A VWỌ TON OTAẸTAKUẸGBE PHIYỌ
UYONO 4
Omaevwokpotọ
Odjekẹ ri Baibol: “Vwọrẹ omaevwokpotọ ovwan no nẹ ihwo efa yovwin nọ ovwan.”—Fil 2:3.
Obo ri Pọl Ruru
1. Ni IVIDIO na, yẹrẹ se Iruo rẹ Iyinkọn Na 26:2, 3, rere ovwan ta ota kpahen enọ ri nenire:
Mavọ yen Pọl vwo dje omaevwokpotọ phia womarẹ oborẹ ọ ta ota kẹ Ọvie Agripa wan?
Mavọ yẹn Pọl vwọ nẹrhẹ a tẹnrovi Jihova vẹ Baibol na ukperẹ oma rọyen?—Ni Iruo rẹ Iyinkọn Na 26:22.
Die Yen Avwanre Yono Mie Pọl?
2. Ovuẹ rẹ avwanre na che te ihwo ẹwẹn siẹrẹ a da vwẹ omaevwokpotọ vẹ ọghọ vwọ ta.
Vwẹrokere Pọl
3. Ta ota vwẹ idjerhe rẹ ọghọ. Kẹnoma kẹ uruemu wo vwo djephia nẹ wọ riẹn emu eje vrẹ ohwo na.
4. Dje phephẹn nẹ Baibol na yen uyono wẹn nurhe. Ota rẹ Ọghẹnẹ se djobọte iroro vẹ ubiudu rẹ ihwo. Avwanre da reyọ vwo yono ihwo, jẹ a bọn esegbuyota rayen gan vwọ kpahen uvi rẹ uchivwo.
5. Dia dẹndẹn. Wọ tikpẹrikpẹ phiyotọ nẹ ọwẹn yen gbare-e. Avwanre guọnọ phraphro-o. Dje omaevwokpotọ phia womarẹ wọ vwọ fọ, wọ me je riẹn ọke ro fori nẹ wo vwo nẹ etiyin. (Isẹ 17:14; Taitọs 3:2) Eta wẹn da dia dẹndẹn, ọ sa nẹrhẹ ohwo na kerhọ rẹ ovuẹ rẹ avwanre ọke ọfa.