UYONO 05
Baibol na Ọyen Ovuẹ rẹ Ọghẹnẹ Vwọ kẹ Avwanre
Jihova kẹ avwanre okẹ ọghanghanre ọvo, okẹ yena yen Baibol na, ẹbe 66 yehẹ evun rọyen. Ẹkẹvuọvo, wo se roro: ‘Tivọ yen Baibol na nurhe? Ono yen vwo Baibol na?’ Ra vwọ kpahenphiyọ enọ nana, e jẹ a ta ota kpahen oborẹ ovuẹ rẹ Ọghẹnẹ rọhẹ Baibol na vwo te avwanre obọ.
1. Diesorọ a vwọ tanẹ Ọghẹnẹ yen vwo Baibol na jẹ ihworakpọ yen siro?
Ihwo 40 yen si Baibol na vwẹ ikpe ri te omarẹ 1,600, vwo nẹ 1513 B.C.E. re te omarẹ 98 C.E. Ihwo ri si Baibol na nẹ asan sansan rhe. Dedena, oborẹ ayen siri vwọso ohwohwo-o. Mavọ yen ọ sa vwọ dia ọtiọyen? Kidie Ọghẹnẹ yen vwo Baibol na. (Se 1 Tẹsalonaika 2:13.) Ọ dia iroro romobọ rayen yen ihwo ri siro na si phiyotọ-ọ. Ukperẹ ọtiọyen, ẹwẹn ọfuanfon yen mu ayen vwọ “ta ota ro nẹ obọ rẹ Ọghẹnẹ rhe.”a (2 Pita 1:21) Ọghẹnẹ reyọ ẹwẹn ọfuanfon rọyen vwo mu ihwo ri si Baibol na vwo si iroro rọyen phiyotọ.—2 Timoti 3:16.
2. Amono yen sa mrẹ erere vwo nẹ Baibol na rhe?
“Kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo” sa mrẹ erere vwo nẹ iyẹnrẹn esiri rọhẹ Baibol na. (Se Ẹvwọphia 14:6.) Ọghẹnẹ ruro rere Baibol na sa vwọ dia vwẹ ejajẹ buebun vwọ vrẹ ẹbe efa vwẹ akpọ na. Kohwo kohwo se se Baibol na otoro asan rẹ ayen dia yẹrẹ ejajẹ raye-en.
3. Mavọ yen Jihova vwọ sẹro rẹ Baibol na?
Ekuakua re fobọ guọghọ kerẹ ẹbe rẹ aghwa re se papyrus vẹ ophiẹn yen e si Baibol na phiyọ jovwo. Ẹkẹvuọvo, ihwo ri vwo ẹguọnọ ri Baibol na da vwẹ obọ rayen vwọ rhoma sio. Dede nẹ ihwo ri vwo ogangan davwẹngba ayen vwọ ghwọrọ Baibol na, jẹ ihwo efa phi arhọ rayen phiyọ ẹdia rẹ imuoshọ rere ayen sa vwọ sẹro rọyen. Jihova je rhe vwẹ uphẹn kẹ emu vuọvo yẹrẹ ohwo vuọvo nẹ ọ dobọ rọyen ji o vwo jẹ ota ẹta vwọ kẹ avwanre-e. Baibol na da ta: “Ota rẹ Ọghẹne rẹ avwanre mudia bẹdẹ.”—Aizaya 40:8.
HIẸ KODO
Yono kpahen idjerhe ẹwẹn ọfuanfon rẹ Ọghẹnẹ vwo mu ihwo vwo si Baibol na, obo rọ sẹro rọyen wan vẹ obo ro se vwo te ihworakpọ eje obọ.
4. Baibol na dje ohwo ro vworo phia
Hworo IVIDIO na. Wo se 2 Timoti 3:16, ovwan ta ota kpahen enọ ri nenire.
Ọ da dianẹ ihworakpọ yen si Baibol na, kẹ diesorọ e vwo se Ota rẹ Ọghẹnẹ?
O ghini muwẹro nẹ Ọghẹnẹ sa chọn ihworakpọ uko vwo si iroro rọyen phiyotọ?
