2. Ebruphiyọ vọ yen Jihova vwọ kẹ Iseri rọyen ri bromaphiyame re?

Wo de bromaphiyame nu, wọ cha rhe dia ẹbẹre ọvo rẹ orua ri Jihova rẹ oma vwerhan. Wo che rhiẹromrẹ ẹguọnọ rọyen vwẹ idjerhe buebun, wo mi ji sikẹrẹ phiyọ. (Se Malakae 3:​16-​18.) Vwọba Jihova wo vwo ru Ọsẹ wẹn, wo che vwo orua rẹ iniọvo buebun vwẹ akpọneje ri vwo ẹguọnọ wẹn vẹ Jihova. (Se Mak 10:​29, 30.) Vwọrẹ uyota, wọ cha jowọ evo tavwen wo ki bromaphiyame. Ofori nẹ wo yono kpahen Jihova, vwo ẹguọnọ rọyen, ji se Ọmọ rọyen gbuyota. Ukuotọ rọyen, kẹ wọ cha vwomakpahotọ kẹ Jihova. Wọ da jowọ nana nure, kẹ wo che bromaphiyame. Ọnana cha nẹrhẹ wọ dia idjerhe rọ cha kẹ wẹ omavwerhovwẹn bẹdẹ. Baibol na da ta: “[“Omaebrophiyame,” NW] sivwẹ ovwan vwẹ asakiephana.”​​—1 Pita 3:​21.

Jesu riẹnre nẹ ihwo rẹ orua rẹ avwanre evo cha guọnọ nẹ a ga Jihova-a. Se Matiu 10:​34-​36, ovwan ta ota kpahen onọ nana:

• Die yen sa phia ọke rẹ ohwo ọvo vwevunrẹ orua de brorhiẹn rọ vwọ ga Jihova?

IVIDIO: Jihova Se Avwanre Te Oma (5:​13)

• Die yen wo che ru siẹrẹ ohwo rẹ orua yẹrẹ ugbeyan wẹn da guọnọ nẹ wọ dobọ rẹ ẹga ri Jihova ji?

Se Une Rẹ Ejiro 27:10 kugbe Mak 10:​29, 30. Ovwan de se ẹkpo ri Baibol ọvuọvo nu, ovwan ta ota kpahen onọ nana:

• Mavọ yen ive nana sa vwọ chọn wẹ uko ọke rẹ ihwo rẹ orua yẹrẹ igbeyan wẹn de muẹkpahen owẹ?