• 1 Dzikhosi 19:5, 6
    Bivhili Ipfi Ḽa Mudzimu

    • 5 A eḓela henefho fhasi ha tshiṱaka, a farwa nga khofhe. Muruṅwa a ṱavhanya a mu kwama+ a amba nae a ri: “Vuwa u ḽe.”+ 6 Musi a tshi lavhelesa, a vhona ḽofo yo gotshiwaho kha matombo na mudzio wa maḓi zwi henefho tsini na ṱhoho yawe. A ḽa na u nwa, a dovha a eḓela.

  • Phisalema 34:9, 10
    Bivhili Ipfi Ḽa Mudzimu

    •  9 Ofhani Yehova, inwi vhakhethwa vhawe vhoṱhe,

      Ngauri vhane vha mu ofha a vha nga shayi tshithu.+

      כ [Kaph]

      10 Na ndawana dzi re na ma⁠anḓa dzi nga vha na zwiḽiwanyana, dza farwa nga nḓala,

      Fhedzi vhane vha ṱoḓa Yehova a vha nga shayi tshithu tshavhuḓi.+

  • Yesaya 65:13
    Bivhili Ipfi Ḽa Mudzimu

    • 13 Nga zwenezwo, zwe Yehova Murena Muvhusahoṱhe a zwi amba ndi hezwi:

      “Vhashumeli vhanga vha ḓo ḽa, fhedzi inwi ni ḓo fa nga nḓala.+

      Vhashumeli vhanga vha ḓo nwa,+ fhedzi inwi ni ḓo fa nga ḓora.

      Vhashumeli vhanga vha ḓo takala,+ fhedzi inwi ni ḓo shona.+