7 Fhedzi Ere tanzhe ḽa Yuda, o vha a tshi ita zwithu zwi sa takadzi Yehova; huno Yehova a mu vhulaya. 8 Nga nṱhani ha zwenezwo, Yuda a amba na Onana a ri: “Ita zwa vhudzekani na mufumakadzi wa mukomana wau u mu vhinge uri u bebele mukomana wau vhana.”+

5 “Arali murathu na mukomana vha tshi khou dzula vhoṱhe, muṅwe wavho a fa a si na murwa, mufumakadzi wa mufu a songo vhingwa nga muṅwe muthu ane a si vhe wa muṱa wonoyo. Mukomana kana murathu a vhinge onoyo mufumakadzi.+ 6 Tanzhe ḽine onoyo mufumakadzi a ḓo ḽi beba ḽi ḓo irwa dzina ḽa mufu+ uri dzina ḽawe ḽi si fe Isiraele.+

11 Fhedzi Naomi a ri: “Humani, vhananyana vhanga. Ndi ngani ni tshi fanela u ṱuwa na nṋe? Naa ndi nga kha ḓi kona u beba vhana vhane vha ḓo vha vhanna vhaṋu?+

13 Eḓela henefha vhusiku vhuno, arali a u rengulula nga matsheloni, zwo luga! Kha u rengulule.+ Fhedzi arali a sa ṱoḓi u u rengulula, ndi ana nga Yehova a tshilaho, nṋe ndi ḓo u rengulula. Eḓela henefha u swika nga matsheloni.”