4:10-15

Jihova chọn Mosis uko vwo phi oshọ ro muro kparobọ. Die yen avwanre se yono vwo nẹ otaẹtakuẹgbe rẹ Jihova vẹ Mosis?

• Ofori nẹ a kẹnoma kẹ uruemu ra vwọ tẹnroviẹ ovwiẹrẹ romobọ rẹ avwanre

• Avwanre vwo imuẹro kokoroko nẹ Jihova cha kẹ avwanre kemu kemu ra guọnọre vwo ruiruo rẹ avwanre

• Esegbuyota re vwo kpahen Ọghẹnẹ yen cha chọn avwanre uko vwo phi oshọ rẹ ihworakpọ kparobọ

Ẹsosuọ, Mosis vwo ẹwẹn ivivẹ kpahen iruo rẹ Jihova vwọ kẹ. (Eyan. 4:10, 13) Wo roro ọtiọyen jovwo re? Wo nene Iseri ri Jihova yono Baibol na? Wo roro sẹ wo se ghwoghwo vwo nẹ uwevwin kpo uwevwin? Yẹrẹ ọkiọvo wẹwẹ eghene rẹ oshọ ro vwo ghwoghwo ota vwẹ isikuru muẹ. Yẹrẹ oshọ mu we wo vwo vwobọ vwẹ aghwoghwo rẹ azagba yẹrẹ ọ rẹ ifonu. Yare ukẹcha rẹ ẹwẹn ọfuanfon ri Jihova. (1 Pita 4:11) Vwo imuẹro nẹ Jihova cha chọn wẹ uko vwo ruiruo rọ vwọ kẹ wẹ.—Eyan. 4:11, 12.