9 Takala iwe muṱhannga, musi u tshi kha ḓi vha muṱuku, mbilu yau i takalele maḓuvha a vhuswa hau. Fara nḓila ine mbilu yau ya i funa, u ye hune maṱo au a u livhisa hone; fhedzi u ḓivhe uri Mudzimu wa ngoho u ḓo u haṱulela* zwenezwo zwithu zwoṱhe.+

36 Ndi a ni vhudza uri nga Ḓuvha ḽa Khaṱhulo vhathu vha ḓo sengiselwa+ zwoṱhe zwi si na mushumo zwe vha zwi amba; 37 ngauri zwine na zwi amba ndi zwone zwine zwa ḓo ita uri hu pfi no luga kana ni vhonwe mulandu.”

31 Ngauri Mudzimu o vhea ḓuvha ḽine a ḓo haṱula+ ḽifhasi ḽoṱhe a sa ṱaluli, a tshi shumisa muthu we a mu nanga, vhathu vhoṱhe vha nga fhulufhela uri ḽeneḽo ḓuvha ḽi ḓo ḓa, ngauri o vusa onoyo muthu vhafuni.”+

10 Ngauri roṱhe ri ḓo ima hune Kristo a sengisela hone, uri ri haṱulwe u ya nga zwe ra zwi ita musi ri tshi kha ḓi vha kha wonoyu muvhili, hu sa londwi uri ndi zwivhuya kana ndi zwivhi.+

24 Zwivhi zwa vhaṅwe zwi a ḓivhiwa nga vhathu, zwa ita uri vha haṱulwe nga u ṱavhanya, fhedzi zwa vhaṅwe zwi vhonala nga murahu.+