Joshua
19 Ọyena vwọ wan nu, itẹ rivẹ na de mu Simiọn, vwọ kẹ uvwiẹ ri Simiọn vwo nene erua rayen. Uku rayen hẹ evunrẹ uku ri Juda. 2 Uku rayen yen Biẹ-shiba vẹ Shiba, Moleda, 3 Heza-shual, Belah, Izẹm, 4 Ẹltolad, Bitol, Họma, 5 Ziklag, Bẹt-makabọt, Heza-susa, 6 Bẹt-lebeọt, kugbe Sheruhẹn—irere 13 vẹ eko rayen; 7 Ein, Rimọn, Ita, kugbe Eshan—irere ẹne vẹ eko rayen; 8 vẹ eko na eje re riariẹ irere nana rhirin re te Belat-biẹ, Rema rẹ obọrhen ọnre na. Ọnana yen uku rẹ uvwiẹ ri Simiọn vwo nene erua rayen. 9 Vwevunrẹ ẹkẹn ra ghare kẹ Juda, ọyen a reyọ uku rẹ uvwiẹ ri Simiọn nurhe, kidie ẹkẹn ri Juda rho nọ kẹ ayen. Ọtiọyena a da ghare ughwẹ vwọ kẹ uvwiẹ ri Simiọn vwevunrẹ uku rayen.
10 Ọyena vwọ wan nu, itẹ rerha na de mu uvwiẹ ri Zẹbulọn vwo nene erua rayen, ughwru rẹ uku rayen hẹre re te Serid. 11 Ughwru rayen de kpenu vwẹ ẹbẹre ọnre shera kpo Marial re te Dabishẹt, o de rhe kpo iyara* rọhẹ obaro rẹ Jọkniam. 12 Ughwru na de nẹ Serid vwẹ ẹbẹre ọnre va nẹcha, kpo ughwru ri Kislọt-tebọ, o de nẹ etiyin kpo Daberat, o de rhe kpenu kpo Jefaya. 13 O de nẹ etiyin wan ẹbẹre ọnre va nẹcha kpo Gat-hifa, kpo Ẹt-kezin, o de rhe kpo Rimọn, ọ da je hẹre te Nia. 14 Ughwru na de kion riariẹ vwẹ obohwẹre ọnre kpo Hanatọn, o de vwoba vwẹ Iyara rẹ Ifta-ẹl, 15 vẹ Katat, Nahalọ, Shimrọn, Aidala, kugbe Bẹtlẹhẹm—irere 12 vẹ eko rayen. 16 Ọnana yen uku rẹ uvwiẹ ri Zẹbulọn vwo nene erua rayen. Enana yen irere na kugbe eko rayen.
17 Itẹ rẹne na de mu Isaka, vwọ kẹ uvwiẹ rẹ Isaka vwo nene erua rayen. 18 Ughwru rayen yen kpo Jẹzriẹl, Kẹsolọt, Shunẹm, 19 Hafareim, Shaiọn, Anaherat, 20 Rabit, Kishiọn, Ibẹz, 21 Rimẹt, Ẹn-ganim, Ẹn-hada, vẹ Bẹt-pazẹz. 22 Ughwru na te Tebọ vẹ Shehazuma kugbe Bẹt-shimẹsh, oba rẹ ughwru rayen yen Jọdan na—irere 16 vẹ eko rayen. 23 Ọnana yen uku rẹ uvwiẹ rẹ Isaka vwo nene erua rayen, irere na kugbe eko rayen.
24 Itẹ riyorin na de mu uvwiẹ rẹ Asha vwo nene erua rayen. 25 Ughwru rayen yen Hẹlkat, Helai, Bitẹn, Akshaf, 26 Alamẹlẹk, Emad, vẹ Maishal. O kpo ẹbẹre ọnre shera kpo Kamẹl vẹ Shaihọ-libnat, 27 o de rhivwin kpuko kpo ẹbẹre ọnre va nẹcha ri Bẹt-degọn, o de te Zẹbulọn vẹ Iyara rẹ Ifta-ẹl rọhẹ obohwẹre ọnre, re te Bẹt-imẹk vẹ Niaẹl, ọ da hẹre te Kebọl vwẹ obohwẹre, 28 kugbe re te Ibrọn, Rihọb, Hamọn, vẹ Kena rhirin re te Saidọn Rode. 29 Ughwru na de rhivwin kpo Rema rhirin re te orere ri Taya ra gbogba riariẹ na. Ughwru na de rhe rhivwin kpo Hosa, o de vwoba vwẹ asan abadi na, vwẹ ekogho rẹ Akzib, 30 Ọma, Efẹk, kugbe Rihọb—irere 22 vẹ eko rayen. 31 Ọnana yen uku rẹ uvwiẹ rẹ Asha vwo nene erua rayen. Enana yen irere na kugbe eko rayen.
