9. Die yen avwanre yono nẹ owenvwe rẹ Hanah vwori ro vwo kpo Shilo dede nẹ ọ riẹn oborẹ ophrophro rọyen che ruo?

⁹ Vwẹ edegburhiọke rẹ ẹdẹ yena, ihwo eje vwevunrẹ orua na ji te emọ na dede da ton egbemuo phiyọ. Orua rode nana cha yan oyan rọ vrẹ imaili 20 wan orere rẹ Ifrem rọ vọnre vẹ igbenu.b Oyan na cha reyọ ẹdẹ ọvo yẹrẹ ivẹ. Dede nẹ Hanah riẹn oborẹ ophrophro rọyen rọ rioma kpahọn na se ruo, jẹ ọ je ra ghene. O phi omamọ rẹ udje phiyotọ kẹ idibo rẹ Ọghẹnẹ re herọ nonẹna. Aghwanre herọ kakaka siẹrẹ avwanre da dobọ rẹ ẹga ri Jihova ji fikirẹ orharhe uruemu rẹ ihwo efa-a. Kidie ọyena cha nẹrhẹ ebruphiyọ ri Jihova va avwanre abọ.