UYONO 02
Baibol na Vọnre vẹ Iphiẹrophiyọ
Ihwo buebun vwẹ akpọ na hirharokuẹ ebẹnbẹn re nẹrhẹ ayen muomaphiyọ, ro ẹnwan, tobọ je mrẹ odjadja. Wo hirharoku ẹdia tiọyen jovwo re? Ọ sa dianẹ wọ rioja fikirẹ ọga yẹrẹ ohwo wo vwo ẹguọnọ kpahen ro ghwuru. Wọ sa nọ oma wẹn, ‘Erọnvwọn cha tobọ yovwin?’ Baibol na vwo omamọ ẹkpahọnphiyọ vwọ kẹ onọ yena.
1. Iphiẹrophiyọ vọ yen Baibol na vwọ kẹ avwanre?
Baibol na djekpahen oboresorọ ebẹnbẹn vwọ vọn akpọ na, ọ je vwẹ iyẹnrẹn esiri vwọphia rọ vwọ tanẹ o rhe che kri-i, ebẹnbẹn na ki che no. Ive rehẹ Baibol na sa kẹ ohwo “iphiẹrohọ.” (Se Jerimaya 29:11, 12.) Ive yena sa chọn avwanre uko vwo yerin ghene ebẹnbẹn re rhiẹromrẹ nonẹna, ji vwo omavwerhovwẹn asaọkiephana vẹ iphiẹrophiyọ rẹ arhọ ri bẹdẹ.
2. Mavọ yen Baibol na djisẹ rẹ oborẹ obaro na cha dia?
Baibol na djere nẹ vwẹ ọke rọ cha obaro na, “ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a.” (Se Ẹvwọphia 21:4.) Ebẹnbẹn re nẹrhẹ akpọ nẹ ohwo ọhọ rha cha dia-a, kerẹ uweren ọgangan, oshenyẹ, ọga, vẹ ughwu. Baibol na veri nẹ ihworakpọ cha dia bẹdẹ vwẹ Iparadaisi.
3. Mavọ wọ sa vwọ kpuriẹnphiyọ ẹroẹvwọsuọ wo vwo kpahen ive ri Baibol na?
Ihwo buebun rhẹro rọyen nẹ erhuvwu cha vwẹ obaro na, jẹ ayen ghwa riẹn sẹ oborẹ ayen rhẹro rọyen na cha phia-a. Ẹkẹvuọvo, ive ri Baibol na fẹnẹre. Avwanre sa vwẹroso obo rọ tare siẹrẹ a da “hiẹ ẹbe ọfuanfon na.” (Iruo Rẹ Iyinkọn Na 17:11) Womarẹ uyono ri Baibol na, ku wo che vwo ọhọ wo se vwo brorhiẹn komobọ sẹ wo se se oborẹ Baibol na ta kpahen obaro na gbuyota.
HIẸ KODO
Fuẹrẹn erọnvwọn evo rẹ Baibol na veri kpahen obaro na. Vwo oniso rẹ oborẹ iphiẹrophiyọ rehẹ Baibol na vwọ chọn ihwo uko nonẹna.
4. Baibol na veri nẹ avwanre se vwo arhọ ri bẹdẹ ababọ rẹ ebẹnbẹn
Ni ive evo rehẹ Baibol na. Ọvọ yen me je we? Kẹ, diesorọ?
Se ẹkpo ri Baibol re si kẹrẹ ive na, ovwan ta ota kpahen enọ nana:
Wo rorori nẹ ẹkpo ri Baibol nana sa kẹ wẹ iphiẹrophiyọ? E sa vwẹ iphiẹrophiyọ kẹ ihwo rẹ orua wẹn vẹ igbeyan wẹn?
Vwẹ ẹwẹn roro nẹ wọ hẹ evunrẹ akpọ rẹ
A RHA CHA RIOJA . . . |
KOHWO KOHWO . . . |
|---|---|
|
|
|
|
|
|
|
|
|
|
5. Iphiẹrophiyọ rọhẹ Baibol na sa nẹrhẹ wo yeren omamọ akpọ
Ebẹnbẹn sansan rẹ ihwo buebun rhiẹromrẹ nonẹna nẹrhẹ ofu dje ayen yẹrẹ nẹrhẹ ivun miovwo ayen. Evo ru kemu kemu rere erọnvwọn se vwo yovwinphiyọ. Mrẹ oborẹ ive ri Baibol na vwọ vwẹ ukẹcha kẹ ihwo asaọkiephana. Hworo IVIDIO na, ovwan ta ota kpahen enọ ri nenire.
Vwevunrẹ ividio na, oka rẹ oshenyẹ vọ yen kpokpo Rafika ẹwẹn?
Dede nẹ oshenyẹ na nuro-o, ukẹcha vọ yen Baibol na vwọ kẹ?
Iphiẹrophiyọ rẹ Baibol na vwọphia sa chọn avwanre uko vwo phi ofudjevwe kparobọ ji yerin ghene ebẹnbẹn avwanre. Se Isẹ 17:22 vẹ Rom 12:12, ovwan ta ota kpahen enọ nana:
Wo rorori nẹ evuẹ rehẹ Baibol na sa nẹrhẹ wo yerin omamọ akpọ asaọkiephana? Kẹ, diesorọ?
IHWO EVO TA: “Ive rehẹ Baibol na kpahen obaro na cha sa dia uyota-a.”
Diesorọ wo vwo roro nẹ ofori nẹ wọ hiẹ kpahọn komobọ?
ỌDJẸKOKO
Baibol na veri nẹ omamọ rẹ akpọ cha vwẹ obaro na, ive nana kẹ avwanre iphiẹrophiyọ vẹ ukẹcha re vwo yerin ghene ebẹnbẹn.
Ẹrhomafuẹrẹn
Diesorọ ihwo vwọ guọnọ iphiẹrophiyọ?
Die yen Baibol na ta kpahen obaro na?
Mavọ yen iphiẹrophiyọ re vwo kpahen obaro na sa vwọ chọn wẹ uko asaọkiephana?
HIẸ GUỌNỌ
Yono kpahen oborẹ iphiẹrophiyọ sa vwọ chọn wẹ uko vwẹ ọke rẹ ebẹnbẹn.
“Tivọ Yen A da sa Mrẹ Iphiẹrophiyọ?” (Awake!, April 22, 2004)
Mrẹ oborẹ iphiẹrophiyọ sa vwọ vwẹ ukẹcha kẹ ihwo ri nene okpọga muabọ.
“Baibol na sa Chọn Ohwo Uko Vwo Yerin Ghene Okpọga?” (Uyovwinrota rọhẹ jw.org)
Wo de ni uhworo rẹ ividio nana, vwẹ ẹwẹn roro nẹ wẹ vẹ orua wẹn riakpọ vwẹ Iparadaisi na.
Se kpahen oborẹ ohwo ọvo ro nudje vwo wene akpeyeren rọyen ọke ro vwo yono kpahen iphiẹrophiyọ rọhẹ Baibol na.
“Mi Rhe Roro nẹ Mi se Wene Akpọ Na-a” (Uwevwin Orhẹrẹ ri July 1, 2013)