Vwo Ọdavwaro Kpahen Okẹ rẹ Arhọ Na

Erọnvwọn buebun herọ ra sa riavwerhen rọyen vwẹ akpeyeren. E de hirharoku ebẹnbẹn, a sa je riavwerhen rẹ akpeyeren. Mavọ yen e se vwo dje ọdavwaro phia kpahen okẹ rẹ arhọ na? Kẹ, die yen mu avwanre vwo ruo?

1. Diesorọ e vwo dje ọdavwaro phia kpahen arhọ?

Avwanre dje ọdavwaro phia kpahen arhọ kidie ọyen okẹ ro nẹ obọ ri Jihova rhe. Ọyehẹ Ọsẹ rẹ avwanre ro vwo ẹguọnọ. Jihova yen “ogbugbu rẹ arhọ” na, ọ rọ ma arhọ eje. (Une Rẹ Ejiro 36:9) “Ekpuyovwi rọye re kẹ ihwo ejobi arhọ kugbe ẹnwẹn kugbe kemu kemu.” (Iruo Rẹ Iyinkọn Na 17:​25, 28) Jihova kẹ avwanre obo re sa sẹro rẹ arhọ avwanre. Vwọ vrẹ ọyena, o ruo rere a sa vwọ riavwerhen rẹ akpeyeren.​​—Se Iruo Rẹ Iyinkọn Na 14:17.

2. Mavọ yen e se vwo dje ọdavwaro phia kpahen okẹ rẹ arhọ na?

Vwo nẹ ọke ra vwọ hẹ evun rẹ oni avwanre ọyen Jihova vwọ vwẹrote avwanre. Vwẹ ẹrhovwo ọvo re si phiyọ Baibol na, odibo rẹ Ọghẹnẹ ọvo re se Devid da vuẹ: “Ẹro wẹn mrẹ asan ra je ma-a vwẹ oma mẹ.” (Une Rẹ Ejiro 139:16) Arhọ wẹn ghanre kẹ Jihova. (Se Matiu 10:​29-​31.) Ọ da Jihova mamọ siẹrẹ ohwo da vwẹ arogba vwọ teyen oma rọyen yẹrẹ ohwo ọfa hwe.a (Eyanno 20:13) Ọ je cha da Jihova mamọ siẹrẹ e de phi arhọ avwanre phiyọ ẹdia rẹ imuoshọ yẹrẹ a rha sẹro rẹ arhọ rẹ ihwo efa-a. Avwanre da vwẹrote arhọ avwanre ji muoghọ kẹ arhọ rẹ ihwo efa, ọyena che djephia nẹ e vwo ọdavwaro kpahen okẹ rẹ arhọ.

HIẸ KODO

3. Vwẹrote oma wẹn

Inenikristi ri vwomakpahotọ kẹ Jihova reyọ akpeyeren rayen eje vwọ ga Jihova. Kọ ghwa họhọ nẹ ayen vwẹ ugboma rayen vwo ze izobo kẹ Ọghẹnẹ. Se Rom 12:​1, 2, ovwan ta ota kpahen enọ nana:

• Die yen che mu we vwọ vwẹrote oma wẹn?

• Erhọ yen idjerhe evo wo se vwo ru ọtiọyen?

4. Jowọ wọ vwọ kẹnoma kẹ omaẹkuọn yẹrẹ ughwu

Baibol na tare nẹ a kẹnoma kẹ irueru re vọnre vẹ imuoshọ. Hworo IVIDIO na rere wọ mrẹ erọnvwọn evo ro fori nẹ wo ru vwọ sẹro rẹ arhọ wẹn.

IVIDIO: Karophiyọ Omaẹkẹnẹ (8:​34)

Se Isẹ 22:​3, wo roro kpahen oborẹ owẹ vẹ ihwo efa sa vwọ sẹro rẹ arhọ rẹ ovwan . . .

• vwẹ uwevwin wẹn.

• vwẹ obiruo.

• ọke wọ da sasa oma.

