Muhuweleli

5 U ṱhogomele musi u tshi ya nḓuni ya Mudzimu wa ngoho;+ ndi khwine u sendela tsini wa thetshelesa+ nṱhani ha u ṋekedza tshiṱhavhelo sa zwine zwa itwa nga matsilu,+ ngauri ha ḓivhi uri zwine a khou zwi ita zwo khakhea.

2 U songo ṱavhanyedza wa amba kana wa ṱavhanyedza wa bula zwa mbiluni yau phanḓa ha Mudzimu wa ngoho,+ ngauri Mudzimu wa ngoho u ngei ṱaḓulu, fhedzi iwe u fhano kha ḽifhasi. Ndi ngazwo u songo tea u ambesa.+ 3 U humbulesa* zwi ita uri hu vhe na muḽoro,+ vhutsilu vhu bveledzwa nga u ambesa.+ 4 Musi u tshi anela Mudzimu, u songo lenga u ita zwe wa ana,+ ngauri ha takaleli matsilu.+ Zwine wa ana u zwi ite.+ 5 U sa ana zwi khwine u fhira u ana wa si ite.+ 6 U songo tendela mulomo wau u tshi u itisa tshivhi,+ u songo amba phanḓa ha muruṅwa* wa ri ndo vha ndo tou khakha.+ Ndi ngani u tshi sinyusa Mudzimu wa ngoho nga zwine wa zwi amba lune zwa ita uri a fhelise mushumo wa zwanḓa zwau?+ 7 Samusi u humbulesa zwi tshi ḓisa miḽoro,+ na u ambesa zwi ḓisa mahandana. Fhedzi ofha Mudzimu wa ngoho.+

8 Arali tshiṱirikini tsha hau wa vhona hu tshi tsikeledzwa mushai, hu si na khaṱhulo yo teaho na zwo lugaho, u songo mangala.+ Ngauri onoyo muḓinḓa muhulwane o lavheleswa nga a re muhulwane khae, hu na vhaṅwe vhahulwane vhane vha vha fhira.

9 Zwiṅwe hafhu, vha kovhelwa vhoṱhe zwine shango ḽa zwi bveledza; na khosi i ḽa zwine zwa bva tsimuni.+

10 Ane a funa siḽiva a nga si fushee ngayo na ane a funa lupfumo ha fushei ngalwo.+ Na zwenezwi ndi mahandana.+

11 Musi zwithu zwavhuḓi zwi tshi vha zwinzhi, na vhane vha zwi ḽa vha a engedzea.+ A zwi vhuyedzi muṋe wazwo, nga nnḓa ha u sokou zwi lavhelesa.+

12 Hu ḓifha khofhe dza ane a shumela vhaṅwe, hu sa londwi uri u ḽa zwiṱuku kana zwinzhi, fhedzi zwithu zwinzhi zwine mupfumi a vha nazwo zwi mu kundisa u eḓela.

13 Hu na zwithu zwine zwa ṱungufhadza zwe nda zwi vhona fhano fhasi ha ḓuvha: ndi lupfumo lwe lwa kuvhanganywa nga muṋe walwo lwa mu ḓisela khombo. 14 Lupfumo lwawe lu a balangana musi hu tshi vha na khombo, ṅwana wawe a sala a si na tshithu.+

15 Vhunga muthu a tshi bva mbumbeloni ya mme awe e fhedzi, u ḓo ṱuwa nga nḓila i fanaho na ye a ḓa ngayo.+ A hu na tshine a ḓo ṱuwa o tshi fara naho o shuma nga maanḓa.+

16 Na zwenezwi zwi a ṱungufhadza vhukuma: U ḓo ṱuwa nga nḓila i fanaho na ye a ḓa ngayo; ane a shuma nga maanḓa a tshi pandamedza muya u ḓo vhuyelwa ngani?+ 17 Zwiṅwe hafhu, ḓuvha ḽiṅwe na ḽiṅwe u ḽela swiswini, o hanganea vhukuma a tshi lwala, o sinyuwa.+

18 Zwe nda zwi vhona zwi zwavhuḓi, zwo tea ndi hezwi: ndi uri muthu a ḽe na u nwa na u ḓiphiṋa nge a shuma nga maanḓa+ a tshi ḓinetisa fhano fhasi ha ḓuvha tshifhingani tsha maḓuvha a si gathi a vhutshilo e Mudzimu wa ngoho a mu ṋea one, ngauri zwenezwo ndi malamba* awe.+ 19 Zwiṅwe hafhu, musi Mudzimu wa ngoho a tshi ṋea muthu lupfumo na thundu+ na maanḓa a u ḓiphiṋa ngazwo, u fanela u dzhia malamba* awe a ḓiphiṋe ngauri o shuma nga maanḓa. Tshenetshi ndi tshifhiwa tsha Mudzimu.+ 20 Ngauri a nga si ṱhogomele* u fhela ha maḓuvha awe a vhutshilo, ngauri Mudzimu wa ngoho u ita uri a dzule o farekanea nga dakalo ḽi re mbiluni yawe.+