• Phisalema 15:1-5
    Bivhili Ipfi Ḽa Mudzimu

    • 15 Iwe Yehova, ndi nnyi ane a nga vha mueni denndeni ḽau?

      Ndi nnyi ane a nga dzula thavhani yau khethwa?+

       2 Ndi ane a fhulufhedzea,+

      Ane a ita zwo lugaho+

      Ane a amba ngoho mbiluni yawe.+

       3 A sa tshinyi vhaṅwe dzina nga lulimi lwawe,+

      Ane a si itele muhura wawe vhuvhi,+

      Ane a si tshinye* khonani dzawe dzina.+

       4 Ane a landula a nengisaho,+

      Fhedzi a hulisa vhane vha ofha Yehova.

      Ane a si shandule zwe a fhulufhedzisa, naho zwi tshi mu konḓela.+

       5 A sa hadzimisi tshelede u itela u wana nzwalelo,+

      A sa ṱanganedzi tshanḓanguvhoni musi ho hwelelwa a si na mulandu.+

      Ane a ita zwenezwi zwithu ha nga vhuyi a dzinginyea.+

  • Phisalema 27:4
    Bivhili Ipfi Ḽa Mudzimu

    •  4 Ndo humbela tshithu tshithihi kha Yehova,

      Ndi tshine nda tshi lila,

      Ndi u dzula nḓuni ya Yehova maḓuvha oṱhe a vhutshilo hanga,+

      Uri ndi lavhelese vhuḓi ha Yehova

      Na u takalela u lavhelesa thembele* yawe.+

  • Phisalema 84:1-4
    Bivhili Ipfi Ḽa Mudzimu

    • 84 Ndi funa lungafhani dennde ḽihulu ḽikhethwa,+

      Iwe Yehova wa mavhuthu!

       2 Ndo ṱulutshelwa,

      Ndo fhelelwa nga nungo nga u ṱuvha

      Miṱa ya Yehova.+

      Mbilu yanga na muvhili wanga zwi fhululedza Mudzimu a tshilaho.

       3 Na tshiṋoni tshi a wana vhudzulo henefho

      Ṱhambela-maḓi i ḓifhaṱela tshiṱaha henefho,

      Hune ya ṱhogomela hone mafhondo ayo

      Tsini na aḽeṱare yau khulu, Iwe Yehova wa mavhuthu,

      Khosi yanga na Mudzimu wanga!

       4 Hu takala vhane vha dzula nḓuni yau!+

      Vha dzula vha tshi u renda.+ (Selah)

  • Phisalema 84:10
    Bivhili Ipfi Ḽa Mudzimu

    • 10 Ngauri ḓuvha ḽithihi ndi miṱani yau zwi khwine u fhira maḓuvha a tshigidi ndi huṅwe fhethu!+

      Ndo nanga u ima muṋangoni wa Mudzimu wanga

      Nṱhani ha u dzula madenndeni a vhavhi.