19 A vhudza gogo uri ḽi dzule hatsini. A dzhia dziḽa ḽofo ṱhanu na khovhe mbili a lavhelesa ṱaḓulu, a zwi fhaṱutshedza,+ a ṅwatekanya dziḽa ḽofo, a dzi ṋea vhafunziwa vhawe uri vha ṋee gogo. 20 Vhoṱhe vha ḽa vha fura, vha kuvhanganya matshakatshaka o salaho, a ḓadza mimanngi ya 12.+ 21 Vho ḽaho ndi vhanna vha 5 000, hu sa vhalwi vhafumakadzi na vhana.+

39 A vhudza vhathu vhoṱhe uri vha dzule hatsini nga zwigwada.+ 40 Kha zwenezwo zwigwada, zwiṅwe zwo vha zwi na vhathu vha 100, zwiṅwe zwi na vha 50. 41 A dzhia dziḽa ḽofo ṱhanu na khovhe mbili, a lavhelesa ṱaḓulu, a zwi fhaṱutshedza.+ Nga murahu, a ṅwatekanya dziḽa ḽofo a dzi ṋea vhafunziwa vhawe uri vha ṋee vhathu, a kovhekanyela vhathu vhoṱhe dziḽa khovhe mbili. 42 Vhoṱhe vha ḽa vha fura, 43 vha kuvhanganya matshakatshaka a vhurotho a ḓadza mimanngi ya 12, hu songo vhalwa na matshakatshaka a khovhe.+ 44 Vho ḽaho vhurotho vho vha vhe vhanna vha 5 000.

14 Ho vha hu na vhanna vha ṱoḓaho u vha 5 000. A amba na vhafunziwa vhawe a ri: “Vha dzudzeni nga zwigwada, ni ite uri tshigwada tshiṅwe na tshiṅwe tshi vhe na vhathu vha ṱoḓaho u vha 50.” 15 Vha ita zwenezwo, vha dzudza vhathu vhoṱhe fhasi. 16 A dzhia dziḽa ḽofo ṱhanu na khovhe mbili, a lavhelesa ṱaḓulu, a zwi fhaṱutshedza. A zwi ṅwatekanya, a zwi ṋea vhafunziwa vhawe uri vha ṋee gogo. 17 Vhoṱhe vha ḽa vha fura, vha kuvhanganya matshakatshaka o salaho, a ḓadza mimanngi ya 12.+