18 Fhedzi khosi ya Yuda ye ya ni ruma u vhudzisa Yehova, ni i vhudze uri, “Yehova Mudzimu wa Isiraele u ri: ‘Kha mafhungo e wa a pfa, 19 ngauri wo ṱavhanya wa ḓisola, wa ḓiṱukufhadza+ phanḓa ha Yehova musi u tshi pfa zwe nda zwi amba nga ha henefha fhethu na vhadzulapo vhaho, musi ndi tshi ri vha ḓo tshuwa, vha semiwa. Iwe wa kherukanya zwiambaro zwau+ wa lila phanḓa hanga. Na thabelo yau ndo i pfa, u ralo Yehova.

13 A bvela phanḓa a tshi rabela Mudzimu, we a kwamea nga tshililo tshawe, a pfa khumbelo yawe ya u ṱoḓa u khathutshelwa, a mu vhuyedzedza Yerusalema vhuhosini hawe.+ Manase a ḓivha zwa uri Yehova ndi Mudzimu wa ngoho.+

Musi a tshi mu lilela a tshi ṱoḓa thuso, o mu pfa.+

22 Fhedzi khotsi awe a amba na vhalanda vhawe a ri, ‘Ṱavhanyani ni ḓise zwiambaro zwavhuḓi ni mu ambadze, ni mu ambadze na rinngi tshanḓani na thovho.* 23 Ni ḓise na ṋamana yo nonaho, ni i ṱhavhe, ri ḽe ri pembele, 24 ngauri ṅwananga o vha o fa, zwino u khou tshila;+ o vha o xela, zwino o wanala.’ Vha thoma u ḓiphiṋa.

13 Fhedzi muthelisi o vha o ima kule, a sa ṱoḓi na u lavhelesa ṱaḓulu, a tshi khou ḓisola,* a tshi ri, ‘Mudzimu, nkhathutshele, ndi muitazwivhi.’+ 14 Ndi a ni vhudza ndi ri, musi onoyo munna a tshi humela hayani, o vha o luga phanḓa ha Mudzimu u fhira Mufarisei.+ Ngauri ane a ḓihudza u ḓo ṱukufhadzwa, ane a ḓiṱukufhadza u ḓo huliswa.”+