12 “Fhedzi arali na mu shandukela na tevhedza maitele a dzenedzi tshaka dzo salaho+ na vhingelana+ nadzo na konana nadzo, na dzone dza konana na inwi, 13 ni ḓivhe nga ngoho uri Yehova Mudzimu waṋu ha tsha ḓo bvela phanḓa a tshi pandela* dzenedzo tshaka;+ dzi ḓo vha tshikwekwe tsha u ni fasha, dza ni pfisa vhuṱungu sa ṱhamu ine ya ni rwa muṱana,+ sa mipfa ine ya ni ṱhavha maṱo, u swika ni tshi fhela shangoni ḽavhuḓi ḽe Yehova Mudzimu waṋu a ni ṋea ḽone.

11 Fhedzi Khosi Salomo o funa vhafumakadzi vhanzhi vha vhatsinda,+ nga nnḓa ha ṅwana wa Farao:+ O vha e na vhafumakadzi vha Vhamoaba,+ vha Vhaamoni,+ vha Vhaedomo, vha Vhasidoni+ na vha Vhahethe.+ 2 Vho vha vha tshi bva kha tshaka dze Yehova a amba na Vhaisiraele a ri: “A no ngo tea u ḓiṱanganya navho,* a vho ngo tea u ḓiṱanganya na inwi, ngauri vha ḓo khelusa mbilu dzaṋu na tevhela midzimu yavho.”+ Fhedzi Salomo a vha nambatela na u vha funa.

2 Vho ḓivhingela vhaṅwe vha vhananyana vhavho vha dovha vha vhingela na vharwa vhavho.+ Vhenevho vha re vhana* vhakhethwa,+ vho ḓiṱanganya na vhathu vha maṅwe mashango.+ Vhakololo na vhathusi vha vhavhusi ndi vhone vho ṋaṋisaho honoho vhukhakhi ha u sa fhulufhedzea.”