32 Itẹ resan na de mu uvwiẹ ri Naftalai, vwọ kẹ uvwiẹ ri Naftalai vwo nene erua rayen. 33 Ughwru rayen de nẹ Hilẹf, vwo nẹ asan rẹ urhe rode na vwẹ Zeananim, vẹ Adami-nikẹb kugbe Jabnil, rhirin re te Lakọm; o de vwoba vwẹ Jọdan na. 34 Ughwru na de rhivwin kpuko kpo ẹbẹre ọnre shera kpo Aznọt-tebọ, ọ da hẹre nẹ etiyin re te Hukkọk, ji te Zẹbulọn vwẹ obọrhen ọnre na, kugbe Asha vwẹ ẹbẹre ọnre shera re te Juda vwẹ Jọdan na, vwẹ ẹbẹre ọnre va nẹcha. 35 Irere ra gbogba riariẹ na yen Zidim, Zẹ, Hamat, Rakat, Kinẹrẹt, 36 Adama, Rema, Hezọ, 37 Kidẹsh, Ẹdriai, Ẹn-hezọ, 38 Yairọn, Migdal-ẹl, Horẹm, Bẹt-enat, kugbe Bẹt-shimẹsh—irere 19 vẹ eko rayen. 39 Ọnana yen uku rẹ uvwiẹ ri Naftalai vwo nene erua rayen, irere na kugbe eko rayen.
40 Itẹ righwrẹn na de mu uvwiẹ ri Dan vwo nene erua rayen. 41 Ughwru rẹ uku rayen yen Zora, Ẹshtaọl, Ẹ-shimẹsh, 42 Shealabin, Aijalọn, Itla, 43 Ilọn, Timna, Ẹkrọn, 44 Ẹlteka, Gibẹtọn, Belat, 45 Jihọd, Bẹnẹ-birak, Gat-rimọn, 46 Mẹ-jakọn, kugbe Rakọn, vẹ ughwru na ro hirharoku Jọpa. 47 Ẹkẹvuọvo ekogho ri Dan keke nọ kẹ ayen. Ọtiọyena ayen da yanran re nene Lishẹm họnre, ayen de phio kparobọ je vwẹ ọlọkọ hwe ihwo rehẹ evun rọyen. Ayen da reyọ vwọ re ughwẹ je dia evun rọyen, ayen de wene odẹ ri Lishẹm kpo Dan, vwo nene odẹ rẹ ọsẹ rayen rode. 48 Ọnana yen uku rẹ uvwiẹ ri Dan vwo nene erua rayen. Enana yen irere na kugbe eko rayen.
49 Enẹ kọyen ayen vwọ ghare otọ na re kerẹ uku vwo nene ekogho rayen. Ọyena vwọ wan nu, ihwo rẹ Izrẹl na da ghare uku kẹ Joshua ọmọ ri Nọn vwẹ ohri rayen. 50 Vwo nene iji ri Jihova, ayen da vwẹ orere ri Timnat-sira rọhẹ ekogho rẹ igbenu rẹ Ifrem rọ nokpẹn rọyen na vwọ kẹ, ọ da bọn orere na je dia evun rọyen.
51 Enana yen uku rẹ Ẹlieza orherẹn na, Joshua ọmọ ri Nọn, vẹ igbuyovwin rẹ iwevwin rẹ esẹ rẹ uvwiẹ rẹ Izrẹl vwẹ itẹ ghare vwẹ Shailo vwẹ obaro ri Jihova, vwẹ asan anurhoro rẹ utughẹ ra da vwoma na. Ọtiọyena ayen de ku ẹgharọ rẹ otọ na phiyọ.