ayen eje ri te ẹgbukpe 20 kpenu re sa ga kerẹ isodje vwẹ Izrẹl.

4 “Reyọ ọshare ọvo nene oma vwo nẹ uvwiẹ ọvuọvo; ọvuọvo rayen me dia ọgbuyovwin rẹ uwevwin rẹ ọsẹ rọyen. 5 Enana yen edẹ rẹ eshare re cha vwẹ ukẹcha kẹ wẹ: vwo nẹ uvwiẹ ri Rubẹn, Ẹlaizọ ọmọ ri Shẹdaọ; 6 vwo nẹ uvwiẹ ri Simiọn, Shilumiẹl ọmọ ri Zurishadai; 7 vwo nẹ uvwiẹ ri Juda, Nashọn ọmọ rẹ Aminadab; 8 vwo nẹ uvwiẹ rẹ Isaka, Nẹtanẹl ọmọ ri Zua; 9 vwo nẹ uvwiẹ ri Zẹbulọn, Elayab ọmọ ri Hilọn; 10 vwo nẹ uvwiẹ rẹ Ifrem ọmọ ri Josẹf, Ẹlishama ọmọ rẹ Amaihọd; vwo nẹ uvwiẹ ri Manasẹ ọmọ ri Josẹf, Gameliẹl ọmọ ri Pẹdazọ; 11 vwo nẹ uvwiẹ ri Bẹnjamin, Abidan ọmọ ri Gidiọnai; 12 vwo nẹ uvwiẹ ri Dan, Ahaiza ọmọ rẹ Amashada; 13 vwo nẹ uvwiẹ rẹ Asha, Pegiẹl ọmọ rẹ Ọkran; 14 vwo nẹ uvwiẹ ri Gad, Elayasaf ọmọ ri Duẹl; 15 vwo nẹ uvwiẹ ri Naftalai, Ahaira ọmọ rẹ Inan. 16 Enana yen ihwo ra sanere vwo nẹ ọghwẹgbe na. Ayen isun rẹ uvwiẹ rẹ esẹ rayen, igbuyovwin rẹ ẹkuẹko uriorin rẹ Izrẹl.”

17 Ọtiọyena Mosis vẹ Erọn da reyọ eshare nana rẹ Ọghẹnẹ sanere na. 18 Ayen de koko ọghwẹgbe na eje vwẹ ẹdẹ rẹsosuọ rẹ emeranvwe rivẹ na, rere e se vwo si odẹ rayen ọvuọvo phiyotọ, ọ rẹ orua rayen, kugbe ọ rẹ iwevwin rẹ esẹ rayen, vwo nẹ ẹgbukpe 20 kpenu, 19 kirobo rẹ Jihova ji iji rọyen kẹ Mosis. Ọtiọyena o de si edẹ rayen phiyotọ vwẹ aton ri Sainai.

20 E si edẹ rẹ emọ* ri Rubẹn, emọ rẹ ọmọkpako rẹ Izrẹl phiyotọ vwo nene odẹ, orua, kugbe iwevwin rẹ esẹ rayen. E kerẹ eshare na eje ọvuọvo rehẹ ẹgbukpe 20 kpenu re sa ga kerẹ isodje, 21 ukeri rẹ ihwo re si phiyotọ vwẹ uvwiẹ ri Rubẹn da dia 46,500.

22 E si edẹ rẹ emọ ri Simiọn phiyotọ vwo nene odẹ, orua, kugbe iwevwin rẹ esẹ rayen. E kere eshare na eje ọvuọvo rehẹ ẹgbukpe 20 kpenu re sa ga kerẹ isodje, 23 ukeri rẹ ihwo re si phiyotọ vwẹ uvwiẹ ri Simiọn da dia 59,300.

24 E si edẹ rẹ emọ ri Gad phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 25 ukeri rẹ ihwo re si phiyotọ vwẹ uvwiẹ ri Gad da dia 45,650.

26 E si edẹ rẹ emọ ri Juda phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 27 ukeri rẹ ihwo re si phiyotọ vwẹ uvwiẹ ri Juda da dia 74,600.

28 E si edẹ rẹ emọ rẹ Isaka phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 29 ukeri rẹ ihwo re si phiyotọ vwẹ uvwiẹ rẹ Isaka da dia 54,400.

