Dia ohwo rọ nuẹ. Nọ oma wẹn: ‘A riẹn vwẹ phiyọ ohwo rọ sa nuẹ, rọ ji se nene ihwo efa ruẹ kuẹgbe? Gbanẹ ohwo ro sianro, si ọrhan, yẹrẹ ru uyovwin gangan? Me kerhọ kẹ ihwo efa je nuẹ nene oborẹ ayen ta siẹrẹ o de fo?’ Oborẹ avwanre nuẹ te yen che djephia nẹ avwanre vwẹrokere Jihova vẹ Jesu. A guọnọrẹ nẹ a nuẹ siẹrẹ ẹdia rẹ akpeyeren de wene. Oka rẹ ewene tiọyena sa ghwa ebẹnbẹn re rhẹro rọye-en rhe avwanre. Ẹdia rẹ omakpokpọ rẹ avwanre se wene siẹvuọvo. Ewene rẹ usuon yẹrẹ uweren sa nẹrhẹ akpeyeren gan kẹ avwanre. (Agh 9:11) Siẹrẹ ukoko na de wene asan rẹ avwanre da wian, ọnana je sa davwen esegbuyota rẹ avwanre ni. E se yerin ghene ayen eje e de nene owọẹjẹ ẹne nana: (1) vwo ọmrẹvughe rẹ ẹdia ru wọ hepha na, (2) roro kpahen obo re cha vwẹ obaro na, (3) tẹnrovi erhuvwu ro se nẹ ẹdia wọ hepha na rhe, wọ je (4) vwẹ ukẹcha kẹ ihwo efa. w23.07 21-22 ¶7-8

Ọmraro Daniẹl eghene ọke re vwo muo nẹ ẹkuotọ rọyen kpo ighuvwu vwẹ Babilọn. Ẹkẹvuọvo ilori ri Babilọn vwo oniso ri Daniẹl. Ayen “nẹ ekroma” rọyen nẹ o ‘vwo eka-an, o vwo erhuvwu,’ o ji nẹ orua ro titiri rhe. (1Sa 16:7) Fikirẹ enana rẹ ayen mrẹre, ihwo ri Babilọn de yono Daniẹl rere ọ vwọ ga vwẹ egodo rẹ Ovie. (Da 1:3, 4, 6) Jihova vwo ẹguọnọ ri Daniẹlfikirẹ oka rẹ ohwo rọ hepha. Vwọrẹ uyota, ọ sa dianẹ omarẹ ẹgbukpe uje yen Daniẹl hepha ọke rẹ Jihova vwo kere ba evwata kerẹ Noa vẹ Job re fuevun ga ikpe buebun. (Jẹ 5:32; 6:9, 10; Job 42:16, 17; Izi 14:14) Jihova ji vwo ẹguọnọ ri Daniẹl vwẹ akpeyeren rọyen eje.—Da 10:11, 19. w23.08 2 ¶1-2

Wọ da guọnọ dẹ uwevwin, wọ cha nabọ frẹkotọ ni uwevwin na eje komobọ. E ji se ru ọtiọyen siẹrẹ e de yono Baibol na. Wo de brokpakpa se, ọ sa dianẹ erọnvwọn elọlọhọ ọvo yen wo che yono kpahen—kọyen “erọnvwọn rẹsosuọ rẹ eta efuanfon rẹ Ọghẹnẹ.” (Hib 5:12) Ukperẹ ọtiọyen, kerẹ uwevwin ra ta ota kpahen siẹvure na, ro “evun rọyen” frẹkotọ yono Baibol na ji vwo ẹruọ rọyen. Idjerhe oyoyovwin ọvo re vwo yono Baibol na yen e vwo roro kpahan oborẹ evuẹ sansan rehẹ Baibol na vwo churobo si ohwohwo. Ọ dia oborẹ wo segbuyota ọvo yen wọ cha davwẹngba vwo vwo ẹruọ rọye-en, ẹkẹvuọvo oboresorọ wo vwo se ayen gbuyota. A vwọ nabọ vwo ẹruọ rẹ Ota rẹ Ọghẹnẹ, ofori nẹ e yono kpahen iyota ikokodo rehẹ Baibol na. Ọyinkọn Pọl vuẹ iniọvo re dia Inenikristi nẹ ayen fuẹrẹn Ota rẹ Ọghẹnẹ rere ayen sa vwọ “nabọ vwo ẹruọ rẹ ohẹhẹre, ugrongron, enuẹra kugbe ukokodo” rọyen. Ọnana cha nẹrhẹ ayen “tan awọ muotọ ji mudia vwẹ enu rẹ uchivwo” rẹ esegbuyota rayen. (Ẹf 3:14-19) Ofori nẹ e ji ru ọtiọyen. w23.10 18 ¶1-3