• ọke wọ da hẹ imoto, imotosaikoro, idjighere yẹrẹ ọ da dianẹ owẹ yen gua.

5. Muọghọ kẹ ọmọ rọhẹ evun

Vwẹ eta rẹ une aghwanre, Devid tare nẹ Jihova vwo ọdavwẹ kpahen arhọ rẹ ọmọ rọhẹ evun rẹ oni rọyen. Se Une Rẹ Ejiro 139:​13-​17, ovwan ta ota kpahen onọ nana:

• Ọke vọ yen arhọ rẹ ohworakpọ vwọ tuanphiyọ vwẹ ẹro ri Jihova, ọke ra vwọ mrevun rẹ ohwo na gbanẹ ọke re vwo vwiẹ?

Irhi rẹ Jihova vwọ kẹ ihwo rẹ Izrẹl vwẹ ọke awanre sẹro rẹ ini vẹ emọ ra mrevun rayen. Se Eyanno 21:​22, 23, ovwan ta ota kpahen enọ nana:

• Ẹro vọ yen Jihova vwo ni ohwo ro hwe ọmọ re ji vwiẹ-ẹ vwọrẹ jẹriẹn?

• Mavọ yen oma che ru Jihova siẹrẹ ohwo da vwẹ arogba vwo ruo?b

• Mavọ yen oma ru we kpahen ẹro rẹ Jihova vwo no?

Hworo IVIDIO na.

IVIDIO: Vwẹ Ẹro Ọghẹnẹ Vwo ni Arhọ Vwo No (5:​00)

Aye rọ tobọ vwẹ ẹro ọghanghanre vwo ni arhọ se no nẹ evun-ẹkparọn yen idjerhe vuọvo ro chekọ. Se Aizaya 41:​10, ovwan ta ota kpahen enọ nana:

• Aye de hirharokuẹ okeke rọ vwọ kpare evun, ono yen o bru ra vwọ kẹ ukẹcha? Kẹ, diesorọ?

ỌDJẸKOKO

Baibol na yono avwanre nẹ e dje ẹguọnọ vẹ ọghọ phia, je sẹro rẹ okẹ rẹ arhọ rẹ Jihova vwọ kẹ avwanre. Ọnana churobọ si arhọ rẹ avwanre vẹ ọ rẹ ihwo efa.

Ẹrhomafuẹrẹn

• Diesorọ arhọ rẹ ohworakpọ vwọ ghanre kẹ Jihova?

• Ẹro vọ yen Jihova vwo ni ohwo rọ vwẹ arogba vwo hwe ohwo ọfa?

• Diesorọ wo vwo vwo ọdavwaro kpahen okẹ rẹ arhọ na?

HIẸ GUỌNỌ

Mavọ yen a sa vwọ kpẹvwẹ Jihova fikirẹ okẹ rẹ arhọ na?

Une 141​​—Igbevwunu rẹ Arhọ (2:​41)

Mrẹ ẹkpahọnphiyọ rẹ onọ nana, Ọghẹnẹ che vwo ghovwo aye rọ kpare evun jovwo re?

“Die Yen Baibol na Ta Kpahen Evun-ẹkparọ?” (Uyovwinrota rọhẹ jw.org)

Mrẹ oborẹ ẹro rẹ Ọghẹnẹ vwo ni arhọ sa vwọ nẹrhẹ e brorhiẹn rẹ akpọẹriọ rọ cha wan avwanre oma-a.

“‘Ehaẹha rọ Vrẹka’​—Ofori nẹ Wo Vwobọ Vwọ?” (Awake!, October 8, 2000)

Kẹ, ohwo de rhe vwo iroro ro vwo churu ghwu vwo? Mrẹ oborẹ Baibol na sa vwọ chọn uko.

“Me Guọnọ Ghwu​—Baibol na sa Chọn Vwẹ Uko Ọke Mi de Vwo Iroro Mi Vwo Churu Ghwu?” (Uyovwinrota rọhẹ jw.org)