UNE 108
Ẹguọnọ rẹ Ọghẹnẹ Ro Jẹ Rhẹriẹ
(Aizaya 55:1-3)
1. Ọghẹnẹ y’ẹguọnọ!
Ọ nabọ vwẹrot’avwanre.
Fikir’ẹguọnọ rọyen na,
Jesu rhi vwo ghwu k’avwanre.
Ọ nẹrhe vw’iphiẹrophiyọ
Kugb’uphẹn r’arhọ ri bẹdẹ.
(EKUO)
Ovwan re guọn’ame da,
’Vwan rhe d’ame r’arhọ na.
’Vwan rhe d’ame na ọphẹ.
Mr’ẹguọnọ r’Ọghẹnẹ.
2. Ọghẹnẹ y’ẹguọnọ!
Iruo rọyen dj’ọnana phia.
O ji dj’ẹguọnọ k’avwanre
Rọ vwọ vwi Jesu vwo mu’Ovie.
O che ru’ọhọre rọyen gba.
Uvie r’Ọghẹnẹ na suẹn re!
(EKUO)
Ovwan re guọn’ame da,
’Vwan rhe d’ame r’arhọ na.
’Vwan rhe d’ame na ọphẹ.
Mr’ẹguọnọ r’Ọghẹnẹ.
3. Ọghẹnẹ y’ẹguọnọ!
E j’avwanre ji vw’ẹguọnọ.
E ja vw’ukẹcha vwọ k’ihwo,
E vwọ yọnr’irhi r’Ọghẹnẹ.
E ja vw’ẹga vwọ k’Ọghẹnẹ.
E je ghwoghwota na k’ihwo.
(EKUO)
Ovwan re guọn’ame da,
’Vwan rhe d’ame r’arhọ na.
’Vwan rhe d’ame na ọphẹ.
Mr’ẹguọnọ r’Ọghẹnẹ.
(Ji ni Une 33:5; 57:10; Ẹfe. 1:7.)