30 E si edẹ rẹ emọ ri Zẹbulọn phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 31 ukeri rẹ ihwo re si phiyotọ vwẹ uvwiẹ ri Zẹbulọn da dia 57,400.

32 E si edẹ rẹ emọ rẹ Ifrem ọmọ ri Josẹf phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 33 ukeri rẹ ihwo re si phiyotọ vwẹ uvwiẹ rẹ Ifrem da dia 40,500.

34 E si edẹ rẹ emọ ri Manasẹ phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 35 ukeri rẹ ihwo re si phiyotọ vwẹ uvwiẹ ri Manasẹ da dia 32,200.

36 E si edẹ rẹ emọ ri Bẹnjamin phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 37 ukeri rẹ ihwo re si phiyotọ vwẹ uvwiẹ ri Bẹnjamin da dia 35,400.

38 E si edẹ rẹ emọ ri Dan phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 39 ukeri rẹ ihwo re si phiyotọ vwẹ uvwiẹ ri Dan da dia 62,700.

40 E si edẹ rẹ emọ rẹ Asha phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 41 ukeri rẹ ihwo re si phiyotọ vwẹ uvwiẹ rẹ Asha da dia 41,500.

42 E si edẹ rẹ emọ ri Naftalai phiyotọ vwo nene odẹ, orua, kugbe iwevwin rẹ esẹ rayen. E kere eshare na eje rehẹ ẹgbukpe 20 kpenu re sa ga kerẹ isodje, 43 ukeri rẹ ihwo re si phiyotọ vwẹ uvwiẹ ri Naftalai da dia 53,400.

44 Mosis vẹ Erọn kugbe isun 12 rẹ Izrẹl ri mudia kẹ uwevwin rẹ esẹ rayen ọvuọvo yen si edẹ rayen phiyotọ. 45 Ihwo rẹ Izrẹl eje rehẹ ẹgbukpe 20 kpenu re sa ga kerẹ isodje vwẹ Izrẹl yen e si edẹ rayen phiyotọ vwo nene uwevwin rẹ esẹ rayen, 46 ukeri rayen eje re si phiyotọ da dia 603,550.

47 Ẹkẹvuọvo, e si edẹ rẹ ihwo ri Livae na phiyotọ vwẹ usun ihwo re kereri vwo nene uvwiẹ rẹ esẹ rayeen. 48 Ọtiọyena Jihova da ta kẹ Mosis: 49 “Uvwiẹ ri Livae ọvo yen wo che jẹ esio phiyotọ, wọ je vwẹ ukeri rayen vwọ ba ọ rẹ ihwo rẹ Izrẹl ri chekọ naa. 50 Wọ me vwẹ ihwo ri Livae na vwo mu vwẹ enu rẹ itabanako rẹ Oseri na kugbe enu rẹ ekuakua rọyen eje kugbe erọnvwọn eje rehẹ evun rọyen. Ayen yen che mu itabanako na kugbe ekuakua rọyen eje, ayen yen je cha ga vwọ, ayen mi ji won riariẹ itabanako na phiyọ. 51 Kọke kọke re de che mu itabanako na, ihwo ri Livae na yen cha ghan nu; ọke ra da cha reyọ vwo vi, ihwo ri Livae na keyen je ghan phiyọ; kohwo kohwo ra rhọnvwe kẹẹ* ro sikẹrẹ, ka teyọn hwe.

52 “Ohwo rẹ Izrẹl ọvuọvo me vwẹ utughẹ rọyen vwo vi vwẹ asan ra vwọ kẹ nẹ o wonphiyọ,* a me ghare ayen ohwo ọvuọvo phiyọ ẹkuẹko* vwo nene uvwiẹ erherha.* 53 Ihwo ri Livae na mi won riariẹ itabanako rẹ Oseri na phiyọ, rere ophu ọgangan vuọvo vwo jẹ ẹtua kpahan ọghwẹgbe rẹ ihwo rẹ Izrẹl na; ihwo ri Livae na yen vwo oghwa rẹ ayen vwọ vwẹrote* itabanako rẹ Oseri na.”

54 Ihwo rẹ Izrẹl de ru erọnvwọn eje rẹ Jihova ji iji rọyen kẹ Mosis. Ọyen oborẹ ayen ghini ru.