26 Vhahashu vha ngei Makedonia na Axaya vho takalela u thusa vhakhethwa vha ngei Yerusalema nga u vha ṋea zwine vha shaya.+ 27 Vho zwi ita vho takala, vha tshi vhona zwo tea uri vha zwi ite; Vhayuda vho vhudza dzitshaka zwithu zwavhuḓi zwi bvaho kha Mudzimu, ndi ngazwo vha dzitshaka vho vha thusa nga zwine vha shaya.+

6 Zwiṅwe hafhu, ane a funzwa fhungo nga a kovhele zwithu zwoṱhe zwivhuya o mu funzaho.+

15 Na inwi Vhafilipi ni a zwi ḓivha uri musi no no guda mafhungo maḓifha, musi ndi tshi ṱuwa Makedonia, a hu na tshivhidzo tshe tsha nthusa kana u tenda ndi tshi tshi thusa, nga nnḓa ha inwi;+ 16 ngauri musi ndi ngei Thesalonika, no nthumela zwine nda zwi shaya luvhili lwoṱhe. 17 A thi khou ṱoḓa tshifhiwa, zwine nda ṱoḓa ndi uri ni ite mishumo yavhuḓi ine ya ḓo ni vhuyedza vhukuma.