Osiọbe se si ileta, jẹ ohwo rọ vuẹrẹ nẹ o sio yen vwo ileta na. Vwẹ idjerhe vuọvo na, dede nẹ ihworakpọ yen si Baibol na jẹ Ọghẹne yen vwo ovuẹ rọhẹ evunrẹ ọyen
5. Baibol na vrabọ rẹ ẹvwọsuọ
Ọ da dianẹ Ọghẹnẹ yen vwo Baibol na kọyen ọ cha sẹro rọyen. Vwẹ ikuegbe rẹ ihworakpọ, ihwo ride davwẹngba ayen vwọ ghwọrọ Baibol na. Ilori ẹga davwẹngba ayen vwo sionu. Ẹkẹvuọvo, ihwo buebun phi arhọ rayen phiyọ ẹdia rẹ imuoshọ ayen sa vwọ sẹro rẹ Baibol na dede nẹ ayen hirharoku ẹvwọsuọ vẹ ughwu. E se vwo yono kpahen ọvo usun rẹ ihwo nana, Hworo IVIDIO na, ovwan ta ota kpahen enọ ri nenire.
Wọ vwọ riẹn kpahen oborẹ ihwo davwẹngba te vwọ sẹro rẹ Baibol na re na, ọ nẹrhẹ wo vwo owenvwe wo vwo se? Kẹ, diesorọ?
Se Une Rẹ Ejiro 119:97, ovwan ta ota kpahen enọ nana:
Die yen mu ihwo buebun vwo phi arhọ rayen phiyọ ẹdia rẹ imuoshọ ayen sa vwọ fan Baibol na je gharọ?
6. Ọbe vwọ kẹ ihwo eje
Baibol na yen ọbe ra ma fan je ma ghare vwẹ ikuegbe rẹ ihworakpọ re. Se Iruo rẹ Iyinkọn Na 10:34, 35, ovwan ta ota kpahen enọ nana:
Diesorọ Ọghẹnẹ vwọ guọnọ nẹ a fan Ota rọyen je gharọ vwẹ akpọneje?
Die yen me je we kpahen Baibol na?
Emerha nuro
ihwo eje
rehẹ akpọ na
yen vwo Baibol na vwẹ ejajẹ rẹ ayen vwo ẹruọ rọyen ọsoso yẹrẹ ẹbẹre ọvo ri Baibol na
herọ vwẹ
ejajẹ re vrẹ
3,000
5,000,000,000
Uche Baibol ra teyenre,
ọnana vrẹ ẹbe efa shesheri
IHWO EVO TA: “Baibol na ọbe awanre rẹ ihworakpọ siri.”
Die wo rorori?
Die yen djerephia nẹ Baibol na Ota rẹ Ọghẹnẹ?
ỌDJẸKOKO
Baibol na Ota rẹ Ọghẹnẹ, jẹ o ruro o vwo te ihworakpọ eje obọ.
Ẹrhomafuẹrẹn
Die yen o mudiaphiyọ a vwọ tanẹ ẹwẹn ọfuanfon rẹ Ọghẹnẹ yen mu ihwo vwo si Baibol na?
Die yen kẹ wẹ omavwerhovwẹn kpahen obo ra vwọ sẹro rẹ Baibol na, vẹ efanfan rọyen kugbe obo ro bun te?
Mavọ yen oma ru we, wọ vwọ riẹn nẹ Ọghẹnẹ davwẹngba rọyen eje ọ sa vwọ ta ota kẹ wẹ?
HIẸ GUỌNỌ
Se ikuegbe rẹ obo re phia kẹ Baibol na vwo nẹ imanuskripti rẹsosuọ rọyen re te efanfan rẹ ọke nana.
“Oborẹ Baibol na Wan Te Avwanre Obọ” (Awake!, November 2007)
Yono kpahen oborẹ Baibol na vwọ vrabọ rẹ imuoshọ erha.
“Baibol Na—Imuoshọ ro Yerin Ghene” (Uwevwin Orhẹrẹ ri July 2016)
Mrẹ ẹdia rẹ imuoshọ rẹ ihwo phi oma rayen phiyọ rere ayen sa vwọ fan Baibol na.
E si Baibol na je fan abọ buebun re. Diesorọ wo vwo vwo imuẹro nẹ e wene eta evo vwẹ evun rọye-en?
“E Wene Baibol na Gbanẹ E Djobọte Eta Rehẹ Evun Rọyen Re?” (Uyovwinrota rọhẹ jw.org)